Jakariya 9:4 - Mandinka Bible

⁴ Bari saayiŋ, Maariyo be a sotofeŋo bee konkoŋ na le, a be a la fankoo fayi la baa le kono, a ye saatewo ñiŋ jani.

Jakariya 9:4 Mawu Ofanana

Kuma Kotoomaalu 10:2

Naafuloo meŋ sotota tilimbaliyaa kono, maŋ nafaa soto, bari tiliŋo si moo niyo tankandi noo le.

Kuma Kotoomaalu 11:4

Naafuloo te nafaa soto la Alla la kamfaa luŋo, bari tiliŋo si moo tanka noo saayaa ma le.

Yesaya 23:11

Yaawe ye a buloo wulindi baa kunto le, a ye mansamarali bankoolu jarajarandi. A ye yaamaroo dii le, ka Kanaani tatoolu kasaara.

Esekiyeli 26:17

Moolu be niikuyaa denkiloo le laa la i ye. Ì be a fo la i ye le ko: Tire, ite saatee too boriŋ baa le kasaarata teŋ baakono dookuulaalu be sabatiriŋ daameŋ to. Ite meŋ semboo warata baa kono, i niŋ i siilaalu, i dandanna moolu bee silata i la le nuŋ.

Esekiyeli 28:16

I niŋ banku jamaa niŋ moo jamaa le ka julayaa ke. I la jawuyaa naata lafaa-lafaa laalaa. I ka tu junube kewo doroŋ ne la. Wo kamma la, ŋa i bayi le ka bo Alla la konko senuŋo* kaŋ, ka i malundi. Ite meŋ keta wo kantarilaa malaayikoo ti nuŋ, ŋa i bayi wo bere dimbaamaalu kono le.

Esekiyeli 28:18

Ka bo niŋ i la wo kuu jawu kewolu la aniŋ i ye tilimbaliyaalu mennu ke i la julayaa waatoo la, wo le ye i la dulaa senuŋolu kosondi. Wo kamma la, n naata dimbaa mala i kono, aduŋ wo le ye i domo, fo a ye i yelemandi seebuutu kenseŋo ti bankoo to wo moolu bee ñaa la, mennu bee ye i je.

Esekiyeli 28:2

“Hadamadiŋo, a fo Tire maralilaa ye, Maarii Yaawe ye ñiŋ ne fo a la kuwo to ko: I ye sondome waroo le soto, i ka tintiŋ meŋ na, i ka a fo le ko, ite mu alla le ti. I ko, i be siiriŋ alloolu la siiraŋo le kaŋ, baa teema. Bari i maŋ ke alla ti, hadamadiŋo doroŋ ne mu i ti, hani niŋ a ye a tara ite ye a miira ko, i ñaamenta le ko alla.

Esekiyeli 28:8

I jawoolu be i faa la faariñaa jawu le la, i ye taa laakira, aduŋ i te baadee dulaa soto la fo baa kono.

Yoweli 3:8

M be ali dinkewolu niŋ ali dimmusoolu duŋ na Yahuuda moolu bulu le, ì ye ì waafi Sabeyankoolu ma, banku jamfariŋ baa.” Yaawe le ye a fo.

Amosi 1:10

M be dimbaa le jindi la naŋ ka Tire saatewo tata sansaŋo jani, aniŋ a buŋ ñiimaa baalu.”

Jakariya 9:5

Asikeloninkoolu be ñiŋ je la le, ì ye sila, Kaasankoolu fanaa be ñiŋ je la le, ì niŋ dimiŋo ye tara ko musoo, tiŋo be meŋ na. Ekironi fanaa be ke la wo le ñaama, kaatu a jikidaa yeemanta le. Kaasa la mansa be kasaara la le. Asikeloni saatewo ye kenseŋyaa.