Kawandilaa 12:1 - Mandinka Bible

¹ I hakiloo si bula i Daamansoo la, i la fondinkeeyaa tiloolu la, janniŋ i la bataa tiloolu ka naa, aniŋ saŋolu mennu ka i waliŋ naŋ, i be a fo la mennu la ko, “M maŋ niiseewoo soto ì kono.”

Kawandilaa 12:1 Mawu Ofanana

1 Musa 39:2

Yusufa tarata a ñiŋ maarii Misirankoo le yaa. Yaawe* tarata a fee le, aduŋ a naata ke moo le ti, meŋ ye ñaatotaa soto.

1 Musa 39:23

Feŋ-wo-feŋ be Yusufa la maroo to, bunjawuto maralaa kuntiyo ñiŋ buka bula wo la kuwo nooma. Yaawe be Yusufa fee le, a ye ñaatotaa dii a la kuu-wo-kuu le to, a barata meŋ na.

2 Samuweli 19:35

Nte, ŋa sanji taŋ seyi le soto fokabaŋ, aduŋ feŋ ne buka diyaa n ye kotenke. N ka meŋ domo, aniŋ n ka meŋ miŋ, ì buka diyaa n daa kono, aduŋ hani denkililaalaalu la denkiloolu, m buka ì moyi. M be m maarii mansa batandi la le doroŋ.

2 Samuweli 19:36

Nte, i la dookuulaa niŋ ite mansa, be taa ñoo la le, ka Yoridani Boloŋo teyi ka tambi wo la domandiŋ. Bari muŋ ne ye a tinna, mansa be n joo la ñiŋ na?

1 Mansoolu 14:13

Banisirayila bee be a saŋakumboo la le, aduŋ ì be a baadee la le. Ate doroŋ ne mu Yerobowamu la dimbaayaa moo ti meŋ be baadee la, kaatu ate doroŋ ne mu moo ti Yerobowamu la dimbaayaa kono Yaawe, Banisirayila la Alla ye kuu betoo je meŋ kono.

1 Mansoolu 18:12

Niŋ nte taata ka wo fo a ye, janniŋ n ka naa, niŋ Alla la Nooroo ye i samba dulaa doo to duŋ? Niŋ Ahabu naata, aduŋ a maŋ i je, wo to a be nte faa la le. Ñiŋ loŋ ko, kabiriŋ nte dindiŋ, nte keta moo le ti meŋ sonta Alla ma.

Nehemiya 4:14

Kabiriŋ ŋa ñiŋ kuwolu koroosi, n wulita ka diyaamu ñaatonkoolu, alifaalu, aniŋ moo toomaalu ye. N ko ì ye le ko, “Ali kana sila ì la. Ali hakiloo ye bula Maariyo la, meŋ warata, aduŋ a ñaasilaŋo warata. Ali si keloo ke ali baadiŋolu ye, ali dinkewolu, ali dimmusoolu, ali la musoolu, aniŋ ali la suwolu.”

Yuuba 30:2

Ì maŋ jari feŋ na ka dookuwo ke n ye, kaatu sembe te ì la.

Jabuuroolu 119:55

Hee Yaawe, n hakiloo ka tara i kaŋ ne suutoo, n ka i la yaamaroo kanta le.

Jabuuroolu 34:11

N diŋ kusaŋolu, ali naa, ali ye i lamoyi n na, ŋa ali karandi Yaawe ñaasilaŋo la.

Jabuuroolu 63:6

Niŋ ŋa n laa n na laaraŋo kaŋ, n hakiloo ka tara i kaŋ ne, n ka m miira i la le suutoo bee.

Jabuuroolu 90:10

Ǹ siyo daŋo mu sanji taŋ woorowula le ti, waraŋ niŋ m̀ bambanta, sanji taŋ seyi, hani wo, ì bee mu bataa niŋ mantooroo le ti. Kataba kiliŋ ì si baŋ, ŋà yeemaŋ.

Kuma Kotoomaalu 22:6

Dindiŋo kuluu sila kendoo la, i si a je niŋ a keebaayaata, a te jenke la.

Kuma Kotoomaalu 8:17

Moolu mennu ye n kanu, m fanaa ŋa wolu le kanu, aduŋ mennu ka n ñini, ì be n je la le.

Kawandilaa 11:10

Niikuyaa kuwolu bondi i sondomoo to, i ye i baloo dahandi bataa la. Kaatu dindiŋyaa waatoo, niŋ fondinkeeyaa bee maŋ ke feŋ ti.

Kawandilaa 11:2

Moolu kundi i sotofeŋo to, hani niŋ a be ke la moo woorowula ti, waraŋ seyi. Kaatu i maŋ a loŋ kooroo be feenee la ñiŋ duniyaa kono waatoo meŋ na.

Kawandilaa 11:8

Hani meŋ siimaayaata, a ñanta seewoo la a baluu saŋolu bee kono le. Bari a si ñiŋ kalamuta ko, diboo luŋolu, wo siyaata le. Feŋ-wo-feŋ be naa, a maŋ ke feŋ ne ti.

Yesaya 26:8

Hee Maariyo, i la kuwo ye ǹ loo le, ka bula i la yaamaroo nooma. Ŋà ite le too horoma, ǹ sondomoo be hameriŋ ne ka i too jayi.

Niikuyaa Suukuwolu 3:27

Ka muñoo yookoo* taa fondinkeeyaa waatoo kono, wo beteyaata moo ye le.

Daniyeli 1:17

Alla ye ñiŋ fondinkee naanoo so londoo niŋ fahaamuroo la le, kitaaboo siifaa bee to, aniŋ karaŋo siifaa bee to. A ye fahaamuroo fanaa dii Daniyeli la le, ka jeroolu niŋ siiboolu siifaa bee fasari.

Hoseya 7:9

Naalaalu ye a semboo suusuu, bari a maŋ a loŋ. A kuŋo ye a dati ka koyi, a maŋ a kalamuta.

Luka 1:15

A la kuwo be wara la Maariyo ñaatiliŋo la le. A te wayinoo* miŋ na, sako dolo koteŋ. A be faa la niŋ Noora Kuliŋo le la, hani janniŋ a be wuluu la.

Luka 18:16

Bari Yeesu ye dindiŋolu kumandi a kaŋ. Bituŋ a ko, “Ali dindiŋolu bula, ì ye naa n kaŋ. Ali kana ì bali naa la, kaatu mennu ka munta ko ñiŋ dindiŋolu, wolu le taa mu Alla la mansabaayaa ti.

Efesusinkoolu 6:4

Faalu, ali kana ali la dindiŋolu kamfandi, bari ali ì kuluu niŋ Maariyo la kuluuroo la, aniŋ a la yaamaroolu.

5 Musa 8:18

Ali si ñiŋ loŋ ko Yaawe ali la Alla le ye semboo dii ali la ka fanka. A ye ñiŋ ke le ka a la tiliŋo yitandi kambeŋo la kuwo to, meŋ be a niŋ ali mumuñolu teema, fo ka naa bula bii la.

2 Timoti 3:15

Biriŋ i la dindiŋyaa waatoo la, i ye Kitaabu Senuŋolu loŋ ne. Wolu le ka ñaameŋo dii i la, ka i taamandi noo ka kiisoo soto, ka bo niŋ lannoo la Kiristu Yeesu kono.

1 Samuweli 1:28

Saayiŋ ŋa a dii Yaawe la le. Aduŋ a la baluwo bee, a be tara la Yaawe le bulu.” Ì sujudita Yaawe ye jee.

1 Samuweli 16:7

Bari Yaawe ko a ye ko, “Kana a la jamfoo niŋ a la ñiiñaa juubee. N te ate ke la mansa ti, kaatu nte buka kiitiyo teyi ko hadamadiŋolu ka a ke ñaameŋ. Hadamadiŋolu ka moo muluŋo le juubee, bari nte ka moo sondomoo le juubee.”

1 Samuweli 2:18

Bari Samuweli be dookuwo ke kaŋ ne nuŋ Yaawe ñaatiliŋo la. Kambaanoo ka dendikoo duŋ, meŋ mulunta ko piriisoolu la dendika santonkoo.

1 Samuweli 2:26

Samuweli tententa ka meŋ, aduŋ a la kuwo ye Yaawe niŋ moolu kontaani le.