Jakariya 7:11 - Mandinka Bible

¹¹ Bari ì maŋ soŋ i lamoyi la n na, ì ye ì koo dii. Ì ye ì tuloolu suki, ì maŋ n na kumoo moyi.

Jakariya 7:11 Mawu Ofanana

2 Taarika 33:10

Yaawe ye Manase niŋ a la moolu dandalaa, bari ì maŋ ì tuloo loo a la.

Nehemiya 9:17

Ì balanta le, ì ñinata i ye kaawakuwolu mennu ke ì ye. Ì la kanjaa kaŋ, ì ye ñaatonkoo tomboŋ, ka ì murundi ì la joŋyaa kono Misira. Bari ite mu Alla le ti, meŋ ka tu yamfa la, i hiinanteeyaata, i balafaa warata, i buka kamfaa juuna, aduŋ dandulaa te i la kanu bambaloo la. Wo kamma la i maŋ i koo dii ì la,

Nehemiya 9:26

“Bari ì balanta, aduŋ ì ye i soosoo le, ì ye ì koo dii i la luwaa la. Ì ye i la annabiyomoolu faa le, mennu ye ì dandalaa, fo ì si muru i kaŋ, aduŋ ì ye sookiri baalu le ke.

Nehemiya 9:29

“I ye ì dandalaa le ka ì murundi i la luwaa kaŋ kotenke, bari ì ye ì faŋ wara le, ì maŋ soŋ i la yaamaroolu muta la. Ì ye junuboo le ke i la kumoolu kunnatoo la, aduŋ ka i la kumoolu kanta, ka baara ì la, wo le ka moo balundi. Ì ye ì sañoo wulindi le, ka ì kaŋo jandi, aduŋ ì balanta le.

2 Musa 10:3

Wo to le Musa niŋ Haaruna taata Firawoona yaa, ì ko a ye ko, “Yaawe Hiburunkoolu* la Alla ye ñiŋ ne fo ko: I be i fammajii la n ye waati jumaa le? N na moolu bula ì ye taa, fo ì si m batu.

Yesaya 28:12

A ye a fo ì ye le nuŋ ko, a be kayiroo niŋ dahaa dulaa dii la ì la le. Bari ì maŋ soŋ na i lamoyi la a la.

Yesaya 46:12

Ali i lamoyi n na, alitolu jusu jaaroolu, tiliŋo be jamfariŋ alitolu mennu la.

Yesaya 6:10

Ñiŋ moolu sondomoolu suki, i ye ì tuloo kuyandi aniŋ i ye ì ñaa finkindi. Niŋ wo nte, ì si jeroo ke niŋ ì ñaalu la le, ì ye moyiroo ke niŋ ì tuloolu la, ì ye fahaamuroo ke niŋ ì sondomoolu la, ì ye naa yelema, ì ye kendeyaa.”

Yesaya 65:12

nte le be a lañini la, hawusaroo* ye ali faa. Ali be ñoyi la le, ì ye ali kanateyi, bayiri ŋa ali kumandi le, ali maŋ n danku, n diyaamuta ali ye, ali maŋ i lamoyi n na. Ali ye kuu jawoo ke n ñaatiliŋo la le, aniŋ ka bula kuwo nooma, m maŋ lafi meŋ na.”

Yeremiya 11:10

Ì muruta ì mumuñolu la junuboolu le kaŋ, wolu mennu balanta ka a la kumoolu muta. Ì bulata jalaŋolu le nooma ka ì batu. Yahuuda niŋ Banisirayila bee ye a la kambeŋo tiñaa le, a ye meŋ siti a niŋ ì mumuñolu teema.

Yeremiya 13:10

Ñiŋ moo kuruŋolu balanta nte la kumoolu muta la le. Ì kanjaaramaalu ka bula ì fansuŋ lafoo le nooma. Ì bulata jalaŋolu le nooma ka ì batu, aniŋ ka sujudi ì ye. Wo kamma la ì be ke la le ko ñiŋ fatari kulembeŋo, meŋ te feŋ nafaa la.

Yeremiya 17:23

Bari wolu maŋ i lamoyi wo la, waraŋ ka ì tuloo loo a la. Ì keta kanjaaroolu le ti, ì maŋ soŋ ka i lamoyi, waraŋ ka soŋ kuluuroo la.

Yeremiya 17:27

“Bari n ko, ì si soŋ ka i lamoyi n na, ka Loobula Luŋo muta luŋ buuñaariŋo ti. Ì kana duni samba niŋ Yerusalaamu dundaŋ daalu la wo luŋo la. Kaatu niŋ ì ye wo ke, m be dimbaa faabaloo le mala la Yerusalaamu dundaŋ daalu to, a ye a tatoolu bee kasaara.”

Yeremiya 19:15

“Yaawe Alihawaa Maariyo, Banisirayila la Alla ye ñiŋ ne fo ko: A juubee, m be kasaara kuwolu naati la ñiŋ saatewo kaŋ ne, ŋa mennu fo a ma, aniŋ a dandanna saateeriŋolu. M be a ke la le, kaatu ì ye ì faŋolu kaŋo jandi le, ì maŋ soŋ n na kumoolu moyi la.”

Yeremiya 35:15

N tuta n na dookuulaalu annabiyomoolu kii la ali kaŋ ne luŋ-wo-luŋ. Ì ka ñiŋ ne fo ali ye ko, ali kiliŋ-kiliŋ naa ye bo ali la sila kuruŋolu kaŋ, ka ali kekuwolu faliŋ. Ali kana jalaŋolu nooma, ka ì batu. Wo le to ali be sabati la bankoo kaŋ, ŋa meŋ dii ali la, aniŋ ali mumuñolu. Bari ali maŋ ali tuloo loo n na, waraŋ ka soŋ i lamoyi la n na.

Yeremiya 36:31

M be a jarabi la le, a niŋ a koomalankoolu, ka taa a la dookuulaalu, ì la kuruŋyaa kamma la. M be kasaara kuwolu bee boyi la ì kaŋ ne, ŋa mennu fo ì ma, aniŋ moolu mennu be siiriŋ Yerusalaamu, ka taa Yahuuda moolu bee, kaatu ì maŋ soŋ i lamoyi la n na dandalaaroolu la.”

Yeremiya 42:21

A fele bii, ŋa a fo ali ye le, bari ali maŋ Yaawe ali la Alla la kumoo muta feŋ-wo-feŋ ne ti, a ye n kii ka meŋ fo ali ye.

Yeremiya 44:16

“Kiilaariyaa kumoo i ye meŋ fo ntolu ye ka bo niŋ Yaawe tooyaa la, ǹ te n lamoyi la a la.

Yeremiya 5:21

Ali ali tuloo tu ñiŋ to, alitolu toolee hakilintaŋolu. Ñaa be ali la le, bari ali buka i je, tuloo be ali la, bari ali buka i moyi.

Yeremiya 5:3

Hee Yaawe, fo ite ñaa buka lafi tooñaa le je la baŋ? I ye ì busa le, bari a dimoo maŋ duŋ ì la. I ye ì kasaara le, hani wo ì balanta i la kuluuroo la. Ì ye ì sondomoolu jandi le ko beroo, ì balanta ka tuubiseyi.

Yeremiya 7:24

Bari itolu maŋ i lamoyi wo la, sako ka a ke, ì ye kuwolu le ke ì jusu jaaroolu niŋ ì sondome kuruŋolu ye ì samba mennu kaŋ. Ì ye ì koo dii n na le, ì ye ì ñaa bali tiliŋ na n na.

Yeremiya 7:26

Wo ñaa-wo-ñaa moo maŋ i lamoyi n na, waraŋ ka ì tuloo loo n na. Ali naata ke kanjaaroolu ti, aduŋ ali ye kuruŋyaa ke le ka tambi ali mumuñolu la.

Yeremiya 8:5

Muŋ ne ye a tinna duŋ, ñiŋ moolu filita, ì be tu la filibanteeyaa kono fo fawu? Ì ye neeneeri kumoo le muta bambandinke, ì balanta muru la naŋ n kaŋ.

Esekiyeli 14:5

M be ñiŋ ke la le, fo Banisirayilankoolu sondomoo si muru naŋ n kaŋ, mennu ye ì koo dii n na ka jalaŋolu batu.

Esekiyeli 3:7

Bari Banisirayilankoolu te soŋ na i lamoyi la i la, kaatu ì maŋ soŋ ka i lamoyi nte faŋo la. Ì mu moo kuŋ jaaroolu le ti, ì sondomoolu fanaa jaata le.

Esekiyeli 5:6

Bari Yerusalaamu saatee moolu muritita m ma le, ì balanta n na yaamaroolu niŋ n na saratoolu la. Ì naata kuruŋyaa ka tambi bantala banku* moo doolu faŋolu la. Ì balanta le ka n na yaamaroolu niŋ n na saratoolu muta, hani ka tambi wo banku moo doolu la, mennu be ì dandaŋo la.”

Daniyeli 9:5

Ŋà junuboo ke le, ŋà kuu kuruŋo ke, ŋà hakoo soto baake le, aduŋ m̀ balanta i ma le, ŋà ǹ koo dii i la yaamaroolu la, aniŋ i la karandiroolu.

Hoseya 4:16

Tooñaa, Banisirayila kuŋo be jaariŋ ne, ko fali balannaa. Silaŋ n si a kanta noo kene fanuŋo to ñaadii le ko saajiiriŋo?

Sefaniya 3:2

Saatewo meŋ, a buka yaamari muta, dandalaaroo, a buka wo moyi, a maŋ a jikoo loo Yaawe* kaŋ, a maŋ soŋ ka a ñaa tiliŋ Alla la.

Jakariya 1:4

Ali kana ke ko ali mumuñolu. Annabiyomu foloolu ye nte Yaawe Alihawaa Maariyo la kumoo bankee ì ye le, fo ì si ì koo dii kuu kuruŋ kewo la, aniŋ ì la sila kuruŋolu. Bari ì maŋ i lamoyi n na sako ka ì hakiloo tu n na kumoolu to.

Matiyu 13:15

Kaatu ñiŋ moolu sondomoolu bee jaata le. Ì buka moyiroo ke noo baake ì tuloolu la, aduŋ ì ye ì ñaalu biti le. Niŋ wo nte, ì be jeroo ke la ì ñaalu la le, ì ye moyiroo ke ì tuloolu la, aduŋ ì be fahaamuroo ke la ì sondomoolu la le ka naa muru nte kaŋ, fo n si ì kendeyandi.’

Kiilaalu 7:51

“Alitolu moo kuŋ jaaroolu! Ali sondomoolu niŋ ali tuloolu sukita le. Ali ka tu balandiŋ Noora Kuliŋo ma le waati-wo-waati. Ali mumuñolu ka meŋ ke nuŋ, ali fanaa be wo le ke kaŋ.

Kiilaalu 7:57

Bari ì ye ì buloolu biti ì tuloolu to, ì wuuritoo borita a kaŋ.

Hiburunkoolu 12:25

Ali ali hakiloo tu, fo ali kana balaŋ wo maarii ma, meŋ be diyaamu kaŋ ali ye. Moolu mennu balanta Musa ma, meŋ ka ì dandalaa duniyaa kono jaŋ nuŋ, wolu maŋ kanadaa soto. Ntolu be kanadaa soto la ñaadii le, niŋ ŋà ǹ ñaa kaasi ate la, meŋ be ǹ dandalaa kaŋ ka bo Arijana kono?