Jakariya 8:3 - Mandinka Bible

³ Yaawe ye ñiŋ ne fo ko: M be muru la Siyoni Konkoo kaŋ ne, jee be kumandi la Yaawe Alihawaa Maariyo la konko senuŋo* le la. M be sabati la Yerusalaamu le, jee be kumandi la saatee tilindiŋo le la.

Jakariya 8:3 Mawu Ofanana

Jabuuroolu 2:6

A ko, “Ŋa n na mansa londi Siyoni* le, n na konko senuŋo* kaŋ.”

Jabuuroolu 48:1

Yaawe* warata le! Jayiroo ñanta wara la a ye le famfaŋ, ntolu la Alla la saatewo kono, meŋ be looriŋ a la konko senuŋo* kaŋ.

2 Musa 29:45

Bituŋ n si naa sabati Banisirayilankoolu fee, ŋa ke ì la Alla ti.

Yesaya 1:21

A juubee, saatewo meŋ be tilindiŋ nuŋ, naata ke ko cakoo. A nene keta saatewo le ti, meŋ ka a je ko luwaa ka taama a ñaama. Tiliŋo tarata faariŋ a kono le nuŋ, bari saayiŋ moofaalaalu le be sabatiriŋ jee.

Yesaya 1:26

M be kiitindirilaalu dii la i la le ko i la folooto taalu. M be yaamarilaalu dii la i la le, ì ye ke ko mennu be jee nuŋ. Wo koolaa le, ì be i kumandi la saatee tilindiŋo la, aniŋ saatee foroyaariŋo.”

Yesaya 11:9

Feŋ te tara la Alla la konko senuŋo* kaŋ, meŋ si moo mantoora, waraŋ ka moo kasaara, kaatu duniyaa bee be faa la moolu le la, mennu ye Yaawe loŋ, ko baa ka tara faariŋ jiyo la ñaameŋ.

Yesaya 12:6

Siyoninkoolu*, ali sari santo, ali suukuwo laa seewoo kono, kaatu Banisirayila la Senuŋ Baa meŋ be sabatiriŋ ali kono, warata le.”

Yesaya 32:16

Tiliŋo ye taama keñewuloo kono, tooñaa ye sabati banku kendiŋolu to.

Yesaya 60:14

I toorandilaalu koomalankoolu be naa ñoyi la i koto le, moolu mennu bee jututa i la, be naa ñoyi la i siŋo koto le. Ì be ite Siyoni kumandi la Yaawe la Saatewo le la, Banisirayila la Alla Senuŋ Baa la Saatewo.

Yesaya 65:25

Suluwo niŋ saajiiriŋo be domoroo ke la ñoo kaŋ ne, jatoo be ñaamoo ñimi la ko ninsoo, kankaŋo ye ke saa la domoroo ti. Ì te mantoora ke la, ì te kasaarali ke la n na konko senuŋo* bee kaŋ. Nte Yaawe le ye a fo.”

Yesaya 66:20

Aduŋ ì be ali baadiŋolu bondi la naŋ ne ka bo bankoolu bee kaŋ, ka naa n na konko senuŋo* to Yerusalaamu, ka ke soorifeŋo ti nte Yaawe ye. Ì be tara la seleriŋ suwoolu le kaŋ, sareetindiŋolu niŋ sareeti baalu, bahalewolu* aniŋ ñonkomoolu kaŋ.” A ko: “Ì be ì naati la le ko Banisirayilankoolu ka ì la siimaŋ sadaalu naati keraŋ seneyaariŋo kono ñaameŋ, nte Yaawe la Batudulaa to.

Yesaya 8:18

M fele, n niŋ n diŋolu Yaawe ye mennu dii n na! Ntolu le mu taamanseeroolu niŋ yitandiroolu ti, Banisirayila kono, ka bo naŋ Yaawe Alihawaa Maariyo bulu, meŋ be sabatiriŋ Siyoni* Konkoo kaŋ.

Yeremiya 14:9

Muŋ ne ye a tinna i keta m̀ fee ko ì ye moo meŋ piwundi, komeŋ kelejawaroo meŋ semboo banta, a te tankandiri ke noo la? Hani wo, ite Yaawe be sabatiriŋ ǹ kono le, aduŋ i too le ka fo ǹ kunna. Kana i koo dii ǹ na.”

Yeremiya 26:18

“Mika Moresetinkoo ye kiilaariyaa kumoolu fo le, Yahuuda mansakewo Hesekiya la mansayaa waatoo la. A ye ñiŋ ne fo Yahuuda moolu bee ye ko, ‘Yaawe Alihawaa Maariyo* ye ñiŋ ne fo ko: Siyoni* be ke la senebankoo le ti, Yerusalaamu ye ke tumbuŋ tuŋo ti, aduŋ Alla Batudulaa Buŋo be looriŋ konkoo kaŋ daameŋ, jee be ke la sutoo le ti.’

Yeremiya 31:23

Yaawe Alihawaa Maariyo*, Banisirayila la Alla ye ñiŋ ne fo ko: “Niŋ ŋa Yahuuda bankoo niŋ a saatewolu moolu murundi ì la firiŋo kono, ì be kali ñiŋ kumoolu fo la le kotenke ko: ‘Allamaa Yaawe neema la konko senuŋo* ma, tiliŋo ka tara daameŋ.’

Yeremiya 33:16

Wo luŋolu la Yahuuda be kiisa la le, Yerusalaamu ye tara siiriŋ tankoo kono. Ì be kali a kumandi la ñiŋ too le la: Yaawe le mu ǹ ye Tiliŋo ti.

Esekiyeli 48:35

“Saatewo la waroo muumewo bee be kaañaŋ na nonkonkatiñaa wuli taŋ niŋ seyi le fee. Ka bo wo waatoo la ka taa fo fawu, wo saatewo too be ke la ñiŋ ne ti: Yaawe be jee le.”

Daniyeli 9:16

Maariyo, i ye kuu tilindiŋolu mennu taamandi nuŋ ka i la moolu tankandi, wo kuwolu juubee, i ye sabari i la kamfaa niŋ i la diminnaa la, i la saatewo, Yerusalaamu kamma, meŋ be looriŋ i la konko senuŋo* kaŋ. Ǹ na junuboolu niŋ m̀ mumuñolu la junuboolu ye a tinna le ǹ dandanna bankoo moolu ye Yerusalaamu ke jelefeŋo ti, aniŋ i la moolu.

Yoweli 3:17

Yaawe ko: “Ali be a loŋ na le ko, nte le mu Yaawe ti, ali la Alla, meŋ be sabatiriŋ Siyoni, n na konko senuŋo*. Yerusalaamu be janku la le, luntaŋolu te a maa la kotenke.

Mika 4:1

Luŋ labaŋolu la, Yaawe* la Buŋo be konkoo meŋ kaŋ, wo le be tara la konkoolu bee ye santo la, a jamfoo si tambi konko koteŋolu la. Aduŋ moo jamaa le be jee waliŋ na.

Sefaniya 3:13

Moolu mennu be tu la Banisirayila kono, wolu te kuu jawu ke la, ì te faniyaa fo la, aduŋ tapaleeyaa neŋ te tara la ì daa. Ì si domoroo ke ì ye i laa, aduŋ moo te ì silandi noo la.”

Jakariya 1:16

Wo kamma la, n niŋ hiinoo be muru la naŋ Yerusalaamu le, n na Buŋo ye lookuu, aduŋ sumandirilaŋ juloo be saba la Yerusalaamu saatewo kunto le ka jee fanaa lookuu.’ Yaawe Alihawaa Maariyo le ye a fo.”

Jakariya 12:6

“Wo luŋo la, m be Yahuuda maralilaalu ke la le ko keraŋ dimbaamaa loo jurumoo teema ko dimbaa pacamoo siimaŋ kunsitoolu teema, ka ì dandanna bankoolu bee kasaara, mennu be ì bulubaa niŋ ì maraa karoo la. Bari Yerusalaamu be tu la a noo to le, moolu ye tara sabatiriŋ jee.

Jakariya 14:10

Yahuuda bankoo be yelema la kene fanuŋo le ti, a bee ye tembe ka bo Keba saatewo to ka taa fo Rimmoni saatewo to Yerusalaamu bulubaa karoo la. Bari Yerusalaamu saatewo be tu la a noo to le. A be tara la dulaa bee ye santo la le, ka bo ì ka a fo daameŋ ye Benjamini Dundaŋ Daa, ka taa fo Dundaŋ Daa Foloo to, ka taa wo la fo Tonkoŋ Dundaŋ Daa to, ka bo wo la ka kuntu Hananeli Tatoo to la, ka taa fo mansa la yiridiŋ bitidulaa to.

Jakariya 8:16

Ali ñanta ñiŋ kuwolu le ke la: Ali tooñaa fo ñoo ye, ali ye tiliŋo taamandi kiitiidulaa to, ka kayiroo sabatindi.

Jakariya 8:19

Yaawe Alihawaa Maariyo ye ñiŋ ne fo ko: Ali ka luŋolu mennu suŋ saŋo kari naaninjaŋo, kari luulunjaŋo, kari woorowulanjaŋo, aniŋ kari tanjaŋo la, wolu be ke la seewoo niŋ kontaani waatoo le ti, ka ke Yahuuda moolu ye juurali luŋolu ti. Wo to ali tooñaa niŋ kayiroo kanu.

Yohana 1:14

Bituŋ Kumoo naata ke hadamadiŋo ti, a sabatita ntolu kono, aduŋ a be faariŋ hiinoo niŋ tooñaa le la. Ŋà a la semboo niŋ waroo je le, kaatu ate le mu Faamaa Dinkee kiliŋo ti.

Yohana 14:23

Yeesu ye a jaabi ko, “Niŋ moo meŋ ye nte kanu, a be n na kumoo muta la le, aduŋ m Faamaa be wo maarii kanu la le. Aduŋ m̀ be naa la a yaa le, ŋà sabati a fee.

2 Korintinkoolu 6:16

Fo jalaŋolu si kenoo soto Alla la Buŋo kono baŋ? Bari ntolu le mu Alla baluuriŋo la buŋo ti, ko Alla ye a fo ñaameŋ ko: “N si naa sabati ì fee, m be tara la taama la ì kono le, m be ke la ì la Alla ti, aduŋ ì be ke la n na moolu ti.”

Kolosankoolu 2:9

Alla mankutoo be Kiristu kono le, a timmariŋo, hadamadiŋyaa kono,

Lankenemoo 21:10

Alla la Nooroo ye m muta, malaayikoo ye n samba konko jaŋ baa santo. A ye saatee senuŋo yitandi n na, meŋ mu Yerusalaamu ti, a be jii kaŋ ka bo Alla yaa, Arijana kono.

Lankenemoo 21:27

Bari feŋ ne te duŋ na a kono, meŋ maŋ seneyaa, sako moo si duŋ a kono, meŋ ye kuu jawoolu ke, Alla ye mennu koŋ, waraŋ meŋ ka baara faniyaa kuwolu la. Moolu doroŋ ne be duŋ na wo saatewo kono, mennu toolu safeeta Saajiiriŋo la baluwo kitaaboo kono.

Lankenemoo 21:3

N naata kumakaŋ baa moyi ka bo mansasiiraŋo to. A ko, “A juubee, Alla la sabatidulaa be hadamadiŋolu fee le. A be tara la ì fee le, aduŋ ì be ke la a la moolu le ti. Alla faŋo be tara la ì fee le ka ke ì la Alla ti.