Jakariya 9:12 - Mandinka Bible

¹² Alitolu mutamoolu, ali niŋ jikoo, ali muru naŋ ali la saatee tatariŋo kono. Bii m be ñiŋ laahidi la ko, ali la niitoora-wo-niitoora, m be a jooseyi la neemoo la le ko siiñaa fula.

Jakariya 9:12 Mawu Ofanana

Yuuba 42:10

Bituŋ Yaawe ye Yuuba harijewo murundi a kaŋ, kabiriŋ a duwaata a teeroolu ye. Yuuba la sotoo be nuŋ ñaameŋ, Yaawe ye wo ñoŋ fula le dii a la.

Yesaya 24:22

A be ì kafuŋ-kafuŋ na ñoo kaŋ ne, ko ì ye bunjawutonkoolu mennu fayi dinkoo kono. Ì be ì soroŋ na bunjawoo kono le. Niŋ tili jamaa tambita, ì ye ì jarabi.

Yesaya 38:18

Moolu mennu be kaburoo kono, te i jayi la noo, moo te i tentu noo la saayaa kono, kaburukononkoolu te ì jikoo loo noo la i la tiliŋo kaŋ.

Yesaya 40:2

Ali diyaamu kuu Yerusalaamunkoolu ye ka a fo ì ye ko, ì la dookuu koleŋo banta le. N yamfata ì la junube kuwo la le. Ì ye ì la junuboo jooroo soto a ñaama le famfaŋ, ka bo nte Yaawe* bulu.”

Yesaya 49:9

I si a fo mutamoolu ye ko, ‘Ali finti naŋ!’ aniŋ moolu mennu be diboo kono ye ko, ‘Ali firinta le!’ “Moolu be daañinoo soto la sila daalu le la, aduŋ ì be domoroo soto la bere konkoolu faŋo kaŋ ne.

Yesaya 52:2

Wuli Yerusalaamu, i ye buutoo konkoŋ i bala, i ye sii mansasiiraŋo kaŋ. Dimmusuriŋ* Siyoni, meŋ be mutoo kono, neejoloolu mennu be i kaŋo la, ì bondi.

Yesaya 61:7

N na moolu, ali la malu kuwo noo to, ali be fanka baa le soto la. Ali la dooyaa noo to, ali be kontaanoo le soto la ali la keetaafeŋo to. Wo to ali be dulaa fula le soto la keetaa to ali la bankoo kaŋ, aduŋ ali be tara la seewoo bambaloo le kono.

Yeremiya 14:8

Ite le mu Banisirayila jikoo ti, ite le mu a Kiisandirilaa ti mantoora waatoo kono. Muŋ ne ye a tinna i keta m̀ fee komeŋ tumarankewo, ñiŋ bankoo kaŋ, komeŋ luntaŋo meŋ jiyaata ka suutoo doroŋ laa?

Yeremiya 16:19

Hee Yaawe, ite le mu n jikiraŋ semboo ti, aniŋ n na tata bambandiŋo, i mu n tuukuraŋo ti mantooroo waatoo kono. Banku koteŋ moolu be naa i kaŋ ne ka bo naŋ duniyaa daŋolu to, ì ye a fo ko: “Ntolu la alifaa foloolu maŋ keetaafeŋ soto fo jalaŋ kenseŋolu, jalaŋ kenseŋolu, nafaa te mennu la.

Yeremiya 17:13

Kooni Yaawe, Banisirayila jikoo mu ite meŋ ti, moo-wo-moo ye a koo dii ite la, a be malu la le. Moolu mennu badalita i ma, ì be yeemaŋ na le ko safeeroo meŋ keta buutoo kono, bayiri ì ye ì koo dii ite Yaawe la le, baluwo jiyo diilaa.

Yeremiya 31:17

Ali la jikoo be timma la le ñaato siniŋ. Ali koomalankoolu be seyi la ì fansuŋ bankoo kaŋ ne.” Yaawe le ye a fo.

Yeremiya 31:6

Luŋo be naa le kantarilaalu be lenkaroo ke la Efurayimu* konkoolu kaŋ ko, ‘Ali wuli, ŋà taa Siyoni* Konkoo kaŋ, Yaawe, ǹ na Alla yaa.’ ”

Yeremiya 50:28

Ali i lamoyi moolu wuurikaŋo la, mennu borita keloo la, ì kanata, ì naata Yaawe, ǹ na Alla la julujoo dantee Siyoni, a la julujoo Babiloninkoolu to, ì ye meŋ ke a la Batudulaa Buŋo* la.

Yeremiya 51:10

Yaawe la moolu ko, “Yaawe ye ǹ na kuwo kiitiyo koyindi le. Ali naa ŋà a kankulaa Siyoni*, Yaawe, ǹ na Alla ye meŋ ke.”

Esekiyeli 37:11

Wo to le Yaawe naata a fo n ye ko, “Hadamadiŋo, ñiŋ kuloolu mu Banisirayilankoolu le ti. Ì ka a fo le ko, ‘Ǹ kuloolu jaata le, ǹ jikilateyita le, aduŋ ǹ kasaarata le.’

Hoseya 2:15

Wo koolaa, m be a la wayini yiri kankaŋolu murundi la a ma le, ŋa Akori Wulumbaŋo ke jikoo bundaa ti. Jee to, a be soŋ na m ma le, ko a la fondinkeeyaa waatoo la, ko waatoo meŋ, a bota naŋ Misira.”

Yoweli 3:16

Yaawe bumbunta ko jatoo ka bo naŋ Siyoni*, a ye kaŋo dii ka bo Yerusalaamu, saŋo niŋ bankoo jarajarata. Bari Yaawe faŋo le mu a la moolu ye tankadulaa ti, tata bambandiŋo, Banisirayilankoolu ye.

Mika 4:8

“Ite Siyoni Konkoo, ite meŋ keta n na moolu ye tankadulaa ti, i be semboo soto la le kotenke, i ye mansayaa soto, ko a tarata i bulu ñaameŋ, ite Dimmusuriŋ* Yerusalaamu.

Nahumu 1:7

Yaawe beteyaata le, tankandirilaa, maasiiba waatoo la. A ka moolu le kanta mennu ka ì jikoo loo ate doroŋ kaŋ.

Hiburunkoolu 6:18

A ye wo ke le, fo ǹ si sabarindi baa soto ka bo ñiŋ kuu fuloo la, laahidoo niŋ kaloo, mennu buka yelema. Alla la ñiŋ kumoo te ke la noo faniyaa ti. Wo kamma la ntolu mennu naata tankadulaa soto ate fee, ǹ si wakiiloo soto ka wo jikoo muta m̀ bulu fuloo la, a ye meŋ landi ǹ ñaatiliŋo la.

Hiburunkoolu 6:19

Ŋà ñiŋ jikoo soto bambandinke ǹ niyolu ye le ko lankaroo, meŋ dunta ridoo kooma, Dulaa Senuŋ Baa* to.