Kawandilaa 3:19 - Mandinka Bible

¹⁹ Hadamadiŋo labaŋo niŋ beeyaŋo labaŋo bee kiliŋ. Labaŋñaa kiliŋo le ka tara ì bee batu kaŋ. Ñiŋ doo ka faa ñaameŋ, ñiŋ doo fanaa ka faa wo le ñaama. Nii kiliŋo le be ì bee la. Hadamadiŋ maŋ fisa beeyaŋ ti. Ñiŋ bee maŋ ke feŋ ti.

Kawandilaa 3:19 Mawu Ofanana

2 Samuweli 14:14

Ntolu bee ñanta faa la le. Ntolu ka munta le ko jiyo, meŋ bonta bankoo to, meŋ te kafu noo la ñoo ma kotenke. Bari Alla te niyo bo la, a be feeroolu le miira la, i si a je, moo meŋ be luwaa la mutoo kono, si muruŋ a la karoo la kotenke.

Jabuuroolu 104:29

Niŋ i ye i ñaa kaasi ì la, ì ka jikilateyi le. Niŋ i ye i la baluwo niijii foñoo taa, ì ka faa le, ì ye muru ka ke bankumunkoo ti.

Jabuuroolu 49:12

Moo la fankoo te a tanka noo la saayaa ma, a be faa la le komeŋ daafeŋolu.

Jabuuroolu 49:13

Wo le be ke la moolu la mennu jikita ì faŋ na, aniŋ ì noomalaalu, mennu ka tara jikiriŋ itolu fokumoolu la. S

Jabuuroolu 49:20

Moo meŋ fankamaayaata bari a maŋ fahaamuroo soto be faa la le komeŋ daafeŋolu.

Kawandilaa 1:14

Ŋa a je le kuwolu mennu bee ka ke ñiŋ duniyaa tiloo koto. Ñiŋ bee maŋ ke feŋ ti, a ka munta le ko foño bayindoo.

Kawandilaa 1:17

Bituŋ n naata bula siloo nooma, ka a loŋ meŋ faŋo mu ñaameŋo ti, tooleeyaa aniŋ fuuriŋyaa. Bari n naata a je le ko, ñiŋ fanaa ka munta le ko foño bayindoo.

Kawandilaa 2:14

Moo ñaamendiŋo la jeroo ka fanu le, bari toolewo, ate ka tara timili-tamali la diboo le kono. Bari ŋa a je le ko, ì bee labaŋo ka ke kiliŋ ne ti.

Kawandilaa 2:16

Moo ñaamendiŋo niŋ toolewo, ì bee too te tu la fo waati jaŋ. Waati be naa, ñinoo be ke la ì bee le la, ì bee be labaŋ na faa la le.

Kawandilaa 7:2

Saŋa bunkono duŋo, wo le ye fisa bidaŋ bunkono duŋo ti. Hadamadiŋo bee labaŋo mu saayaa le ti, moo-wo-moo be baluwo to, wo si tara i sondomoo kono.

Kawandilaa 9:12

Moo le buka a loŋ a la waatoo be sii la waati meŋ na: Ko ñewo ka saŋara duŋ jaloo daa ñaameŋ, waraŋ ko kunoo ka duŋ ŋaliŋo daa ñaameŋ, maasiiboo fanaa ka barambarantoo boyi hadamadiŋo kaŋ wo le ñaama.

Kawandilaa 9:2

Ì bee labaŋo ka ke kiliŋ ne ti: A moo tilindiŋ-wo, a moo jawu-wo, a kende-wo, a kuruŋ-wo, a moo senuŋ-wo, a kosoriŋ-wo, a sadaabolaa-wo, waraŋ a sadaabobali. A be moo kendoo ye ñaameŋ, a be junubelaa fanaa ye wo le ñaama. A be kalilaa ye ñaameŋ, a be moo fanaa ye wo le ñaama, meŋ ka sila a ke la.

4 Musa 16:29

Niŋ ñiŋ kewolu faata ko moolu ka faa ñaameŋ, meŋ ka ke moolu la wo doroŋ keta ì la, wo to Yaawe maŋ nte kii naŋ.