Jakariya 8:17 - Mandinka Bible

¹⁷ Ali kana i miira ñiŋ na faŋ, ka kuu jawoo ke ñoo la. Ka i kali faniyaa kaŋ, wo kana ke ali daajikoo ti. Ŋa ñiŋ bee le koŋ. Nte Yaawe le ye a fo.

Jakariya 8:17 Mawu Ofanana

Jabuuroolu 10:3

Moo kuruŋo ka kibiri a lafinna kuwolu kaŋ ne. A ka a ñoŋ moo hadumeriŋo jayi le, a ka Yaawe sooki.

Jabuuroolu 101:3

N te soŋ na n ñaa ye tara kuu jawu kewo kaŋ. Ŋa moo badaliriŋolu kekuwolu koŋ ne, n te soŋ na wo la muk.

Kuma Kotoomaalu 3:29

Kana feere jawoo siti i siiñoo kamma, meŋ laata i la, ali bee be sabatiriŋ ñoo daala.

Kuma Kotoomaalu 6:14

Ì ka kuu kuruŋo feeroo siti, neeneeroo ye tara ì sondomoo kono, wolu ka tu naafikiyaa doroŋ ne ke la.

Kuma Kotoomaalu 8:13

Yaawe* ñaasilaŋo le mu kuu jawu koŋo ti. Ŋa faŋ waroo niŋ horomantaŋyaa koŋ ne, aduŋ jawuyaa niŋ faniyaa foo mu n tanoo le ti.

Yeremiya 4:14

Muna Yerusalaamu, i sondomoo seneyandi kuu jawoo to, fo i si kiisa. Janniŋ muŋ tuma le kuu kuruŋo be tu la sosoriŋ i kono?

Yeremiya 4:2

Niŋ i ka kali tooñaa, tiliŋo, aniŋ foroyaa le kaŋ, ì ka kali meŋ na ko, ‘A be koyiriŋ ñaameŋ ko Yaawe be baluuriŋ ne,’ wo to bankoolu be neemoo duwaa la ì faŋolu ye nte too le la, n na kuwo ye ke ì ye ŋaañaaraŋo ti.”

Yeremiya 44:4

Wo bee kaŋ, n tuta n na dookuulaalu, annabiyomoolu kii la ali kaŋ ne, ka a fo ali ye ko, muna, ali kana ñiŋ kuu ñewundiŋo ke, ŋa meŋ koŋ!

Habakuki 1:13

I jankuta wo ti le, i ñaa ye loo kuu kuruŋo kaŋ, i buka muña kuu kuruŋo kaŋ. Wo to muŋ ne ye a tinna i be soŋ na jamfaalaalu ye kuu ke noo? Muŋ ne ye a tinna i tuta deyiriŋ biriŋ ñiŋ moo kuruŋolu be moolu tumbuŋ kaŋ, mennu tilinta itolu ti.

Jakariya 7:10

Ali kana semboo yitandi furuyaamusoolu la, aliyatiimoolu, tumarankewolu waraŋ fuwaaroolu. Ali kana kuu jawoolu feere ñoo ye ali sondomoolu kono.’

Jakariya 8:18

Yaawe Alihawaa Maariyo la kumoo naata n kaŋ kotenke:

Malaki 3:5

Yaawe Alihawaa Maariyo ye ñiŋ ne fo ko, “M be naa ali kaŋ ne ka ali kiitindi. M be tariyaa la ka batuutaatiyolu le la kuwo yitandi, jeenelaalu, seedenduroolu, moolu mennu ka ì la dookuulaalu la joo nakari, moolu mennu ka furuyaamusoolu toorandi, aniŋ aliyatiimoolu, moolu mennu buka tooñaa sabatindi ì niŋ tumarankewolu teema, ì maŋ sila n na.

Matiyu 12:35

Moo betoo ka kuu betoolu le fintindi ka bo a sondomoo kono, meŋ be faariŋ beteyaa la. Aduŋ moo jawoo ka kuu jawoolu le fintindi ka bo a sondomoo kono, meŋ be faariŋ jawuyaa la.

Matiyu 15:19

Kaatu miira jawoolu ka bo sondomoo le kono, moofaa, jeenoo, laañooyaa tuluŋo, suuñaaroo, seedenduriyaa aniŋ tooñeeroo.

Matiyu 5:28

Bari saayiŋ m be a fo la ali ye, moo-wo-moo meŋ ye musoo juubee, a hameta ka a laañooyaa, wo maarii ye jeenoo ke le a sondomoo kono fokabaŋ.