Jakariya 9:15 - Mandinka Bible

¹⁵ Yaawe Alihawaa Maariyo* be a la moolu kanta la le. Ì be ì jawoolu la kampuraŋ beroo muta la le, ì ye dori ì kaŋ. Ì si ì jawoolu yeloo boŋ, ì ye faa yeloo la ko keraŋo, ì ka meŋ taa ka yeloo sariŋ-sariŋ sadaajanidulaa* tonkoŋolu to. Ì jawoolu yeloo si ì siirandi, ì ye wuuri ko dolomintoolu.

Jakariya 9:15 Mawu Ofanana

Yuuba 41:28

Kalabeñoo buka a bondi a noo to, kampuraŋ beroo ka muluŋ a fee le komeŋ fuufulewo.

Jabuuroolu 78:65

Bituŋ Maariyo naata wuli komeŋ a bota siinoo le la, komeŋ niŋ kelejawaroo ye wayinoo* miŋ, a ye a maadiyandi.

2 Musa 27:2

Ali si bina muluŋolu dadaa, ali ye ì ke tonkoŋ naanoo ñiŋ bee santo, ì niŋ sadaajanidulaa ñanta tara la ñoo bala le. A bee ñanta muuri la jaawaloo le la.

Suukuwo 1:4

N saba i nooma, ŋà m bambaŋ, n na mansa, n samba i yaa. M be seewoo la le, n jusoo ye laa i la kanoo to. M be i la kanoo le jayi la ka tambi wayinoo la. Fo musoolu si i kanu doroŋ.

Suukuwo 5:1

M baarimmusu, n na maañoo, m be naa kaŋ n na naakoo to le, ka n na miiri* niŋ seerandi feŋ koteŋolu kafu ñoo ma. M be n na liyo niŋ a kaañoo domo la le, ŋa n na wayinoo* niŋ n na keekewo miŋ. N teerimaalu, ali domoroo ke, ali ye i miŋ, ali ye siira kanoo kono. Musoo ko:

Suukuwo 7:9

i la sumburoo ye ke ko wayini diimaa. Musoo ko: Ñiŋ wayinoo ye futa n kanuntewo ma, a ye bori naŋ a ñiŋo niŋ a daafaroo la.

Yesaya 37:35

Yaawe be loo la ñiŋ saatewo ye le ka a tankandi a faŋo la kuwo kamma la, aniŋ a la dookuulaa Dawuda la kuwo kamma.”

Yesaya 55:1

Yaawe* ko: “Ali naa, jiyo fele, mindoo be alitolu mennu bee la. Kodoo te mennu bulu, ali naa feŋ taa ali ye a domo. Ali naa, wayinoo* niŋ keekewo miŋ, ali te kodi bondi la, aduŋ a maŋ daa soto.

3 Musa 4:18

Bituŋ a si yeloo doo maa cuuraayi siisindidulaa binoolu bala, n ñaatiliŋo la. A si yeloo too boŋ sadaajanidulaa duumoo to, meŋ be Bendulaa Tiriliisoo dundaŋ daa to.

3 Musa 4:25

Bituŋ piriisoo si a bulukondiŋo bula junube kafarilaŋ sadaa ñiŋ yeloo kono, a ye a maa sadaajanidulaa binoolu bala, a ye yeloo too boŋ sadaajanidulaa duumoo to.

3 Musa 4:7

Bituŋ nte Yaawe ñaatiliŋo la jee, a si doo maa cuuraayi siisindidulaa binoolu bala, mennu be Bendulaa Tiriliisi Senuŋo kono. A si yeloo too boŋ sadaajanidulaa* duumoo to, meŋ be Bendulaa Tiriliisoo dundaŋ daa to.

Mika 5:8

Moo toomaalu mennu tuta Yaakuba koomalankoolu kono, be tara la banku koteŋolu le kaŋ, ko jatoo ka tara wulakono daafeŋolu kono ñaameŋ, ko niŋ jatoo dunta saajii koorewo kono, ka ñapi ì kaŋ, ka ì suboo kuntuŋ-kuntuŋ. Tankandirilaa te soto la.

Jakariya 10:5

Ì be ke la le ko kelejawaroolu, mennu ka ì jawoolu dori potoo kono mbeedoolu kaŋ. Ì si keloo ke kendeke, kaatu nte Yaawe be ì fee le. Ì si ì jawoolu malundi, hani mennu be suwoolu kaŋ.

Jakariya 10:7

Efurayimu* moolu si ke ko kelejawaroolu, ì ye seewoo, ko meŋ ye wayinoo* miŋ. Ì diŋolu si ñiŋ je, ì fanaa ye jusulaa. Ì niyo si seewoo nte Yaawe la kuwo to.

Jakariya 12:6

“Wo luŋo la, m be Yahuuda maralilaalu ke la le ko keraŋ dimbaamaa loo jurumoo teema ko dimbaa pacamoo siimaŋ kunsitoolu teema, ka ì dandanna bankoolu bee kasaara, mennu be ì bulubaa niŋ ì maraa karoo la. Bari Yerusalaamu be tu la a noo to le, moolu ye tara sabatiriŋ jee.

Jakariya 12:8

Wo luŋo la, m be Yerusalaamunkoolu tanka la le. Hani ì bee moo lamfuriŋo, a semboo si ke ko Mansa Dawuda semboo, aduŋ Dawuda koomalankoolu be ì ñaatonkayaa la le ko nte Alla, ko nte Yaawe la malaayikoo.”

Jakariya 14:20

Wo luŋo la, ñiŋ ne be tara la safeeriŋ suwoolu la talaŋo bala: “A kerekereta Yaawe le ye.” Aduŋ kaleeroolu mennu be Yaawe Batudulaa Buŋo* to be seneyaa la le ko booloolu mennu ka tara sadaajanidulaa* ñaatiliŋo la.

Jakariya 14:3

Yaawe be naa finti la le ka wo bankoolu kele, ko a ka a ke nuŋ ñaameŋ kele luŋolu la.

Jakariya 2:9

Yaawe be wuli la ì kamma le, ì ka mennu joŋyandi ye ì ñapinkaŋ. Niŋ wo keta, ali be a loŋ na le ko, Yaawe Alihawaa Maariyo le ye n kii.

Jakariya 9:17

A si ke kuu bete ti, aniŋ kuu ñiimaa. Bankoo siimaŋo niŋ a wayini* kutoo, si a fondinkewolu bambandi, a ye ì yiriwandi.

1 Korintinkoolu 1:18

Yiribantambiloo la kibaaroo mu tooleeyaa le ti moolu ye, mennu be kasaara la, bari ntolu mennu kiisata, a mu ǹ ye Alla la semboo le ti.

Efesusinkoolu 5:18

Aduŋ ali kana siira doloo la, meŋ ka fankeñaa lombaliyaa saabu ka kuu nooriŋolu ke, bari ali si faa niŋ Noora Kuliŋo la.

1 Samuweli 17:45

Bari Dawuda ko Koliyati ye ko, “Ite ka naa n kaŋ niŋ tamboo, sooroo aniŋ hawusaroo le la. Bari nte ka naa i kaŋ niŋ Yaawe Alihawaa Maariyo* too le la, meŋ mu Banisirayila la kelediŋ kafoolu la Alla ti, i ye meŋ hadaañi.