Kawandilaa 2:21 - Mandinka Bible

²¹ Moo si dookuwo ke a la ñaameŋo daŋo la, aniŋ a la londoo niŋ a la dookuu noo baa. Bituŋ a niŋ doo ye naa deŋ wo dookuwo munafaŋo la, meŋ maŋ bataa a kunna. Nafaa te a la, aduŋ kuu dimindiŋo le mu.

Kawandilaa 2:21 Mawu Ofanana

2 Taarika 34:2

A baarata kuu betoo le la Yaawe ñaa koto. A bulata a bonsuŋ Dawuda sinnoo le nooma, a maŋ jenke muumeeke.

2 Taarika 35:18

Ñiŋ ñoŋ juuraloo maŋ soto Yaawe Tambi Tumoo Juuraloo to Banisirayila ka bo biriŋ Annabilayi Samuweli jamaanoo la. Banisirayila mansa nene maŋ Yaawe Tambi Tumoo juura teŋ ko, Yosiya niŋ piriisoolu niŋ Lewi lasiloo moolu ye a juura ñaameŋ, ka taa Yahuuda bee aniŋ Banisirayilankoolu mennu maabeeta, aniŋ moolu mennu be sabatiriŋ Yerusalaamu.

Jabuuroolu 39:7

“Wo to saayiŋ, Maariyo nte be jiki la muŋ ne la? Ŋa n jikoo loo ite le kaŋ.

Jabuuroolu 49:10

A be koyiriŋ ne ko, hani moo ñaamendiŋolu ka faa le, aduŋ toolewolu niŋ moo hakilintaŋolu ka kasaara le. Ì bee ka ì la naafuloo tu moo doolu le ye.

Jabuuroolu 49:11

Ì la kaburoolu le ka ke ì la suwolu ti fo abadaa, ì ka tara wo le to fo fawu, ì nene ka ali fansuŋ kenoolu soto ñaa-wo-ñaa.

Kawandilaa 2:20

N naata jikilateyi n na kata kuwolu bee le to, ŋa m faŋ batandi mennu la ñiŋ duniyaa tiloo koto.

Kawandilaa 4:4

Ŋa a je le moolu ka kata kuu baalu mennu ke, ka dookuwo ke fo ì buloo ye koyi a to. Kaatu ì ka tara lafiriŋ ñiŋ ne la ka tara ñoo ñaato. Ñiŋ fanaa maŋ ke feŋ ne ti, a ka munta le ko foño bayindoo.

Kawandilaa 4:8

Kewo doo le mu, a kiliŋ doroŋ ne be a faŋ ye. A maŋ diŋ soto, a maŋ baadiŋ soto. A la katoo warata, dandulaa te meŋ na. Bari hani wo, a la sotoo maŋ a ñaa faa. A ye a faŋ ñininkaa ko, “Nte be ñiŋ kata kuwo bee ke kaŋ jumaa le ye? Muŋ ne ye a tinna ŋa n koo dii niidiyaa kuwolu la?” Ñiŋ fanaa maŋ ke feŋ ti, bataa doroŋ ne mu.

Kawandilaa 9:18

Ñaameŋo le ye fisa ka tambi kelejooraŋolu la. Junubelaa, hani a kiliŋ, a ka kuu bete jamaa le tiñaa.

Yeremiya 22:15

“Fo ite ye a miira, wo le ye ite mansayandi doolu ti, ka i yaa bee ñiiñandi sedari babaroo la? Fo ite faamaa, wo maŋ a domo, a ye a miŋ, bari a ye tooñaa niŋ tiliŋo le taamandi? Wo le ye a tinna kuwo bee ye a wati.

Yeremiya 22:17

“Bari ite ñaa niŋ i sondomoo be looriŋ i fansuŋ nafaa doroŋ ne kaŋ, i ka moolu faa mennu maŋ kuu ke, ka keresubaŋ moolu fee, ka ì toorandi.”