Kawandilaa 1:11 - Mandinka Bible

¹¹ I maŋ a je, moo foloolu la kuwo bota hakiloo la miira to, aduŋ hani mennu ka naa, ì la kuwo be fili la wo le ñaama moolu ma, mennu be naa itolu koolaa.

Kawandilaa 1:11 Mawu Ofanana

Jabuuroolu 9:6

I ye ǹ jawoolu turutumbuŋ ne, i ye ì la saatewolu buruka, ì la kuwo keta ñinataa ti fereŋ.

Kawandilaa 1:10

Fo feŋ ne be keriŋ baŋ, moo si meŋ na kuwo fo noo ko, “Ñiŋ feŋo wo de, ate mu kutamaa le ti?” Wo feŋo, a tarata keriŋ ne biriŋ, janniŋ ntolu faŋo ka soto.

Kawandilaa 2:16

Moo ñaamendiŋo niŋ toolewo, ì bee too te tu la fo waati jaŋ. Waati be naa, ñinoo be ke la ì bee le la, ì bee be labaŋ na faa la le.

Kawandilaa 8:10

Ŋa moo kuruŋolu je le, ì ka Batudulaa Senuŋo taa niŋ naa. Moolu ye ì jayi wo saatewo kono, ì ka kuruŋyaa kuwolu ke daameŋ. Ì naata ì baadee niŋ horoma baa la. Ñiŋ fanaa maŋ ke feŋ ti.

Kawandilaa 9:5

Moo-wo-moo be a niyo la, wo ka i yillaa saayaa ma le, bari furewo, wo buka feŋ ne kalamuta. Ì buka duniyaa tinee soto kotenke, aduŋ hani ì la kuwo miiroo faŋo, bee le ka naa fili fereŋ.

Yesaya 42:9

A fele, ŋa feŋ-wo-feŋ bankee, a keta tooñaa le ti, saayiŋ m be kuu kutoolu bankee la le. M be ñaato kuwolu fo la ali ye le, janniŋ ì be sii la.”