Jakariya 8:12 - Mandinka Bible

¹² Ali be fiiroo ke la kayiroo kono le, wayini* yiroolu ye diŋ kendeke. M be ali la bankoo barakandi la le, saŋo ye sanjiyo jindi. Ñiŋ bee be ke la alitolu moo toomaalu le taa ti.

Jakariya 8:12 Mawu Ofanana

1 Musa 26:12

Isiyaaka ye fiiroo ke bankoo ñiŋ kaŋ, aduŋ a naata a siidulaa keme nankamoo kati wo saŋ kiliŋo la. Yaawe le neemata a ma.

1 Musa 27:28

Allamaa Alla ye komboo jindi naŋ santo ka i la kunkoo jambandi, fo i la fiifeŋolu si kese kendeke, aniŋ i la wayini yiroolu si diŋ kendeke.

1 Mansoolu 17:1

Saayiŋ Eliya meŋ bota Tisibe Kileyadi tundoo kaŋ, ko Ahabu ye ko, “Ŋa n kali Yaawe* la, Banisirayila la Alla, m mu meŋ na dookuulaa ti ko komboo te ke la sako sanjoo ñiŋ saŋ naalaalu bee kono, niŋ a maŋ ke n na kumoo kaŋ ti.”

Jabuuroolu 72:3

Allamaa bankoo moolu ye kayiroo niŋ tiliŋo soto, a la marali tilindiŋo kono.

Jabuuroolu 85:12

Tooñaa la, Yaawe be kuu kendoo le dii la, aduŋ ǹ na bankoo be siimaŋo wuluu la le.

Kuma Kotoomaalu 19:12

Mansa la kamfaa ka munta le ko, niŋ jatoo be bumbuŋ kaŋ, bari a la maakoyiroo ka muluŋ ne ko, niŋ komboo jiita fiifeŋolu kaŋ.

Yesaya 30:23

Yaawe be samaa jindi la ali la fiifeŋolu kaŋ ne, siimaŋo meŋ be faliŋ na bankoo kaŋ si beteyaa, a ye siyaa. Wo luŋo la, ali la ninsi koorewolu be daañiniŋo ke la dulaa fanuriŋ baalu le to.

Yesaya 61:7

N na moolu, ali la malu kuwo noo to, ali be fanka baa le soto la. Ali la dooyaa noo to, ali be kontaanoo le soto la ali la keetaafeŋo to. Wo to ali be dulaa fula le soto la keetaa to ali la bankoo kaŋ, aduŋ ali be tara la seewoo bambaloo le kono.

Yeremiya 31:12

Ì be naa le ì seewootoo niŋ suukuwo ye wuuri Siyoni Konkoo kaŋ, aduŋ nte Yaawe ye beteyaa meŋ yitandi ì la, wo be ì faramansandi la le, i la fiifeŋolu la karoo la, siimaŋo, wayini* yiridiŋ jiyo, aniŋ olifu* tuloo, ka taa saajiyolu niŋ ninsoolu la jiidoo. Ì la baluwo be ke la le ko naakoo meŋ jiibonta kendeke, aduŋ ì niyo te toora la kotenke.

Esekiyeli 34:28

Ì te ke la ñapinkaŋ feŋolu ti bantala bankoolu ye kotenke. Wulakono daafeŋ jawoolu te ñapi la ì kaŋ kotenke, ka ì domo. Ì be tara la kayiroo le kono jee, aduŋ moo te ì silandi noo la kotenke.

Esekiyeli 36:12

Alitolu konkoolu, m be a ke la le nte faŋo la moolu, Banisirayilankoolu ye sabati ali kaŋ aniŋ ali ye ke ì taa ti, aniŋ ì la keetaafeŋo, aduŋ ì te foo la ì diŋolu la ali kaŋ kotenke.”

Esekiyeli 36:30

M be a ke la le ali la yiroolu ye diŋ kendeke, ali la kunkoolu ye siimaŋ kese jamaa soto, i si a je ali te konko la ka malu, bankoolu bee teema.

Esekiyeli 36:9

Nte de, m be loo la ali ye le ka ali deemaa, ali la bankoo be sene noo la le, ali la moolu ye fiiroo ke jee.

Hoseya 13:3

Wo to ì si ke ko tuutuwo, ko soomandaa komboo, meŋ ka yeemaŋ waati kiliŋ, ko fuufulewo ka tii feeridulaa ñaameŋ, waraŋ ko siisiyo ka finti palanteeroo la ñaameŋ.

Hoseya 14:5

M be ke la Banisirayila ye le ko komboo, a be yiriwaa la le ko koobayi firi ñiimaa, a ye suloo duŋ ko Libanooni yiroo.

Yoweli 2:19

Bituŋ a ko ì ye ko: “M be siimaŋo kii kaŋ ali ye naŋ ne, wayinoo* aniŋ olifu* tuloo, aduŋ ali be wasa la le. N te ali ke la banku koteŋolu ye jelefeŋo ti kotenke.

Yoweli 2:22

Alitolu beeyaŋolu, ali kana sila, kaatu wuloo ñaamoo bee be jambakereriŋ ne, yiroolu dinta, sooto suŋolu niŋ wayini yiroolu dinta a ñaama.

3 Musa 26:3

Niŋ ali taamata n na luwaalu la, aniŋ ali ye n na yaamaroolu kanta, ka ì ke,

Sefaniya 3:13

Moolu mennu be tu la Banisirayila kono, wolu te kuu jawu ke la, ì te faniyaa fo la, aduŋ tapaleeyaa neŋ te tara la ì daa. Ì si domoroo ke ì ye i laa, aduŋ moo te ì silandi noo la.”

Hakayi 1:10

Ali la kuwo le ye a tinna saŋ fatoolu maŋ komboo jindi, aduŋ feŋ te faliŋ na bankoo kaŋ.

Hakayi 2:18

“Ka bo ñiŋ luŋo la, meŋ keta ñiŋ kari konontonjaŋo tili muwaŋ niŋ naaninjaŋo ti, ali si i miira kendeke luŋo la, Yaawe Batudulaa Buŋo fondamaŋo laata meŋ na. Ali si i miira ñiŋ na.

Hakayi 2:19

Fo siimaŋ kese le tuta buntuŋ kono baŋ? Fo hani saayiŋ sooto suŋolu, wayini yiroolu, roomaani* yiroolu, aniŋ olifu* yiroolu ka diŋ ne baŋ? “Ka bo ñiŋ luŋo la, m be neema la ali ma le.”

Jakariya 8:6

Yaawe Alihawaa Maariyo ye ñiŋ ne fo ko: Moo toomaalu mennu tuta ali kono saayiŋ si a miira ko, wo te ke noo la. Bari nte Yaawe Alihawaa Maariyo buka kori kuu la.

Malaki 3:11

M be kuntiŋolu bayi la ali ye le, ì kana ali la bankoo siimaŋ feŋolu kasaara, aduŋ ali la wayini* yiroolu be diŋ na le kendeke. Nte Yaawe Alihawaa Maariyo le ye a fo.

Matiyu 6:33

Ali Alla la mansabaayaa ñini foloo, aniŋ a la tiliŋo, bituŋ ali si naa ñiŋ feŋolu bee fanaa soto.

1 Korintinkoolu 3:21

Wo to, kibiri kuu kana ke hadamadiŋolu la kuwo to kotenke, kaatu feŋolu bee mu alitolu le taa ti:

5 Musa 32:2

Allamaa n na karandiroo ye jii ali kaŋ ko sanjiyo, m fokumoolu ye ke ko komboo, ko samaa jiyo ñaamoolu kaŋ, ko sanji yofuyofoo fiifeŋ mereŋolu kaŋ.

5 Musa 33:13

A ko Yusufa koomalankoolu la kuwo to ko, “Allamaa Yaawe neema la ali la bankoo ma, a ye neema ali ma komboo la ka bo saŋo santo, a ye neema ali ma jiyo la ka bo bankoo duuma.

5 Musa 33:28

Bituŋ Banisirayila siita tankoo kono, Yaakuba koomalankoolu siita kayiroo kono. Ali la bankoo be faariŋ siimaŋo niŋ wayinoo* le la, saŋo ka komboo tondi naŋ a kaŋ.

Yankuba 3:18

Kayiramoolu ye meŋ fii kayiroo kono, wo be tiliŋo diŋ na le.