Jakariya 9:7 - Mandinka Bible

⁷ Ì ye subu yelemaa meŋ ñimi, ì ye domori haraamuriŋo meŋ domo, m be a bee le bondi la ì daa kono. M be a saba la naŋ ne ka bo ì ñiŋ kesoolu teema. Filisitinkoolu mennu be tu la baluwo to, be tu la nte Yaawe le ye. Ì be ke la le ko kaabiiloo Yahuuda kono. Ekironinkoolu be ke la ko Yebusinkoolu Yerusalaamu kono.

Jakariya 9:7 Mawu Ofanana

1 Taarika 1:14

Ate le fanaa mu ñiŋ moolu bonsuŋo ti: Yebusinkoolu, Amorinkoolu, Kirikasinkoolu,

1 Taarika 21:15

Alla ye malaayikoo kii, ka Yerusalaamu kasaara. Biriŋ a ye a dati ka jee kasaara, Yaawe balafaata, a ko a ye ko, “A kaañanta. A tu jee.” Wo waatoo Yaawe la malaayikoo tarata Arawuna Yebusinkoo la toñonkari dulaa le to.

Jabuuroolu 3:7

Hee Yaawe, wuli, i ye n tankandi, n na Alla. I ka n jawoolu bee busa ì ŋaaŋaa le to, ì ka tilimbaloolu ñiŋolu kati le ka ì barakoo bo.

Jabuuroolu 58:6

Hee Alla, ì ñiŋolu kati ì daalu kono. Yaawe*, ñiŋ jatoolu saliŋolu kuntu.

Yesaya 65:4

Ì ka tara siiriŋ kaburoolu le to, ì ye suutoo laa dulaa denderiŋolu to. Ì ka seewu suboo domo le, aduŋ daa jiyo meŋ be ì la kaleeroo kono, bota daafeŋ kondiŋolu suboo le bala.

Yeremiya 48:47

“Hani wo, m be Mowabi murundi la firiŋo kono le, ñaato siniŋ.” Yaawe le ye a fo. Kiitindiroo meŋ ñanta laa la Mowabi bankoo kaŋ, a kumoo danta jaŋ ne.

Yeremiya 49:39

Bari ñaato siniŋ, m be Elamu murundi la firiŋo kono le.” Yaawe le ye a fo.

Yeremiya 49:6

“Bari wo bee koolaa, m be naa Ammoninkoolu murundi la firiŋo kono le.” Yaawe le ye a fo.

Amosi 3:12

Yaawe ye ñiŋ ne fo ko, “Alitolu Banisirayilankoolu mennu be dahaa kono Samariya, ali la laaraŋolu niŋ ali la siiraŋ baalu kaŋ, moo dantaŋ doroŋ ne be kana la ali kono. Ali la kuwo be muluŋ na le komeŋ niŋ jatoo ye saajiyo muta, bari janniŋ saajii kantalaa ka a kanandi a bulu, a ye a tara saajiyo siŋ fula doroŋ ne tuta, waraŋ a tulu fita kiliŋ.”

Jakariya 8:23

Yaawe Alihawaa Maariyo ye ñiŋ ne fo ko: Ñiŋ waatoo la, sii koteŋolu moo taŋ si i miniŋ Yahuudoo la waramba tuloo la, ka a fo a ye ko, “M̀ batu ŋà bula ali nooma, kaatu ŋà a moyi le ko, Alla be ali fee le.”

Jakariya 9:6

Jankadiŋolu le be sabati la Asidodi. Yaawe ko: “M be daŋ ke la Filisitinkoolu la faŋ waroo la le.

Jakariya 9:8

Bituŋ ŋa daakaa n na bankoo kaŋ kantarilaa ti, moo te taa niŋ naa la jee. Hani toorandirilaa kiliŋ te boyi la a kaŋ, kaatu m faŋo ñaa ye ì la bataa je le.”

Kalatiyankoolu 3:28

Wo to Yahuudiyaa niŋ Jirisinkayaa te jee, joŋyaa niŋ foroyaa, waraŋ kewo niŋ musoo, kaatu alitolu bee mu kiliŋ ne ti Kiristu Yeesu kono.