Kawandilaa 11:8 - Mandinka Bible

⁸ Hani meŋ siimaayaata, a ñanta seewoo la a baluu saŋolu bee kono le. Bari a si ñiŋ kalamuta ko, diboo luŋolu, wo siyaata le. Feŋ-wo-feŋ be naa, a maŋ ke feŋ ne ti.

Kawandilaa 11:8 Mawu Ofanana

Yuuba 10:21

A te mee la, m be taa fureeduu, daameŋ dibi baa be jee, daameŋ moo buka bo jee, ka muru naŋ jaŋ kotenke.

Yuuba 10:22

Ñiŋ dulaa to, maloo nene buka soto jee. Ñiŋ dulaa to, diboo doroŋ ne ka tara jee, aniŋ jaakaloo.

Yuuba 14:10

Bari hadamadiŋo, niŋ a faata, a daŋo bee ka ke wo le ti. Wo to a ka tara mintoo le, niŋ a maŋ tara keriŋ?

Yuuba 14:12

hadamadiŋo la kuwo misaaloo be teŋ ne. Niŋ a faata, a te wuli la hani niŋ saŋ fatoolu bee yeemanta, a te wuli la saayaa kono kotenke.

Yuuba 15:23

A hakiloo ka tara ñiŋ ne kaŋ ko, duwoolu le be a furewo batu kaŋ. A koyita a ma le ko, a la kasaaroo baayiñaa te wo la.

Yuuba 18:18

Alla be ì bondi la duniyaa kono, a be ì ñori la ka bo maloo dulaa to ka taa diboo kono.

Jabuuroolu 49:20

Moo meŋ fankamaayaata bari a maŋ fahaamuroo soto be faa la le komeŋ daafeŋolu.

Kawandilaa 11:2

Moolu kundi i sotofeŋo to, hani niŋ a be ke la moo woorowula ti, waraŋ seyi. Kaatu i maŋ a loŋ kooroo be feenee la ñiŋ duniyaa kono waatoo meŋ na.

Kawandilaa 2:15

N ko m faŋ ye ko, “Meŋ ka ke toolewo la, wo le be ke la m fanaa la. Wo to n na ñaameŋ baa, saayiŋ a nafaa lee?” N ko m faŋ ye ko, “Ñiŋ fanaa maŋ ke feŋ ti.”

Kawandilaa 2:17

Ka tara baluwo to, n naata wo koŋ ne, kaatu meŋ ka ke ñiŋ duniyaa tiloo koto, a niitooroo warata m fee baake le. Ñiŋ fanaa maŋ ke feŋ ti, a ka munta le ko foño bayindoo.

Kawandilaa 2:19

Jumaa le ka a loŋ fo wo be ke la moo ñaamendiŋo le ti, waraŋ toolewo? Bari hani wo, ate le be mara la feŋolu bee la, n tarata mennu katariŋ, ŋa ñaameŋo taamandi mennu kunna, ñiŋ duniyaa tiloo koto. Ñiŋ fanaa maŋ ke feŋ ti.

Kawandilaa 2:26

Moo meŋ ye Alla kontaanindi, a ka ñaameŋo dii wo le la, londoo, aniŋ niiseewoo. Bari junubelaa, a ka bataa le laa wo kaŋ, ka tara naafuloo kafu kaŋ ñoo ma ka a maabo moo ye, meŋ ka Alla kontaanindi. Ñiŋ fanaa maŋ ke feŋ ti, a ka munta le ko foño bayindoo.

Kawandilaa 4:16

A tarata moolu mennu mara kaŋ, wolu maŋ daŋ soto. Bari a jamaanoo labaŋo la, wo moolu maŋ seewoo ñiŋ fondinkeeriŋo la kuwo la, meŋ seyita mansa noo to. Ñiŋ fanaa maŋ ke feŋ ne ti, a ka munta le ko foño bayindoo.

Kawandilaa 4:8

Kewo doo le mu, a kiliŋ doroŋ ne be a faŋ ye. A maŋ diŋ soto, a maŋ baadiŋ soto. A la katoo warata, dandulaa te meŋ na. Bari hani wo, a la sotoo maŋ a ñaa faa. A ye a faŋ ñininkaa ko, “Nte be ñiŋ kata kuwo bee ke kaŋ jumaa le ye? Muŋ ne ye a tinna ŋa n koo dii niidiyaa kuwolu la?” Ñiŋ fanaa maŋ ke feŋ ti, bataa doroŋ ne mu.

Kawandilaa 6:11

Daa be siyaa la doroŋ, a kuma kenseŋo be siyaa la, a ye muŋ nafaa le soto moo ye?

Kawandilaa 6:6

Hani niŋ a ye a tara ñiŋ kewo ye sanji wuli fula le baluu, hani wo bee a maŋ niiseewoo soto. Fo ì bee labaŋo te ke la kiliŋ ne ti, kaburoo kono?

Kawandilaa 7:14

Kuwolu beteyaa waatoo, kontaani, koleyaa waatoo, ñiŋ miira ko: Alla le ye ñiŋ doo daa, a ye ñiŋ doo fanaa daa. Wo to hadamadiŋo te feŋ fo noo la, meŋ be naa ke la, ate faariŋ koolaa.

Kawandilaa 8:12

Moo kuruŋo ka kuruŋyaa kuu keme baara le, hani wo, a ye tara siimaayaariŋ fo waati jaŋ. Wo ñaa-wo-ñaa, ŋa a loŋ ne ko, kayiroo be tara la Alla ñaasilannaalu le ye, mennu ye Alla la kuwo buuñaa.

Kawandilaa 8:15

Nte de, n na lafinna kuwo moolu ye, mu niiseewoo le ti, kaatu feŋ ne maŋ beteyaa hadamadiŋolu to ñiŋ duniyaa tiloo koto, meŋ tambita domoroo la, ka i miŋ aniŋ ka ì faŋ niyo seewondi. Ì niŋ ñiŋ ne ka tara ì la kata kuwolu ke kaŋ ì la baluwo bee kono, Alla ye meŋ dii ì la ñiŋ duniyaa tiloo koto.

Kawandilaa 9:7

Wo to i la domoroo domo niiseewoo kono, i ye i la wayinoo* miŋ sondome tenkuŋo kono. Alla lañinita i ye ñiŋ ne la.

Yeremiya 13:16

Ali horomoo dii Yaawe ali la Alla la, janniŋ a be diboo dundi la ali ma, ali siŋolu kali taki konko dibiriŋolu kaŋ. Tuma meŋ na ali be tara la mala ñiniŋo la, a be dibi fiŋo le naati la ali ye, a ye a ke ali ye dibi baa ti.

Yoweli 2:2

Luŋ dibiŋ, dibi fiŋ diboo, tawali fiŋo ye dulaa bee dibindi. Ko ñiŋ dibi fiŋo ye konkoolu muuri, kelediŋ jamaa coomanta naŋ, ì niŋ sembe baa, a siifaa ñoŋo nene maŋ soto, a ñoŋo nene te soto la.

Matiyu 22:13

Wo to le mansakewo ko a la dookuulaalu ye ko, ‘Ali a siŋolu niŋ a buloolu siti, ali ye a fayi banta diboo kono, kumboo niŋ nimisoo be daameŋ.’

Yohana 12:35

Bituŋ Yeesu ko ì ye ko, “Maloo be ali fee le fo waatindiŋ. Ali taama, baawo ali ye maloo soto le, fo diboo kana ali muta. Moo meŋ ka taama diboo kono, wo buka a loŋ, a be taa kaŋ daameŋ to.

5 Musa 32:29

Niŋ ì ñaamenta nuŋ, ì be ñiŋ fahaamu la le nuŋ, tennuŋ ì be ì labaŋo suutee la le.

Yuuda 1:18

ye mennu fo ali ye ko, “Luŋ labaŋolu kono, ñaawalilaalu be naa la le, mennu be tara la ì balajaatoolu la hame kuu jawoolu nooma la, ì la allantaŋyaa kono.”