Kawandilaa 11:3 - Mandinka Bible

³ Niŋ tawaloolu faata jiyo la, ì ka sanjoo boŋ ne duniyaa kono. Yiroo, fo a boyita bulubaa le la baŋ, waraŋ maraa la, bari a boyita daameŋ, a ka i laa wo le to.

Kawandilaa 11:3 Mawu Ofanana

1 Mansoolu 18:45

Bituŋ wo loo niŋ baroo teema, saŋo bee finta niŋ tawali fiŋolu la, foño baa wulita, aduŋ sanji baa ye a dati ka ke. Wo to le Ahabu seleta a la sareetoo kaŋ, a borita ka taa Yesireeli.

Kawandilaa 11:2

Moolu kundi i sotofeŋo to, hani niŋ a be ke la moo woorowula ti, waraŋ seyi. Kaatu i maŋ a loŋ kooroo be feenee la ñiŋ duniyaa kono waatoo meŋ na.

Kawandilaa 11:4

Niŋ i ka tu la foñoo le koroosi la, i te fiiroo ke la, aduŋ niŋ i ka tu la i ñaa feetee la tawaloolu le kaŋ, i te katiri ke la.

Matiyu 3:10

Saayiŋ teeraŋo be laariŋ yirisuloolu to le fokabaŋ. Wo kamma la yiri-wo-yiri meŋ maŋ diŋ betoo diŋ, wo be kuntu la le, aduŋ a be fayi la dimbaa kono le ka jani.

Luka 13:7

Wo to le a ko kankaŋ dookuulaa ye ko, ‘A juubee, n ka naa jaŋ fo sanji saba ka diŋo ñini ñiŋ sooto suŋo bala, bari m buka hani kiliŋ soto. A kuntu! Muŋ ne ye a tinna a ñanta bankoo nafaa soto la?’

1 Yohana 3:17

Moo meŋ ye a la suulafeŋolu soto ñiŋ duniyaa kono, aduŋ a ye a baadiŋo je suuloo kono, bari a maŋ balafaa soto a ye, Alla la kanoo be sabati la wo maarii kono ñaadii le?