Kawandilaa 2:22 - Mandinka Bible

²² Wo to, muŋ nafaa le be hadamadiŋo ye a la dookuwolu to, aniŋ a la matimatoolu, a ka tara a faŋ batandi kaŋ mennu la ñiŋ duniyaa tiloo koto?

Kawandilaa 2:22 Mawu Ofanana

Jabuuroolu 127:2

Nafaa te a la, i ka wuli juuna, i ka mee i ñaa la, ka tara i la daañiniŋo ñini la bataa kono. Alla le ka wo dii a kanuntewolu la, hani niŋ ì be siinoo la.

Kuma Kotoomaalu 16:26

Lebereesoo konoo le ka a duŋ sembe la dookuwo to, konkoo le ka a duŋ a la.

Kawandilaa 1:3

Hadamadiŋo ka muŋ nafaa le soto, a la kata kuwolu bee to, a ka tara mennu katariŋ duniyaa tiloo koto?

Kawandilaa 2:11

N naata m miira n kebaaroolu bee la, m faŋo buloo ye mennu ke, n na kata kuwolu. Heyi, wolu bee te feŋ ti, a ka munta le ko foño bayindoo. Nafaa te feŋ na ñiŋ duniyaa tiloo koto.

Kawandilaa 3:9

Dookuulaa ka muŋ tinee le soto, a la dookuwo bataa to?

Kawandilaa 4:6

Kayiroo bulu faa kiliŋ aniŋ tenkuŋo, wo le fisiyaata kata kuu baa fula ti, aniŋ foño bayindoo.

Kawandilaa 4:8

Kewo doo le mu, a kiliŋ doroŋ ne be a faŋ ye. A maŋ diŋ soto, a maŋ baadiŋ soto. A la katoo warata, dandulaa te meŋ na. Bari hani wo, a la sotoo maŋ a ñaa faa. A ye a faŋ ñininkaa ko, “Nte be ñiŋ kata kuwo bee ke kaŋ jumaa le ye? Muŋ ne ye a tinna ŋa n koo dii niidiyaa kuwolu la?” Ñiŋ fanaa maŋ ke feŋ ti, bataa doroŋ ne mu.

Kawandilaa 5:17

Ñiŋ koolaa, a ka a la baluwo muumeelaa bee ke diboo le kono, wo niŋ niitoora bambaloo, kuuraŋo, aniŋ niikuyaa.

Kawandilaa 8:15

Nte de, n na lafinna kuwo moolu ye, mu niiseewoo le ti, kaatu feŋ ne maŋ beteyaa hadamadiŋolu to ñiŋ duniyaa tiloo koto, meŋ tambita domoroo la, ka i miŋ aniŋ ka ì faŋ niyo seewondi. Ì niŋ ñiŋ ne ka tara ì la kata kuwolu ke kaŋ ì la baluwo bee kono, Alla ye meŋ dii ì la ñiŋ duniyaa tiloo koto.

Matiyu 16:26

Moo be muŋ nafaa le soto la, niŋ a ye duniyaa feŋolu bee soto, bari a naata foo a niyo la? Moo si a niyo kumakaa noo muŋ feŋ ne la?

Matiyu 6:11

Domoroo dii ǹ na luŋ-wo-luŋ.

Matiyu 6:25

“Wo kamma la m be a fo la ali ye, ali kana jaakali ali la baluuñaa to, ali be meŋ domo la waraŋ ali be meŋ miŋ na. Aduŋ ali kana jaakali ali baloo la kuwo to, ali be meŋ duŋ na ali bala. Fo baluwo le maŋ kummaayaa domoroo ti baŋ, aniŋ fo baloo le maŋ kummaayaa feetoofatoo ti baŋ?

Matiyu 6:34

“Wo to, ali kana jaakali saama la kuwo la, kaatu saama be a faŋ topatoo la le. Tili-wo-tili niŋ a fansuŋ bataa le mu, meŋ be kaañaŋ na a fee.”

Luka 12:22

Wo to le Yeesu ko a la saayiboolu ye ko: “Wo kamma la, m be a fo la ali ye, ali kana jaakali ali la baluuñaa la, ali be meŋ domo la, waraŋ ali be meŋ duŋ na ali baloo bala.

Luka 12:29

“Wo kamma la, ñiŋ kana ali jaakali, ali be meŋ domo la, waraŋ ali be meŋ miŋ na, sako ali niyo si toora.

1 Korintinkoolu 16:16

Ŋa ali daani ka soŋ ñiŋ moo siifaalu ma, ì niŋ ì dookuuñoolu bee mennu ye ì daa bula ñiŋ dookuwo to.

Filipinkoolu 4:6

Ali kana ali niyo toorandi jaakaloo la, bari ali si ali la suuloolu bee fo Alla ye, duwaa niŋ daaniroo kono, ali niŋ tenturoo.

1 Timoti 6:8

Wo to, niŋ ŋà ǹ na domoroo niŋ feetoofatoo soto, ali ŋà wasa wolu la.

1 Pita 5:7

Ali ali la bataa dunoo bee landi ate kaŋ, kaatu ate le ka tu looriŋ ali topatoo la.