Kawandilaa 1:16 - Mandinka Bible

¹⁶ N ko m faŋ ye ko, “N na kuwo semboo warata ñaameŋo la karoo la le, ka tambi moo-wo-moo la meŋ nene ye maraloo ke Yerusalaamu, janniŋ nte la waatoo. N hakiloo fanuta ñaameŋo niŋ londoo la kuwo to le famfaŋ.”

Kawandilaa 1:16 Mawu Ofanana

1 Mansoolu 10:7

Bari nte maŋ laa ñiŋ kuwolu la fo kabiriŋ n naata ŋa a je n ñaalu la. Tooñaa, kuwo talantewo faŋo maŋ fo n ye, kaatu i la ñaameŋo niŋ naafuloo tambita kibaaroo la le nte ye meŋ moyi.

1 Mansoolu 4:30

Sulemani la ñaameŋo le warata ka tambi moolu bee la mennu be bankoo tiliboo la, aniŋ ka tambi Misira bankoo la ñaameŋo bee la.

1 Mansoolu 5:9

N na dookuulaalu be yiroolu bondi la naŋ Libanooni le ka ì samba naŋ baa daala. Ì be ì debe la ñoo bala le ì ye yanka jiyo kaŋ, ka ì samba i ye dulaa meŋ fo. Ì be ì firiŋ na i ye jee le, i si naa ì samba. Bituŋ ite si nte la lafoo ke n ye ka domoroo dii n na mansa bunkono moolu la.”

2 Mansoolu 5:20

Alla la moo Elisa la dookuulaa Kehasi kumata a faŋ ye ko, “A juubee baŋ, m maarii ye ñiŋ Aramunkoo Naamani tu jee le, a niŋ soorifeŋo muruta, a ye meŋ samba naŋ. A maŋ soŋ ka feŋ muta a bulu. A be koyiriŋ ñaameŋ ko Yaawe be baluuriŋ ne, m be bori la a nooma le, ŋa feŋ muta a bulu.”

2 Taarika 2:12

Hiramu tententa ka a fo ko: “Tentoo be Yaawe ye, Banisirayila la Alla, meŋ ye saŋo niŋ bankoo daa, meŋ ye dinkee ñaamendiŋo dii Mansa Dawuda la, meŋ ye kuwolu keñaalu loŋ, a ye fahaamuroo soto, meŋ be batudulaa loo la Yaawe ye, aniŋ ka mansasuwo loo a faŋo ye.

Jabuuroolu 4:4

Ali si kamfaa, bari a kana ali duŋ junuboo to. Ali ali sondomoolu kiitindi, niŋ ali be laariŋ ali la laaraŋo kaŋ, aduŋ ali si i deyi. S

Jabuuroolu 77:6

tuma meŋ n ka suutoo bee ke seewoo niŋ suukuulaa ti. N ka n hakiloo duŋ ne, ka m miira wo niŋ saayiŋ fatata ñaameŋ.

Kawandilaa 2:1

N ko m faŋ ye ko, “M batu, ŋa niidiyaa fanaa la kuwo juubee, ka kuu kendoo kisikisi a la. Bari heyi, wo fanaa te feŋ ti.”

Kawandilaa 2:15

N ko m faŋ ye ko, “Meŋ ka ke toolewo la, wo le be ke la m fanaa la. Wo to n na ñaameŋ baa, saayiŋ a nafaa lee?” N ko m faŋ ye ko, “Ñiŋ fanaa maŋ ke feŋ ti.”

Kawandilaa 2:9

N na kuwo naata wara kendeke, ka tambi moo-wo-moo la meŋ nene ye maraloo ke n ñaa Yerusalaamu, fo ka naa tuku n na waatoo la. Aduŋ n na ñaameŋo tuta m bulu le.

Kawandilaa 3:17

N ko m faŋ ye ko, “Moo tilindiŋ, moo kuruŋ, Alla be ì bee le kiitindi la. Ate le ye waatoo londi feŋo bee la, a ye waatoo londi baara kuwolu bee la.”

Yeremiya 22:14

Kooroo be a ye le, ate meŋ ka a fo ko, a be buŋ baa le loo la a faŋo ye, a ye buŋ fanuŋolu coki a kaŋ santo. Bituŋ a ye palanteeri fanuŋolu ke a la, a ye a konoto bumbaloolu bee laa sedari* babaroolu la, ka a muu niŋ lasi wuleŋo la.

Daniyeli 4:30

A kumata ko, “Babiloni juubee a be warariŋ ñaameŋ. Ŋa a loo le ka ke n na mansa saatee baa ti. Ŋa a loo n semboo le la, ka n na mansayaa horomoo niŋ waroo yitandi.”

Hiburunkoolu 5:14

Bari domori bambandiŋo mu moo mendiŋolu le taa ti. Ka bo niŋ nindiroo le la, wo moolu naata fahaamuroo soto ka kuu betoo niŋ kuu jawoo bo ñoo to.