Kawandilaa 10:10 - Mandinka Bible

¹⁰ Niŋ teeraŋo daa kuyaata, i maŋ a daa diyaa, a dookundoo ka sembe boyi baa le ñininkaa, bari ñaameŋo, wo le ka tinewo naati.

Kawandilaa 10:10 Mawu Ofanana

1 Mansoolu 3:9

Wo to fahaamuroo hakiloo dii i la dookuulaa la ka i la moolu mara, ka ñiŋ noo ka kuu betoo niŋ kuu jawoo bo ñoo to. Kaatu niŋ wo nte, jumaa le si i la ñiŋ moo baalu mara noo?”

1 Taarika 12:32

Isakari lasiloo kelediŋ ñaatonka keme fula niŋ ì la kelediŋolu le be looriŋ nuŋ, ka Banisirayila la suula kuwolu loŋ, ì ñanta mennu ke la waatoo meŋ na.

Kawandilaa 10:11

Niŋ saa ye i kiŋ janniŋ saa daa sitilaa be a moso la, wo to a la saa daa sitoo te nafaa soto la i ye.

Kawandilaa 10:15

Toolewo la kata kuwolu, wolu le ka a batandi, hani a taaraŋ siloo ka taa saatewo kono, a buka a loŋ.

Kawandilaa 10:9

Moo-wo-moo ka dookuwo ke beredinkoo to, si barama noo le, moo-wo-moo ka loo kuntu, si dimindi noo le.

Kawandilaa 2:13

Bari n naata a je le ko, ñaameŋo le beteyaata tooleeyaa ti, ko maloo beteyaata diboo ti ñaameŋ.

Kawandilaa 9:18

Ñaameŋo le ye fisa ka tambi kelejooraŋolu la. Junubelaa, hani a kiliŋ, a ka kuu bete jamaa le tiñaa.

Matiyu 10:16

“Ali a kalamuta ko, m be ali kii kaŋ banta le ko saajiyolu, mennu be suluwolu kono. Wo kamma la ali si feere ko woloo, aniŋ ali si sooneeyaa ko puraa.

Roomankoolu 16:19

Bari alitolu la yaamarimutoo, moolu bee ye wo moyi le. Wo kamma la, nte seewoota ali la kuwo to le, aduŋ n lafita, ali si ñaameŋo soto kuu betoo la karoo la, bari ali si ke lombaloo ti kuu jawoo la kuwo to.

1 Korintinkoolu 14:20

Baadiŋolu, ali kana ke dindiŋolu ti ali la miiroolu to. Ali ke deenaanoolu ti kuu jawoo la kuwo to, bari ali si ke moo mendiŋolu ti ali la miiroolu to.

5 Musa 32:41

M be n na hawusaroo daa diyaa la le, fo a ye malamala, ŋa sii n na kiitiisiiraŋo kaŋ. M be n joo la n jawoolu to le, ŋa moolu jarabi, mennu ye n koŋ.

Kolosankoolu 4:5

Niŋ ali be moolu kono, mennu maŋ ke Yeesu noomalankoolu ti, ali si maa kuu ñaameŋo la. Niŋ siloo yeleta ali ye ka kuu betoo ke, ali si a waatoo taa kuu.

Yankuba 1:5

Niŋ moo dasata ñaameŋo la ali kono, wo maarii si Alla daani, aduŋ a be ñaameŋo dii la a la le. Ate le ka diiroo ke moolu bee la a ñaama, jalayiribaliyaa kono.