Kawandilaa 3:11 - Mandinka Bible

¹¹ Alla ye kuwo bee ke a tumoo le la, aduŋ a ñiiñaata. A ye hadamadiŋo hakilimaayandi badaa-badaa baluwo la kuwo la le, bari hani wo, Alla la keroo, hadamadiŋo buka a fahaamu noo, a foloodulaa te, sako a labandulaa.

Kawandilaa 3:11 Mawu Ofanana

1 Musa 1:31

Alla ye a je ko, a ye feŋolu mennu bee daa, beteyaata baake le. Wulaaroo niŋ soomandaa sotota, tili wooronjaŋ luŋo la.

Yuuba 11:7

I si Alla la kuu diinondiŋolu fintindi noo baŋ? I si Alla Tallaa la mansabaayaa waroo daŋo loŋ noo baŋ?

Yuuba 37:23

Moo le buka futa noo Alla Tallaa dulaa ma. A semboo warata le, aniŋ a la tiliŋo. A tilinta le pet, aduŋ a buka jenke.

Yuuba 5:9

Ate le mu kaawakuu baalu kelaa ti, mennu buka tara loŋo daa to, aniŋ jaakali kuwolu mennu buka yaatee noo.

Jabuuroolu 104:24

Kooni Yaawe, i ye meŋ daa a siyaata le. I ye ì bee daa i la ñaameŋo le kono. Duniyaa be faariŋ i la daafeŋolu le la.

Kuma Kotoomaalu 16:4

Yaawe ye feŋolu bee daa daliiloo le kamma, hani moo jawoo be a fansuŋ luŋo soto la le.

Kawandilaa 1:13

N ka ñaameŋo le taa ka n hakiloo taamandi, ka ñinindiroo ke, ka kisikisiroo ke kuwolu bee la, mennu ka ke ñiŋ duniyaa kono. Alla le ye duni koleŋo laa hadamadiŋo kaŋ, ka tara a faŋ batandi la doroŋ.

Kawandilaa 11:5

Ko i maŋ a loŋ ñaameŋ baluwo niijii foñoo ka naa deenaanoo kaŋ ñaameŋ, baa wuluuñaŋo kono, i maŋ Alla fanaa la keroo loŋ wo le ñaama, ate meŋ ye feŋolu bee daa.

Kawandilaa 7:13

Alla la keroo juubee: Niŋ a ye meŋ jenkendi, jumaa le ka wo tilindi noo?

Kawandilaa 7:23

Ŋa n na ñaameŋo le taa ka ñiŋ kuwolu bee kotobo a la. N hameta baake ka ñaameŋo soto, bari a be jamfariŋ n na le.

Kawandilaa 7:29

Ŋa meŋ je doroŋ, wo le mu, Alla ye hadamadiŋo niŋ tiliŋo le daa, bari hadamadiŋo ka taa bula a fansuŋ siloolu le nooma.”

Kawandilaa 8:17

N naata a je le ko, Alla la keroo bee meŋ be taama kaŋ ñiŋ duniyaa tiloo koto, hadamadiŋ ne buka feŋ fahaamu noo ì to. A si kata kuwo bee ke ñaa-wo-ñaa ka ì fahaamu, a te a noo la. Hani moo ñaamendiŋo, niŋ a ko a be a fahaamu la, a te a noo la.

Matiyu 11:27

“M Faamaa ye kuwolu bee duŋ nte le bulu. Moo maŋ Dinkewo loŋ fo a Faamaa doroŋ, aniŋ moo maŋ Faamaa loŋ fo a Dinkewo doroŋ, aniŋ Dinkewo be moo meŋ tomboŋ na ka a londi a Faamaa la.

Matiyu 13:22

Meŋ jolonta ŋaniŋolu kono, wo ka moo la kuwo le yitandi, meŋ ye kumoo moyi, bari duniyaa la bataa kuwolu niŋ naafuloolu ñaaboo ye kumoo dete a kono. Bituŋ kumoo maŋ naa nafaa soto.

Maaka 7:37

Aduŋ moolu kaawata fo a tambita a noo la, ì ko, “A ka kuwolu bee ke kuuke le. A ka hani moo tulu sukiriŋolu moyirindi, aniŋ a ka mumunewolu diyaamundi.”

Roomankoolu 1:28

Baawo ì tawuta le, ì ye ì ñaa kaasi Alla la, Alla ye ì tu ì la sondome kuu nooriŋolu kono, fo ì ka kuwolu ke, ì maŋ ñaŋ na mennu ke la.

Roomankoolu 11:33

“Tooñaa, Alla la fankoo warata le, a la ñaameŋo niŋ londoo! Moo buka a la kiitiyolu kisikisi noo, a la siloolu buka loŋ noo.”

5 Musa 32:4

Ate le mu Semberaŋ Bere Baa ti, a kekuwolu maŋ sootaari soto, a la siloolu bee tilinta. Alla foroyaata le, faniyaa te a la kuwo to, ate mu tiliŋo niŋ tooñaa le ti.