Jakariya 9:3 - Mandinka Bible

³ Tire ye tatoo loo ka a faŋ sansaŋ, a ye kodiforoo jurumi ñoo kaŋ ko bankumunkoo sanoo, ko mbeedi kaŋ buutoo.

Jakariya 9:3 Mawu Ofanana

2 Samuweli 24:7

Bituŋ ì taata Tire la tatoo maafaŋo la, aniŋ Hiwinkoolu niŋ Kanaaninkoolu la saatewolu bee to. Labaŋo la, ì taata Beeriseba, meŋ be Yahuuda Nekefu* tundoo kaŋ.

1 Mansoolu 10:21

Mansa Sulemani la mindaŋolu bee mu nuŋ sanoo le ti. Bunkono jooraŋolu mennu bee be nuŋ Libanooni Sutoo Buŋo kono, wolu bee mu saniforoo le ti. Feŋ maŋ dadaa kodiforoo la, kaatu Sulemani jamaanoo la kodiforoo maŋ muta feŋ daa koleŋo ti.

1 Mansoolu 10:27

Sulemani ye kodiforoo fuumandi Yerusalaamu kono le komeŋ beroo, aduŋ sedari* babaroo fuumata le komeŋ sikamu sooto yiroolu mennu be Sefela* konkotundoo* to.

Yuuba 22:24

I la sanoo fayi buutoo kono, i la sanoo meŋ bota Ofiri tundoo kaŋ, a fayi bolondiŋo kono, beroolu be daameŋ.

Yuuba 27:16

Moo kuruŋo si kodiforo buutoo soto, aniŋ duŋ feŋ jamaa, ka tambi a la suuloo la,

Yuuba 3:15

waraŋ maralilaalu, mennu ye sanoo soto, ì ye ì la buŋolu kono fandi kodiforoo la.

Yesaya 23:11

Yaawe ye a buloo wulindi baa kunto le, a ye mansamarali bankoolu jarajarandi. A ye yaamaroo dii le, ka Kanaani tatoolu kasaara.

Yesaya 23:8

Jumaa le ye ñiŋ feere Tire kamma, saatewo meŋ ka mansoolu toloo? A la safaarilaalu mu mansariŋolu le ti, a la juloolu keta buuñaa moolu ti duniyaa kono.

Esekiyeli 26:12

A la kelediŋolu be ñapi la i la fankoo kaŋ ne, ì ye i la marisandiisoolu taa ka ke i la buusi feŋo ti. Ì be i la buŋ ñiimaalu niŋ i la tata sansaŋolu bee tiñaa la le, ka ì babaroolu niŋ ì beroolu bee fayi baa kono.

Esekiyeli 27:27

I la fankoo, i la marisandiisoolu, i la kuluŋ dookuulaalu, i la kuluŋ borindilaa kuntiyolu, aniŋ i la kuluŋ dadaalaalu, i la jula baalu niŋ i la kelediŋolu, niŋ wo kafoolu bee mennu be i kono, i niŋ ì bee tunenta baa le teema, i la kasaaroo luŋo la.

Esekiyeli 27:33

I ye i la marisandiisoolu kii duniyaa bankoolu bee kaŋ ne nuŋ, aduŋ i ka moo jamaa le balundi niŋ i la fanka baa la. Ka bo niŋ i la wo fanka baa la, aniŋ i la marisandiisoolu la, i ka duniyaa mansakee jamaa le fankamaayandi.

Esekiyeli 27:34

Saayiŋ i tunenta baa le kono, ka taa diinoŋo kono duuma. I la marisandiisoolu niŋ i la dookuulaalu mennu be i kono, bee le niŋ i tunenta ñoo la baa kono.

Esekiyeli 28:1

Yaawe* la kumoo naata n kaŋ ko:

Amosi 1:9

Yaawe ye ñiŋ ne fo ko, “Tire saatee moolu ye landatambi junube kuwolu le ke. Ì ye baadiŋyaa kambeŋo le tiñaa ì niŋ Banisirayila teema, ì ye saatewolu moolu bee waafi Edomunkoolu ma. Wo kamma la n te ì jaraboo baayi la muk.

Yosuwa 19:29

Bituŋ naanewo ñiŋ muruta naŋ Rama maafaŋo la ka taa wo la Tire saatee baa tatariŋo to, a muruta naŋ wo la ka taa Hosa, bituŋ a naata daŋ Baa Baa* to Akisibu tundoo la.