Kawandilaa 11:6 - Mandinka Bible

⁶ I la turoo fii soomandaa la, wulaaroo i kana i buloo laa ñoo kaŋ. Kaatu i maŋ a loŋ meŋ be beteyaa la, ñiŋ kunkoo waraŋ wo doo, waraŋ fo ì bee le be beteyaa la.

Kawandilaa 11:6 Mawu Ofanana

Kawandilaa 11:7

Maloo diyaata le, aduŋ seewoo le mu, ka tiloo je i ñaa la.

Kawandilaa 9:1

Ŋa m miira ñiŋ bee la le, n naata kisikisiroo ke kuwo bee la. Biriŋ ŋa kisikisiroo ke, ŋa ñiŋ ne je: Moo tilindiŋolu niŋ moo ñaamendiŋolu, ì niŋ ì la baara kuwolu bee be Alla le bulu. Hadamadiŋ ne buka a loŋ meŋ be naa a kaŋ ñaato, fo a be ke la kanu kuu le ti, waraŋ koŋ kuu.

Kawandilaa 9:10

I buloo benta dookuu-wo-dookuu fee, a ke beteke, kaatu i be taa kaburoo meŋ kono, dookuu te jee de, sako feere landi, aduŋ londi kuu fanaa te jee, sako ñaameŋ kuu.

Yesaya 55:10

Samaa niŋ komboo ka jii naŋ ne ka bo saŋ fatoo bala, ì buka muruŋ santo, fo niŋ ì ye bankoo jiiboŋ. Fiifeŋolu ka faliŋ ne, ì ye yiriwaa, fo ì si kese jamaa bondi fiirilaa ye, aniŋ daañinoo, a domolaa ye.

Hoseya 10:12

Ali ali la bankulaa sene, ali ye tiliŋo fii jee, kanu bambaloo be faliŋ na ali ye le. Waatoo siita le ka nte Yaawe ñini, fo n si naa ka tiliŋo jindi ali kaŋ ko sanjoo.

2 Korintinkoolu 9:6

Ali kana ñina ko, moo meŋ ye fiiroo domandiŋ ke, wo maarii be katiroo fanaa domandiŋ ne ke la. Bari moo meŋ ye fiiroo ke kendeke, wo maarii be katiroo ke la le kendeke.

2 Timoti 4:2

Kumoo kawandi i ye paree waatoo bee la, fo sooneeyaa tumoo le mu, waraŋ koleyaa. Moolu sondi kumoo la, i ye ì jalayi, aniŋ i ye ì wakiilindi fanaa karandiri betoo la, i niŋ muña baa.