Kawandilaa 11:9 - Mandinka Bible

⁹ Ite keendiŋo, i faŋ seewondi, i la fondinkeeyaa waatoo la. I hakiloo kali i samba niiseewoo kuwo kaŋ, i la fondinkeeyaa tiloolu la. Bula i niidiyaa nooma, aniŋ i ñaabo feŋolu. Bari i si ñiŋ loŋ ko, Alla be i kontibo la kuwolu bee le la, i ye mennu ke.

Kawandilaa 11:9 Mawu Ofanana

1 Musa 3:6

Wo le to biriŋ musoo ye a je ko, yiridiŋo ñiŋ beteyaata le ka a domo, aduŋ a be ñaaboo daa le to, aniŋ yiroo ñiŋ na kuwo be lafoo daa le to ka ñaameŋo dii moo la, a ye a diŋo taa, a ye a domo. A ye doo dii a keemaa la, a niŋ meŋ be jee, wo fanaa ye a domo.

1 Musa 6:2

Alla dinkewolu* naata a je ko, ñiŋ dimmusoolu ye alihaali betoolu le soto. Ñinnu kono, meŋ-wo-meŋ na kuwo ye ì ñaabo, ì ye wo taa le ka ke ì la musoolu ti.

1 Mansoolu 18:12

Niŋ nte taata ka wo fo a ye, janniŋ n ka naa, niŋ Alla la Nooroo ye i samba dulaa doo to duŋ? Niŋ Ahabu naata, aduŋ a maŋ i je, wo to a be nte faa la le. Ñiŋ loŋ ko, kabiriŋ nte dindiŋ, nte keta moo le ti meŋ sonta Alla ma.

1 Mansoolu 18:27

Kabiriŋ tilibuloo siita, Eliya ye ì hadaañi ka a fo ì ye ko, “Ali wuuri baake! Ali la Alla le mu. Tumandoo a be i miira kaŋ ne, waraŋ a fintita le, waraŋ a taamata le, waraŋ a be siinoo le la, aduŋ a ñanta ka kuniŋ.”

1 Mansoolu 22:15

Kabiriŋ Mikaya futata, a loota mansa ñaatiliŋo la, a ye a ñininkaa ko, “Mikaya, fo ǹ si taa noo ka Ramoti-Kileyadi kele, waraŋ ǹ kana taa baŋ?” Mikaya ye a jaabi ko, “I si taa. I be jee noo la keloo la le, kaatu Yaawe be nooroo dii la i la le.”

Yuuba 31:7

Niŋ a ye a tara n jenketa le ka bo sila tilindiŋo kaŋ, n ñaa la jeroo ye n sondomoo filindi, waraŋ m buloolu le maŋ seneyaa,

Jabuuroolu 81:12

Bituŋ ŋa ì tu ì la sondome jaa kaŋ, ka bula ì fansuŋ yaamaroolu nooma.

Kawandilaa 12:1

I hakiloo si bula i Daamansoo la, i la fondinkeeyaa tiloolu la, janniŋ i la bataa tiloolu ka naa, aniŋ saŋolu mennu ka i waliŋ naŋ, i be a fo la mennu la ko, “M maŋ niiseewoo soto ì kono.”

Kawandilaa 12:14

Baara-wo-baara, Alla be a bee landi la, kiitii kenoo to le, hani mennu tarata nukuŋo to, a kende to baŋ, waraŋ a jawumaa to.

Kawandilaa 2:10

Feŋ-wo-feŋ ye n ñaabo, m maŋ a siyaa m faŋ ti. Feŋ-wo-feŋ mu niidiyaa feŋo ti, m maŋ foo feŋ na wolu kono. Hani dookuwo to, n ka niiseewoo le soto jee, niiseewoo, n na kata kuwolu bee joo.

Kawandilaa 3:12

Ŋa a loŋ ne ko, hadamadiŋo la baluwo kono, feŋ ne maŋ beteyaa a fee, ka tambi niidiyaa kuwo la, aniŋ faŋ seewondoo.

Kawandilaa 3:17

N ko m faŋ ye ko, “Moo tilindiŋ, moo kuruŋ, Alla be ì bee le kiitindi la. Ate le ye waatoo londi feŋo bee la, a ye waatoo londi baara kuwolu bee la.”

Kawandilaa 6:9

Ka i ñaa loo feŋo kaŋ meŋ be i fee, wo le fisiyaata ka tara bori kaŋ, hame kuwo nooma doroŋ. Ñiŋ fanaa maŋ ke feŋ ti, a ka munta le ko foño bayindoo.

Kawandilaa 7:14

Kuwolu beteyaa waatoo, kontaani, koleyaa waatoo, ñiŋ miira ko: Alla le ye ñiŋ doo daa, a ye ñiŋ doo fanaa daa. Wo to hadamadiŋo te feŋ fo noo la, meŋ be naa ke la, ate faariŋ koolaa.

Yeremiya 23:17

Ì ka tu la a fo la moolu ye le, mennu ka jutu nte Yaawe la kumoo la, ‘Kayira doroŋ ne be ke la ali ye.’ Moo-wo-moo kanjaaramaa ka bula a faŋo sondomoo la lafoo le nooma, ì ka a fo ì ye ko, ‘Tana te ali soto la.’ ”

Yeremiya 7:24

Bari itolu maŋ i lamoyi wo la, sako ka a ke, ì ye kuwolu le ke ì jusu jaaroolu niŋ ì sondome kuruŋolu ye ì samba mennu kaŋ. Ì ye ì koo dii n na le, ì ye ì ñaa bali tiliŋ na n na.

Niikuyaa Suukuwolu 3:27

Ka muñoo yookoo* taa fondinkeeyaa waatoo kono, wo beteyaata moo ye le.

4 Musa 15:30

Bari niŋ moo meŋ ye i tawu ka junube kuwo ke, fo duuriŋo le mu baŋ, waraŋ tumarankee, a ye nte Yaawe sooki, wo maarii ñanta bondi la a la moolu kono le.

4 Musa 15:39

Ñiŋ jimfiroolu le be ke la ali ye hakilibulandiraŋo ti. Niŋ ali ñaa boyita ì kaŋ waati-wo-waati, ì si kali ali hakiloo murundi nte Yaawe la yaamaroolu kaŋ ka ì muta. I si a je ali te ali koo dii la n na ka bula ali la niidiyaa nooma, aniŋ marisa feŋolu.

4 Musa 22:32

Yaawe la malaayikoo ye a ñininkaa ko, “Muŋ ne ye a tinna i ye i la faloo lipa ñiŋ siiñaa saboo la? Nte naata jaŋ ka ite le ñaato kuntu, kaatu i la siloo maŋ ke sila kende ti nte ñaa koto.

Matiyu 5:28

Bari saayiŋ m be a fo la ali ye, moo-wo-moo meŋ ye musoo juubee, a hameta ka a laañooyaa, wo maarii ye jeenoo ke le a sondomoo kono fokabaŋ.

Luka 12:19

Bituŋ ŋa a fo n niyo ye ko, “I dahaa, i ye siimaŋ jamaa le soto saayiŋ ka ì maabo fo sanji jamaa. Domoroo niŋ miŋo ke seewoo kono.” ’

Kiilaalu 14:16

Jamaanoolu mennu tambita, Alla ye nasiyoŋolu bee le bula ka taa ì fansuŋ siloolu la.

Kiilaalu 24:25

Bari kabiriŋ Pawulu diyaamuta tiliŋo niŋ faŋ mutoo la kuwo to, aniŋ kiitiyo meŋ be naa la, silaŋo naata duŋ Felis la, aduŋ a ye a jaabi ko, “Taa saayiŋ. Niŋ ŋa a ñaa soto, m be i kumandi la le kotenke.”

Roomankoolu 14:10

Wo to, muŋ ne ye a tinna ite ka i baadiŋo* kiitindi? Waraŋ ite, muŋ ne ye a tinna i ka jutu i baadiŋo la? Ntolu bee be loo la Alla la kiitiisiiraŋo ñaatiliŋo la le,

1 Korintinkoolu 4:5

Wo to, ali kana kiitiyo laa moo-wo-moo kaŋ, janniŋ waatoo be sii la. Ali Maariyo la naa batu, aduŋ a be feŋolu fintindi la maloo kono le, mennu be maaboriŋ diboo kono. Ate le be miiroolu waañaari la, mennu be hadamadiŋolu sondomoolu kono. Bituŋ moo-wo-moo be jayiroo soto la Alla bulu le, a ñanta meŋ soto la.

2 Korintinkoolu 5:10

Kaatu m̀ bee be loo la Kiristu* la kiitiisiiraŋo ñaatiliŋo la le, fo moo-wo-moo si a la joo soto a balajaatoo la baara kuwolu to, fo a betemaa, waraŋ a jawumaa.

5 Musa 29:19

Ali ali hakiloo tu moo kana soto ali kono, meŋ si ñiŋ kambeŋo niŋ a saratoolu moyi, a ye naa a faŋ kuŋo jandi ka a fansuŋ siloo taa meŋ diyaata a ye, ka ñiŋ miira ko tana te a la. Wo be a tinna le Yaawe ye moo betoolu niŋ moo kuruŋolu bee kasaara ñoo la, a te moo bo la moo to.

Hiburunkoolu 9:27

Tooñaa le mu, moo-wo-moo ñanta faa la siiñaa kiliŋ ne, wo koolaa kiitiyo si naa.

Yosuwa 7:21

Kabiriŋ ŋa Babiloni waramba ñiimaa je feŋolu kono, ŋà mennu buusi Yeriko moolu la, aniŋ kodiforoo meŋ si taa fo kilo fula, aniŋ sanoo meŋ fanaa si taa fo kilo talanteemoo, ì la kuwo ye n ñaabo. Bituŋ m fanaa ye ì sika. Ì be saarendiŋ bankoo kono n na tiriliisoo* koto. Kodiforoo le be ì bee ye duuma la.”

2 Pita 3:7

Bari saŋ fatoolu niŋ ñiŋ duniyaa, mennu be sotoriŋ saayiŋ, ì be sotoriŋ Alla la wo yaamari kiliŋo le kaŋ, fo ì si kasaara dimbaa la. Ì be tara la keriŋ ne fo kiitiiluŋo la, aniŋ allantaŋolu la kasaara luŋo.