Kawandilaa 2:14 - Mandinka Bible

¹⁴ Moo ñaamendiŋo la jeroo ka fanu le, bari toolewo, ate ka tara timili-tamali la diboo le kono. Bari ŋa a je le ko, ì bee labaŋo ka ke kiliŋ ne ti.

Kawandilaa 2:14 Mawu Ofanana

Jabuuroolu 19:10

Itolu le mu ñaanitaa ti ka tambi sanoo la, hani saniforoo. Itolu le diyaata ka tambi liyo la, meŋ ka suleŋ lii kaañoo bala.

Jabuuroolu 49:10

A be koyiriŋ ne ko, hani moo ñaamendiŋolu ka faa le, aduŋ toolewolu niŋ moo hakilintaŋolu ka kasaara le. Ì bee ka ì la naafuloo tu moo doolu le ye.

Jabuuroolu 49:11

Ì la kaburoolu le ka ke ì la suwolu ti fo abadaa, ì ka tara wo le to fo fawu, ì nene ka ali fansuŋ kenoolu soto ñaa-wo-ñaa.

Kuma Kotoomaalu 14:8

Hakilidiimaa la ñaameŋo, wo le ka a so miiroolu la a taañaa to, bari toolewo la kuntaŋyaa maañaa le ka a filindi.

Kuma Kotoomaalu 17:24

Moo meŋ ka kuwolu bo noo ñoo to, a ka ñaameŋ kuwolu le ke, bari toolewo hakiloo ka tara kuu jamaa le kaŋ, aduŋ a buka kututeyi ì to.

Kawandilaa 2:16

Moo ñaamendiŋo niŋ toolewo, ì bee too te tu la fo waati jaŋ. Waati be naa, ñinoo be ke la ì bee le la, ì bee be labaŋ na faa la le.

Kawandilaa 3:19

Hadamadiŋo labaŋo niŋ beeyaŋo labaŋo bee kiliŋ. Labaŋñaa kiliŋo le ka tara ì bee batu kaŋ. Ñiŋ doo ka faa ñaameŋ, ñiŋ doo fanaa ka faa wo le ñaama. Nii kiliŋo le be ì bee la. Hadamadiŋ maŋ fisa beeyaŋ ti. Ñiŋ bee maŋ ke feŋ ti.

Kawandilaa 6:6

Hani niŋ a ye a tara ñiŋ kewo ye sanji wuli fula le baluu, hani wo bee a maŋ niiseewoo soto. Fo ì bee labaŋo te ke la kiliŋ ne ti, kaburoo kono?

Kawandilaa 6:8

Moo ñaamendiŋo be toolewo ñaato muŋ ne la? Fuwaaroo la maakuu moo kaŋ, a ye muŋ nafaa le soto a ye?

Kawandilaa 7:2

Saŋa bunkono duŋo, wo le ye fisa bidaŋ bunkono duŋo ti. Hadamadiŋo bee labaŋo mu saayaa le ti, moo-wo-moo be baluwo to, wo si tara i sondomoo kono.

Kawandilaa 8:1

Tooñaa-tooñaa, jumaa le mu moo ñaamendiŋo ti? Jumaa le ka kuwolu laañaa loŋ? Wo le mu moo ti, ñaameŋo ye meŋ ñaadaa malamalandi, a ñaatoŋo diyaata.

Kawandilaa 9:11

Ŋa kuwo doo le fanaa je ñiŋ duniyaa tiloo koto, wo le mu: Ñoo daŋo te dendiŋ tariyaa doroŋ na, aduŋ ñoo noo te dendiŋ semboo dammaa la. Domori sotoo te dendiŋ ñaameŋo la, fankoo te dendiŋ hakilidiyaa la, aduŋ buuñaa sotoo te dendiŋ dookuu noo la. Waatoo, aniŋ mantaabeŋo, wo le be ñinnu bee la.

Kawandilaa 9:16

Nte de, ŋa ñiŋ ne fo ko, “Ñaameŋo le ye fisa sembe waroo ti.” Hani wo, ñiŋ kee fuwaaroo la ñaameŋo naata ke jutunna feŋo le ti, moolu maŋ a la kumoolu muta feŋ ti.

1 Yohana 2:11

Bari meŋ ye a baadiŋo koŋ, wo maarii be diboo le kono, aduŋ a ka taama diboo le kono. A maŋ a loŋ, a ka taa daameŋ, kaatu diboo ye a ñaalu finkindi le.