Kawandilaa 3:20 - Mandinka Bible

²⁰ Ì bee labandulaa kiliŋ. Ì bota bankumunkoo le bala, aduŋ ì bee be muru la ka ke wo bankumunku kiliŋo le ti kotenke.

Kawandilaa 3:20 Mawu Ofanana

1 Musa 25:17

Ñiŋ ne keta Isimayila siyo daŋo ti, sanji keme sanji taŋ saba sanji woorowula. A ye a la niijii labaŋo ke, a beleta ka kafu a la moolu ma, mennu beleta a ñaa.

1 Musa 25:8

Iburayima ye a la niijii labaŋo ke. A la beloo ye a tara le a kotoota baake. A kafuta a bonsuŋolu ma, mennu beleta a ñaa.

1 Musa 3:19

I be kali la tara la le foloo, janniŋ i be feŋ soto la ka a domo, fo janniŋ i be seyi la ka ke bankoo ti kotenke, i daata meŋ na. I daata bankumunkoo le la, aduŋ i be labaŋ na ke la bankumunkoo le ti.”

Yuuba 14:10

Bari hadamadiŋo, niŋ a faata, a daŋo bee ka ke wo le ti. Wo to a ka tara mintoo le, niŋ a maŋ tara keriŋ?

Yuuba 14:14

Niŋ hadamadiŋo faata, fo a be wuli la le koteŋ baŋ? M be tara la muñariŋ n na bataa luŋolu bee kono le, fo janniŋ m firiŋ luŋo.

Yuuba 17:13

M maŋ jiki soto, fo kaburoo meŋ be naa ke la n yaa ti, daameŋ m be n na laaraŋo loo la jee diboo kono.

Yuuba 30:24

A be koyiriŋ ne ko, moo buka balaŋ ka a buloo fayi moo kasaarariŋo kaŋ, niŋ a woosiita ka maakoyiroo ñini a la niikuyaa waatoo kono.

Yuuba 34:15

moo bee ye kasaara ñoo la, aduŋ ì si naa seyi ka ke bankumunkoo ti.

Yuuba 7:9

Ko tawaloo ka janjaŋ ñaameŋ, a ye yeemaŋ, moolu fanaalu mennu ka taa fureeduu, ì buka muru naŋ kotenke wo le ñaama.

Jabuuroolu 103:14

A ye a loŋ ne ǹ daata ñaameŋ, a ye a loŋ ne ko ntolu mu bankumunkoo le ti.

Jabuuroolu 104:29

Niŋ i ye i ñaa kaasi ì la, ì ka jikilateyi le. Niŋ i ye i la baluwo niijii foñoo taa, ì ka faa le, ì ye muru ka ke bankumunkoo ti.

Jabuuroolu 49:14

Ì tombonta le ka faa komeŋ saajiyolu, saayaa be ì kenkeŋ na le komeŋ kantarilaa. Moo tilindiŋolu be dori la ì kaŋ ne soomandaa, ì baloolu ye tara toli kaŋ kaburoo kono, daameŋ jamfata ì la koridaa ñiimaalu la.

Kawandilaa 12:7

bankumunkoo be muru la bankoo kaŋ, a bota meŋ bala, niyo be muru la Alla kaŋ, meŋ ye a dii.

Kawandilaa 3:21

Jumaa le ye a loŋ fo hadamadiŋo niyo ka sele le ka taa santo, waraŋ fo beeyaŋolu taa ka taa bankoo le duuma?”

Kawandilaa 6:6

Hani niŋ a ye a tara ñiŋ kewo ye sanji wuli fula le baluu, hani wo bee a maŋ niiseewoo soto. Fo ì bee labaŋo te ke la kiliŋ ne ti, kaburoo kono?

Kawandilaa 7:2

Saŋa bunkono duŋo, wo le ye fisa bidaŋ bunkono duŋo ti. Hadamadiŋo bee labaŋo mu saayaa le ti, moo-wo-moo be baluwo to, wo si tara i sondomoo kono.

Kawandilaa 9:10

I buloo benta dookuu-wo-dookuu fee, a ke beteke, kaatu i be taa kaburoo meŋ kono, dookuu te jee de, sako feere landi, aduŋ londi kuu fanaa te jee, sako ñaameŋ kuu.

Daniyeli 12:2

Moo jamaa, mennu faata nuŋ, ì ye ì baadee, be wuli la le, ì ye baluu kotenke. Doolu be badaa-badaa baluwo le soto la, aduŋ doolu be tara la maloo niŋ halakoo le kono fo abadaa.

4 Musa 27:13

Niŋ i ye a je fokabaŋ, i fanaa be bele la le, i ye kafu i bonsuŋolu ma, ko i kotoo Haaruna keta ñaameŋ.