Jakariya 8:10 - Mandinka Bible

¹⁰ Janniŋ ì ka a dati ka Batudulaa ñiŋ lookuu, dookuulaa be joo la meŋ na, waraŋ beeyaŋolu la luwaasoo, wo faŋo le maŋ soto. Taa niŋ naa faŋo maŋ koyi, jawoolu la kuwo kamma la. Ŋa a ke le, moolu ka boyi ñoo kaŋ.

Jakariya 8:10 Mawu Ofanana

Yesaya 19:2

Yaawe ko: “M be Misirankoolu dundi la ñoo la le, ì ye kele. Baadimmaalu si keloo wulindi ñoo kamma, siiñoolu ye a wulindi ñoo kamma, saatee ye a wulindi saatee kamma, kumandaŋ mara bankoolu ye a wulindi ñoo kamma.

Yeremiya 16:16

Yaawe ko: “A juubee, m be ñeemutalaa jamaalu le kumandi la naŋ, ì ye naa ì muta ko ñewolu. Wo koolaa m be deemalaalu fanaa kumandi la naŋ ne, ì ye ì deema konko baalu niŋ konkoriŋolu bee kaŋ taariŋ, aniŋ ka bo berehuwolu kono.

Amosi 3:6

Niŋ kelebinoo kumata saatewo kono, fo saatee moolu buka bara baŋ? Fo maasiiboo la naa saatewo kono, Yaawe le buka lañini a la baŋ?

Amosi 9:4

Hani niŋ ì jawoolu le ye ì samba ka tara mutoo kono, n si ì bula hawusaroo ye ì faa. N si n ñaa loo ì kaŋ, a te ke la ì ye kayira ti, fo jaraboo.”

Hakayi 2:15

“Saayiŋ ali i miira kendeke ñiŋ kuwo la ka bo ñiŋ luŋo la. Janniŋ ali ka bere laa bere kaŋ ka Yaawe Batudulaa Buŋo* loo,

Kiitindirilaalu 5:11

Ali i lamoyi, ì ka kontaani ñaameŋ beeyaŋolu mindulaalu to. Jee le mu, ì ñanta Yaawe la kebaara tilindiŋolu karaŋ na, a la kebaara tilindiŋolu hani saateeriŋ moolu ye. Bituŋ Yaawe la moolu taata saatewo dundaŋ daalu to.