Kawandilaa 2:11 - Mandinka Bible

¹¹ N naata m miira n kebaaroolu bee la, m faŋo buloo ye mennu ke, n na kata kuwolu. Heyi, wolu bee te feŋ ti, a ka munta le ko foño bayindoo. Nafaa te feŋ na ñiŋ duniyaa tiloo koto.

Kawandilaa 2:11 Mawu Ofanana

1 Musa 1:31

Alla ye a je ko, a ye feŋolu mennu bee daa, beteyaata baake le. Wulaaroo niŋ soomandaa sotota, tili wooronjaŋ luŋo la.

Jabuuroolu 89:47

I hakiloo ye bula nte la baluwo loo la sutiyaa la. Fo i ye hadamadiŋo daa kensenke le baŋ, ka faa doroŋ?

2 Musa 39:43

Musa ye dookuwo bee koroosi, aduŋ a ye a je le ko, ì ye a bee dookuu le, ko Yaawe ye yaamaroo dii a la ñaameŋ. Wo to le Musa ye neemoo daani ì ye.

Kawandilaa 1:14

Ŋa a je le kuwolu mennu bee ka ke ñiŋ duniyaa tiloo koto. Ñiŋ bee maŋ ke feŋ ti, a ka munta le ko foño bayindoo.

Kawandilaa 1:17

Bituŋ n naata bula siloo nooma, ka a loŋ meŋ faŋo mu ñaameŋo ti, tooleeyaa aniŋ fuuriŋyaa. Bari n naata a je le ko, ñiŋ fanaa ka munta le ko foño bayindoo.

Kawandilaa 1:3

Hadamadiŋo ka muŋ nafaa le soto, a la kata kuwolu bee to, a ka tara mennu katariŋ duniyaa tiloo koto?

Kawandilaa 3:9

Dookuulaa ka muŋ tinee le soto, a la dookuwo bataa to?

Kawandilaa 5:10

Kodilandii baa, kodoo nene te a sii la muk, aduŋ feŋ landii baa, a nene buka sotoo ke fo a ye sii. Ñiŋ fanaa maŋ ke feŋ ti.

Kawandilaa 5:16

Ñiŋ fanaa mu kuu dimindiŋo le ti: Ko hadamadiŋo naata ñaameŋ, a be muru la wo le ñaama. Wo to, a la munafaŋ sotoo nafaa lee, baawo a ye dookuwo ke foñoo le ye?

Habakuki 2:13

Ali ye bankoolu mennu taa, ì ye meŋ dookuu ali ye, ì ye ì faŋ batandi kensenke le, a keta ko loo, dimbaa ye meŋ domo. Kaatu Yaawe Alihawaa Maariyo* le ye a saabu.

1 Timoti 6:6

Tooñaa, Alla la siloo mu naafulu baa le ti, niŋ a niŋ wasoo ka taa ñoo la.