Kawandilaa 11:5 - Mandinka Bible

⁵ Ko i maŋ a loŋ ñaameŋ baluwo niijii foñoo ka naa deenaanoo kaŋ ñaameŋ, baa wuluuñaŋo kono, i maŋ Alla fanaa la keroo loŋ wo le ñaama, ate meŋ ye feŋolu bee daa.

Kawandilaa 11:5 Mawu Ofanana

Yuuba 37:23

Moo le buka futa noo Alla Tallaa dulaa ma. A semboo warata le, aniŋ a la tiliŋo. A tilinta le pet, aduŋ a buka jenke.

Yuuba 38:4

I be miŋ, kabiriŋ m be duniyaa daa la? A fo n ye, niŋ i ye fahaamuru ke a kuwo la.

Yuuba 5:9

Ate le mu kaawakuu baalu kelaa ti, mennu buka tara loŋo daa to, aniŋ jaakali kuwolu mennu buka yaatee noo.

Jabuuroolu 104:24

Kooni Yaawe, i ye meŋ daa a siyaata le. I ye ì bee daa i la ñaameŋo le kono. Duniyaa be faariŋ i la daafeŋolu le la.

Jabuuroolu 40:5

Kooni Yaawe, n na Alla, i ye kaawakuu jamaa le ke. I ye kuu baa jamaa le parendi ntolu ye. Tembeñoo te tara noo la ite la. Niŋ ŋa a kata ka ì bee fo, ì yaatewo tambita kontiroo la le.

Jabuuroolu 92:5

Hee Yaawe, i la kekuwolu warata baake le, i la miiroolu diinonta famfaŋ.

Kawandilaa 1:13

N ka ñaameŋo le taa ka n hakiloo taamandi, ka ñinindiroo ke, ka kisikisiroo ke kuwolu bee la, mennu ka ke ñiŋ duniyaa kono. Alla le ye duni koleŋo laa hadamadiŋo kaŋ, ka tara a faŋ batandi la doroŋ.

Kawandilaa 1:6

Foñoo ka fee bulubaa la le, a ye muru naŋ wo la maraa la. A ka muruŋ-muruŋ wo le ñaama, fo a ye muru naŋ a noo to.

Kawandilaa 11:4

Niŋ i ka tu la foñoo le koroosi la, i te fiiroo ke la, aduŋ niŋ i ka tu la i ñaa feetee la tawaloolu le kaŋ, i te katiri ke la.

Kawandilaa 3:10

Ŋa a je le, Alla ye dunoo meŋ laa hadamadiŋo kaŋ, a ka tara a faŋ batandi la a la.

Kawandilaa 3:11

Alla ye kuwo bee ke a tumoo le la, aduŋ a ñiiñaata. A ye hadamadiŋo hakilimaayandi badaa-badaa baluwo la kuwo la le, bari hani wo, Alla la keroo, hadamadiŋo buka a fahaamu noo, a foloodulaa te, sako a labandulaa.

Kawandilaa 7:24

Feŋolu mennu bee be sotoriŋ, moo buka ì keñaa fahaamu noo, a kuwo daŋo dinkata baake. Jumaa le si a daŋo bondi noo?

Kawandilaa 8:17

N naata a je le ko, Alla la keroo bee meŋ be taama kaŋ ñiŋ duniyaa tiloo koto, hadamadiŋ ne buka feŋ fahaamu noo ì to. A si kata kuwo bee ke ñaa-wo-ñaa ka ì fahaamu, a te a noo la. Hani moo ñaamendiŋo, niŋ a ko a be a fahaamu la, a te a noo la.

Yesaya 40:28

Fo ali maŋ a loŋ? Ali maŋ a moyi? Yaawe le mu badaa-badaa Alla ti, meŋ ye duniyaa tonkoŋ naanoo bee daa. A buka bataa sako a si lamfu, aduŋ moo le te a la fahaamuroo daŋo loŋ noo la.

Yohana 3:8

Foñoo ka fee le, a lafita ka taa daameŋ. I ka a kumakaŋo moyi le, bari i maŋ a loŋ, a ka bo naŋ daameŋ waraŋ a ka taa daameŋ. A be moo-wo-moo ye wo ñaa kiliŋo le ñaama, meŋ wuluuta ka bo niŋ Nooroo la.”

Roomankoolu 11:33

“Tooñaa, Alla la fankoo warata le, a la ñaameŋo niŋ londoo! Moo buka a la kiitiyolu kisikisi noo, a la siloolu buka loŋ noo.”