Kawandilaa 10:11 - Mandinka Bible

¹¹ Niŋ saa ye i kiŋ janniŋ saa daa sitilaa be a moso la, wo to a la saa daa sitoo te nafaa soto la i ye.

Kawandilaa 10:11 Mawu Ofanana

Jabuuroolu 52:2

Ite neeneerilaa, i ka tara kasaara kuwo le siti kaŋ. I neŋo be saŋarariŋ ne ko muru diimaa.

Jabuuroolu 58:6

Hee Alla, ì ñiŋolu kati ì daalu kono. Yaawe*, ñiŋ jatoolu saliŋolu kuntu.

Jabuuroolu 64:3

Ì ka ì neŋolu diyaa le ko hawusaroo*, ì ka kuma jawoolu fayi ko kalabeñoo.

Kuma Kotoomaalu 18:21

Niŋ i ye kumoo fo, a si ke noo kuma kendoo ti le, waraŋ moofaa kuwo. Wo to niŋ i fokumoo ye a tinna i ye kuu soto, i ñanta soŋ na a la le.

Kawandilaa 10:10

Niŋ teeraŋo daa kuyaata, i maŋ a daa diyaa, a dookundoo ka sembe boyi baa le ñininkaa, bari ñaameŋo, wo le ka tinewo naati.

Yeremiya 8:17

Yaawe ko: “A juubee, m be daŋaroolu le bula la naŋ ali kono, biidaalu mennu te neeneetoo muta noo la, wolu le be ali kiŋ na.” Yaawe le ye a fo.

Yankuba 3:6

Neŋo mu dimbaa le ti, a mu ñiŋ duniyaa tilimbaloo la jooraŋo le ti m̀ balasuufoolu kono. Ate le ka baloo bee nondi, a ka dimbaa mala ka baluwo bee kasaara, aduŋ a la wo dimbaa bota Jahannaba le.

Yankuba 3:8

Bari neŋo mu feŋ ne ti, moo maŋ meŋ mara noo. A mu feŋ jawoo le ti, meŋ buka i dahaa, aduŋ a be faariŋ saayaa kunoo la le.