Kawandilaa 2:17 - Mandinka Bible

¹⁷ Ka tara baluwo to, n naata wo koŋ ne, kaatu meŋ ka ke ñiŋ duniyaa tiloo koto, a niitooroo warata m fee baake le. Ñiŋ fanaa maŋ ke feŋ ti, a ka munta le ko foño bayindoo.

Kawandilaa 2:17 Mawu Ofanana

1 Mansoolu 19:4

Ate faŋo taamata keñewuloo* kono tiloo muumewo la. A naata futa yirindiŋo ma, a siita a koto, aduŋ a duwaata fo a si faa. A ko, “Yaawe*, ñiŋ kuwo koleyaata le. Nte niyo taa. Niŋ nte faata faŋ wo le fisiyaata.”

Yuuba 14:13

M be lafi la ñiŋ ne la, i ye n samba laakira, ŋa tara maaboriŋ jee, fo niŋ i la kamfaa banta. Bituŋ i ye naa waatoo londi, i be kali la n na kuwo kalamuta la meŋ na.

Jabuuroolu 89:47

I hakiloo ye bula nte la baluwo loo la sutiyaa la. Fo i ye hadamadiŋo daa kensenke le baŋ, ka faa doroŋ?

Kawandilaa 1:14

Ŋa a je le kuwolu mennu bee ka ke ñiŋ duniyaa tiloo koto. Ñiŋ bee maŋ ke feŋ ti, a ka munta le ko foño bayindoo.

Kawandilaa 1:17

Bituŋ n naata bula siloo nooma, ka a loŋ meŋ faŋo mu ñaameŋo ti, tooleeyaa aniŋ fuuriŋyaa. Bari n naata a je le ko, ñiŋ fanaa ka munta le ko foño bayindoo.

Kawandilaa 2:11

N naata m miira n kebaaroolu bee la, m faŋo buloo ye mennu ke, n na kata kuwolu. Heyi, wolu bee te feŋ ti, a ka munta le ko foño bayindoo. Nafaa te feŋ na ñiŋ duniyaa tiloo koto.

Kawandilaa 2:22

Wo to, muŋ nafaa le be hadamadiŋo ye a la dookuwolu to, aniŋ a la matimatoolu, a ka tara a faŋ batandi kaŋ mennu la ñiŋ duniyaa tiloo koto?

Kawandilaa 3:16

Ŋa kuwo doo le fanaa je ñiŋ duniyaa tiloo koto: Kiitiidulaalu to, tilimbaliyaa le ka tara jee, aduŋ tooñaa kumfaa dulaalu to, tilimbaliyaa le ka tara jee.

Kawandilaa 4:2

N naata m miira furewo la, meŋ faata fokabaŋ, mantaa benta wo le ye, ka tambi moo la, meŋ be baluwo to, a maŋ faa foloo.

Kawandilaa 4:3

Bari meŋ fanaa fisiyaata ñinnu bee ti, wo le mu moo ti, meŋ maŋ wuluu foloo, a maŋ kuu kuruŋ je a ñaa la, meŋ ka ke ñiŋ duniyaa tiloo koto.

Kawandilaa 6:9

Ka i ñaa loo feŋo kaŋ meŋ be i fee, wo le fisiyaata ka tara bori kaŋ, hame kuwo nooma doroŋ. Ñiŋ fanaa maŋ ke feŋ ti, a ka munta le ko foño bayindoo.

Esekiyeli 3:14

Bituŋ Yaawe la Nooroo ye n samba, kamfaa niŋ niikuyaa naata duŋ n na. Yaawe sembe baa jiita n kaŋ ka m mara.

Yunusa 4:3

Saayiŋ Yaawe, m bondi duniyaa, kaatu ŋa faa, wo le fisiyaata n ye baluwo ti.”

Yunusa 4:8

Kabiriŋ tiloo wulita, Alla ye foño kandoo bondi naŋ tilibo karoo la fo Yunusa lafita ketu la, feŋ teŋ fo tiloo la finjaloo meŋ be tilindiŋ a kuŋo to. Bituŋ feŋ ne maŋ diyaa a ye nuŋ fo saayaa. A ko, “Ŋa faa, wo le fisiyaata n ye baluwo ti.”

Habakuki 1:3

Muŋ ne ye a tinna i ye n jerindi ñiŋ tilimbaliyaa la? Muŋ ne ye a tinna i ye i ñaa kaasi kuu kuruŋo la? N ñaa ka kasaaroo niŋ fitina kuwo doroŋ ne je daa-wo-daa, keloo niŋ sonkoo be wuli kaŋ doroŋ.

4 Musa 11:15

Niŋ i be n na kuwo laa la teŋ, wo to i ye m faa siiñaa kiliŋ. Hiina n ye, i kana n ñaa londi m faŋo la bataa kaŋ.”