Kawandilaa 10:12 - Mandinka Bible

¹² Moo ñaamendiŋo la kumakaŋo ka hiinoo le saabu a faŋo ma, bari toolewo faŋo neŋo le ka a kasaara.

Kawandilaa 10:12 Mawu Ofanana

Yuuba 16:5

N daakumoo si ali wakiilindi noo le, n neŋo kumoo la diyaa ye dimoo bo ali kaŋ.

Jabuuroolu 140:9

Moolu mennu ye m murubeŋ, ì daalu ka mantooroo meŋ saabu, a ye kupi ì faŋolu kuŋo kaŋ.

Jabuuroolu 37:30

Moo tilindiŋo daakumoo mu ñaameŋo le ti, aduŋ a ka meŋ fo a neŋo la, wo mu tiliŋo doroŋ ne ti.

Jabuuroolu 64:8

Ì neŋolu le be ì takindi la Alla la, ì ye kasaara, aduŋ moolu mennu bee ye ì je, si ì kuŋo jiijaa.

Kuma Kotoomaalu 10:10

Moo-wo-moo ka a ñaa kati moolu ñaa la, a ka kuyaa le saabu, aduŋ toolee daa siyaariŋo ka labaŋ kasaara la le.

Kuma Kotoomaalu 10:8

Moo ñaamendiŋo ka yaamaroo tu a sondomoo kono le, bari toolee daa siyaariŋo ka labaŋ kasaara la le.

Kuma Kotoomaalu 12:18

Ka kuma fo i maŋ i miira, ka munta le ko niŋ hawusaroo* ye moo soo, bari moo ñaamendiŋo daakumoo si moo jaara noo le.

Kuma Kotoomaalu 15:2

Moo ñaamendiŋo la kumoo ka londoo la kuwo diyandi moolu ye le, bari toolewo daakumoo ka ke kuu kuntaŋo doroŋ ne ti.

Kuma Kotoomaalu 15:23

Moo ka seewoo soto kuma diimaa to le, a ye moo jaabi meŋ na, kuma kendoo meŋ fota a waatoo la, ka diyaa moo ye le.

Kuma Kotoomaalu 19:5

Seedenduroo te tu la jee, a maŋ toora, faniyaa folaa fanaa te kana la.

Kuma Kotoomaalu 22:11

Moo meŋ ŋaniyoo seneyaata, aniŋ meŋ ka a diyaamuñaa loŋ, mansa le be ke la a teeroo ti.

Kuma Kotoomaalu 26:9

Komeŋ ŋaniŋ dokoo ka tara siiratoo buloo kono ñaameŋ, kuma kotoomaa ka ke toolewo daa to wo le ñaama.

Kuma Kotoomaalu 31:26

A ka ñaameŋ kumoolu le fo, aduŋ a ka moolu yaamari kuma kendoo le la.

Kawandilaa 12:11

Moo ñaamendiŋo la kumakaŋolu ka moo kenkeŋ ne ko kantarilaŋ dokoo. A la kuma kotoomaalu mulunta le ko peruu meluŋolu. Kumoolu ñiŋ bota Kantarilaa doo le bulu.

Kawandilaa 4:5

Toolewo ka a buloolu laa ñoo kaŋ ne, a ye a faŋ kasaara.

Kawandilaa 5:2

I daa mara, i kana soŋ i sondomoo ye feŋ-wo-feŋ maa, i ye tariyaa ka a fo Alla ñaatiliŋo la. Kaatu Alla be Arijana le, ite be duniyaa. Wo kamma la i daakumoo kana siyaa.

Kawandilaa 5:6

Kana soŋ i daa ye i duŋ junuboo to, aduŋ kana i daa laa i faŋ kaŋ ka a fo piriisoo* ye ko, “N na laahidoo taa keta m bulu lañinoo le ti.” Kana soŋ Alla ye kamfaa i kamma, i la laahidi timmandibaliyaa kamma la. A si i la dookuu feŋolu kasaara noo le.

Kawandilaa 9:17

Moo ñaamendiŋo la sooneeyaa kumoolu, wolu le ñanta ka hakilitu ka tambi toolewolu la ñaatonkoo la saroo la santo.

Matiyu 12:35

Moo betoo ka kuu betoolu le fintindi ka bo a sondomoo kono, meŋ be faariŋ beteyaa la. Aduŋ moo jawoo ka kuu jawoolu le fintindi ka bo a sondomoo kono, meŋ be faariŋ jawuyaa la.

Luka 19:22

Wo to le mansa ko wo dookuulaa ye ko, ‘Ite dookuulaa nafantaŋo! M be i kiitindi la i faŋo la kumoolu le la. Ite ye a loŋ ne ko, nte mu kee saŋarariŋo le ti. Ite ye a loŋ ne, n ka n tinee feŋolu le la, m maŋ mennu dookuu, aduŋ n ka katiroo ke dulaa to le, m maŋ fiiroo ke daameŋ.

Luka 4:22

Ì kaawata hiinakumoolu la, a ye mennu fo, ì bee ye a jayi. Ì ko, “Fo ñiŋ maŋ ke Yusufa dinkewo le ti baŋ?”

Efesusinkoolu 4:29

Kuma jawoo kana bo ali daa kono. Wo noo to, ali la kumoolu si beteyaa ka moolu yiriwandi, ka ì maakoyi ì la suuloolu kono, aniŋ ka ì seewondi.

Kolosankoolu 4:6

Ali la diyaamoo si tu sooneeyaariŋ. Kuma betoolu si a diyandi ko koo ka domoroo diyandi ñaameŋ. Aduŋ ali si a loŋ, ali ñanta moo-wo-moo jaabi la ñaameŋ.