Kawandilaa 12:3 - Mandinka Bible

³ I hakiloo ye bula a la, janniŋ waatoo ka sii, waatoo meŋ, bundaa kantalaalu be jarajara la, kee bambandiŋolu koo be ŋoobi la, tuurilaalu be tuuroo bula la, kaatu dantaŋ doroŋ ne be tara la ì kono, waatoo meŋ, palanteeri yoofiirilaalu la jeroo be dibi la.

Kawandilaa 12:3 Mawu Ofanana

1 Musa 27:1

Kabiriŋ Isiyaaka kotoota, a ñaa mutata le, fo a buka jeroo ke noo. A ye a dinkee keebaa Esawu kumandi, a ko a ye ko, “N diŋo!” Esawu ko a ye ko, “M fele jaŋ!”

1 Musa 48:10

Saayiŋ Isirayila ñaalu ka dibi a ma le keebaayaa kamma la, a buka jeroo ke noo baake. Wo le to Yusufa ye ì samba naŋ a daala, a ye i miniŋ ì la, a ye ì sumbu.

Jabuuroolu 102:23

A ye n na fondinkeeyaa semboo bee baŋ ne, a ye m baluu tiloolu loo sutiyandi.

Jabuuroolu 35:14

A ka munta le n teerimaa waraŋ m baadiŋo la kuwo sunoo le be n na. N ka tara jirandiŋ, n niŋ woosiyo, ko moo meŋ ka a baamaa la saŋo kumboo.

Jabuuroolu 38:6

N korita le las, m be laariŋ dek. Tiloo muumewo n ka tu woosiyo le la.

Jakariya 8:4

Yaawe Alihawaa Maariyo ye ñiŋ ne fo ko: Keebaariŋolu niŋ musu keebaariŋolu be sii la Yerusalaamu mbeedoolu kaŋ ne kotenke, ì moo-wo-moo niŋ a la taamaraŋ dokoo, ì la keebaayaa kaŋ.

1 Samuweli 3:2

Suuto kiliŋ Eli meŋ ñaalu lafita ka dibi, be laariŋ nuŋ a la dulaa kiliŋo to.