Jakariya 4:7 - Mandinka Bible

⁷ “Serubabeli, kuu koleŋolu mennu be warariŋ ko konko baa, be yeemaŋ na i ñaato le. I be Alla Batudulaa Buŋo* lookuu la le. Niŋ i be a bere labaŋo laa la, moolu niŋ seewoo le be wuuri la ñiŋ ti ko: Allamaa a neema la, Allamaa a neema la!”

Jakariya 4:7 Mawu Ofanana

Esira 3:10

Kabiriŋ buŋ loolaalu ye Yaawe Batudulaa Buŋo fondamaŋo laa fokabaŋ, piriisoolu niŋ ì la duŋ feŋolu loota ì loodulaalu to, footaŋolu be ì bulu, aduŋ Lewi lasiloo Asafu koomalankoolu fanaa loota jee le, ì niŋ ì la jaawali palaatoolu ì ka mennu kosi. Ì ye Yaawe jayi, ko Mansa Dawuda ye a yitandi ñaameŋ koomanto.

Jabuuroolu 114:4

Konko baalu sawuŋ-sawunta ko saajiikotoŋolu, konkoriŋolu, ko saajiiriŋolu.

Jabuuroolu 114:6

Alitolu konko baalu, muŋ ne ye ali sawuŋ-sawundi ko saajiikotoŋolu, aniŋ alitolu konkoriŋolu, ko saajiiriŋolu?

Jabuuroolu 118:22

Beroo meŋ buŋ loolaalu jututa a la, wo le naata ke tonkonna bere kummaa ti.

Jabuuroolu 84:11

Yaawe Alla ka munta n ye le ko tiloo, aniŋ tankaraŋ koteeroo*, ate le ka hiina aniŋ ka horomoo dii. Moolu mennu baluuñaa maŋ sootaari soto, a buka wolu bali kuu kende la.

Yesaya 28:16

Bituŋ Maarii Yaawe ko, “A juubee, ŋa beroo le laa Siyoni* Konkoo kaŋ, bere kende baa, tonkonna bere buuñaariŋo, meŋ be ke la fondamaŋ bambandiŋo ti. Moo meŋ ye lannoo soto, wo maarii te jiijaa la.

Yesaya 41:15

“M be ali ke la le ko toñonkarilaŋ* kutoo meŋ ye semboo soto. Ali be konko baalu toñonka la le, ì ye juru, konkoriŋolu ye nunku ko buutoo.

Yeremiya 33:11

Maadiyaa niŋ seewoo kumakaŋolu be ke la jee le, aniŋ maañoo niŋ a keemaa la maañoobiti maakaŋo, ka taa moolu kumakaŋo, mennu be kali tenturulaŋ sadaalu* samba la nte Yaawe Batudulaa Buŋo* to, ka suukuwo laa ko, ‘Ali Yaawe Alihawaa Maariyo* tentu, kaatu Yaawe beteyaata le, a la kanu bambaloo be tu la le fo abadaa.’ M be ñiŋ bankoo moolu la firiŋo murundi la a ñaama le ko ì be nuŋ ñaameŋ folooto.” Yaawe le ye a fo.

Yeremiya 51:25

“A juubee, m be looriŋ i kamma le, ite kasaaralilaa meŋ ye buŋ ko konkoo, ka kasaaroo ke duniyaa bee kono taariŋ. M be m buloo teeka la le, a ye laa i kaŋ, ŋa i birimintindi ka bo i turu jaŋo to naŋ, ŋa i jani fo i ye keremu.” Yaawe le ye a fo.

Mika 1:4

Konkoolu si yeluŋ a koto, ko niŋ i ye kaañoo laa dimbaa to, aniŋ ko jiyo ka bori jindaa la ñaameŋ, ka wulumbaŋolu fara.

Mika 4:1

Luŋ labaŋolu la, Yaawe* la Buŋo be konkoo meŋ kaŋ, wo le be tara la konkoolu bee ye santo la, a jamfoo si tambi konko koteŋolu la. Aduŋ moo jamaa le be jee waliŋ na.

Habakuki 3:6

A loota, a ye duniyaa jarajarandi, a ye a ñaa tiliŋ bankoolu la, ì jarajarata. Konko baalu, ì meeta looriŋ ñaa-wo-ñaa, ì katiŋ-katinta ñoo kono, konkoriŋ kotoolu jiita duuma, a la siloolu le mu kabiriŋ.

Jakariya 4:8

Yaawe la kumoo naata n kaŋ ko,

Jakariya 4:9

“Serubabeli le buloo ye ñiŋ Alla Batudulaa Buŋo fondamaŋo laa, aduŋ ate le fanaa buloo be a labaŋ na. Niŋ wo keta, n na moolu be a loŋ na le ko, nte Yaawe Alihawaa Maariyo le ye i kii ì kaŋ.

Matiyu 21:21

Bituŋ Yeesu ye ì jaabi, “Tooñaa, m be a fo la ali ye, niŋ ali ye lannoo soto, aduŋ ali maŋ hakili fula soto, ali te ñiŋ doroŋ ke la, meŋ keta sooto suŋo la teŋ, bari hani ali ko ñiŋ bere konkoo ye ko, ‘Wutu, i ye bula baa kono,’ a be ke la wo le ñaama.

Matiyu 21:42

Bituŋ Yeesu ko ì ye ko, “Fo ali nene maŋ a karaŋ Kitaabu Senuŋolu kono ko: ‘Beroo meŋ buŋ loolaalu jututa a la, wo le naata ke tonkonna bere kummaa ti. Maariyo le ye ñiŋ ke, aduŋ a kaawakuuyaata ǹ ñaa koto le.’

Maaka 12:10

“Fo ali nene maŋ ñiŋ karaŋ Kitaabu Senuŋo kono ko: ‘Beroo meŋ buŋ loolaalu jututa a la, wo le naata ke tonkonna bere kummaa ti.

Luka 20:17

Bituŋ Yeesu ye ì juubee, a ko ì ye ko, “Wo to, ñiŋ kumoo kotoo mu muŋ ne ti, meŋ be safeeriŋ ko: ‘Beroo meŋ buŋ loolaalu jututa a la, wo le naata ke tonkonna bere kummaa ti’?

Luka 3:5

Wulumbaŋolu bee ye saareŋ, konko baalu niŋ konkoriŋolu bee ye jii. Sila jenkeriŋolu ye tiliŋ, sila kaatibaloolu ye tembe.

Kiilaalu 4:11

‘Ate le mu beroo ti, alitolu buŋ loolaalu jututa meŋ na, bari a naata ke tonkonna bere kummaa ti.’

Roomankoolu 11:6

Bari niŋ a be dendiŋ hiinoo le la, wo to a maŋ tara dendiŋ kebaaroolu la kotenke, niŋ wo nte hiinoo te ke la noo hiinoo ti kotenke.

Efesusinkoolu 2:20

A ye ali loo kiilaalu* niŋ kiilaariyaa kumafolaalu le la fondamaŋo kaŋ, Kiristu Yeesu faŋo mu bere kummaa baa ti daameŋ.

1 Pita 2:7

Alitolu mennu laata, a mu ali ye bere kummaa baa le ti. Bari mennu maŋ laa, a be safeeriŋ ne ko: “Beroo meŋ buŋ loolaalu jututa a la, wo le naata ke tonkonna bere kummaa ti.”

Lankenemoo 16:20

Baajooyoolu bee yeemanta, aduŋ konkoolu maŋ je kotenke.