Kawandilaa 2:4 - Mandinka Bible

⁴ N naata dookuu baalu ke: Ŋa buŋolu loo m faŋo ye, ŋa wayini yiri kankaŋolu sene.

Kawandilaa 2:4 Mawu Ofanana

1 Musa 11:4

Ì kumata ko, “Ali naa! Ŋà saatewo loo m̀ faŋ ye, aniŋ tatoo meŋ na jamfoo be taa fo saŋo bala. Niŋ ŋà ñiŋ ke, i si a je, ǹ toolu si bo, aniŋ ǹ te tara la janjandiŋ duniyaa karoo bee la.”

2 Samuweli 18:18

Abusalomu la baluwo waatoo kono, a ye samasiŋo loo a faŋo ye le Mansa la Wulumbaŋo kono, kaatu a maŋ dinkee soto, ka a too tu baluuriŋ. Bituŋ a ye a toolaa a faŋo le la. Ka naa bula bii la, ì ka jee kumandi Abusalomu la Samasiŋo le la.

1 Mansoolu 15:19

“Kambeŋo si tara n niŋ i teema, komeŋ a be nuŋ m faamaa niŋ i faamaa teema ñaameŋ. A fele, m be sanoo niŋ kodiforo soorifeŋo kii la i ye naŋ. Saayiŋ kambeŋo kuntu i niŋ Baasa teema, Banisirayila mansa, i si a je a si fata m ma.”

1 Mansoolu 9:1

Kabiriŋ Sulemani ye Yaawe* Batudulaa Buŋo* baŋ loo la, aniŋ mansasuwo, aduŋ a ye a hame kuwo bee ke,

1 Taarika 27:27

Simeyi Ramankoo, le marata wayini* yiri kankaŋolu ma. Sabudi Sefamunkoo, le marata dulaa ma, ì ka wayinoo maabo daameŋ to.

2 Taarika 26:10

A ye tata jaŋolu loo kene kenseŋo kono, a ye koloŋ jamaa siŋ jee, kaatu a ye beeyaŋ kooree jamaa le soto, Sefela* konkotundoo* niŋ kene fanuŋo kono. A ye senelaalu soto le, aniŋ moolu mennu ka wayini* yiroolu topatoo konkoolu to aniŋ senebanku kendoolu to. Kaatu senoo diyaata a ye le.

2 Taarika 8:11

Sulemani ye Firawoona dimmusoo bondi naŋ Dawuda la Saatewo* to ka naa buŋo kono, a ye meŋ loo a ye. Kaatu a ko le ko, “N na musoo te tara la Dawuda la buŋo kono, Banisirayila la mansa, kaatu Yaawe la Kambeŋ Kunewo* tarata nuŋ dulaalu mennu to, seneyaata le.”

Jabuuroolu 49:11

Ì la kaburoolu le ka ke ì la suwolu ti fo abadaa, ì ka tara wo le to fo fawu, ì nene ka ali fansuŋ kenoolu soto ñaa-wo-ñaa.

Suukuwo 1:14

N jusukuŋo be n ye le ko fudani firoo seeroo, Eni-Kedi wayini yiri kankaŋo to. Kewo ko:

Suukuwo 7:12

Ŋà sori juuna yiri kankaŋo to, ka a juubee, fo wayini yiroolu be sorondiŋ ne, fo a firoolu be yele kaŋ ne, fo roomaani* yiroolu ye a dati le ka firi. Jee to, m be n na kanoo dii la i la le.

Yesaya 5:1

M be suukuwo laa la n kanuntewo ye le, a la wayini* yiri kankaŋo la kuwo kamma la: N kanuntewo ye yiri kankaŋo le soto konko daala, daameŋ ye jambandoo soto.

Daniyeli 4:30

A kumata ko, “Babiloni juubee a be warariŋ ñaameŋ. Ŋa a loo le ka ke n na mansa saatee baa ti. Ŋa a loo n semboo le la, ka n na mansayaa horomoo niŋ waroo yitandi.”