Jakariya 4:14 - Mandinka Bible

¹⁴ Bituŋ a ko n ye ko, “Ñinnu le mu moo fuloo ti, duniyaa bee Maariyo ye tuloo boŋ mennu kuŋolu kaŋ ka ì tomboŋ a la dookuulaalu ti.”

Jakariya 4:14 Mawu Ofanana

1 Mansoolu 17:1

Saayiŋ Eliya meŋ bota Tisibe Kileyadi tundoo kaŋ, ko Ahabu ye ko, “Ŋa n kali Yaawe* la, Banisirayila la Alla, m mu meŋ na dookuulaa ti ko komboo te ke la sako sanjoo ñiŋ saŋ naalaalu bee kono, niŋ a maŋ ke n na kumoo kaŋ ti.”

Esira 5:2

Bituŋ Seyalitiyeli dinkewo Serubabeli, aniŋ Yosadaki dinkewo Yesuwa, wulita ka Alla Batudulaa Buŋo* lookuu Yerusalaamu. Alla la annabiyomoolu tarata ì fee le ka ì wakiilindi.

Jabuuroolu 110:4

Yaawe ye i kali le, aduŋ a te a hakiloo faliŋ na ko, “Ite keta piriisoo* le ti fo abadaa, ko Melikisedeki la piriisiyaa be ñaameŋ.”

Jabuuroolu 2:6

A ko, “Ŋa n na mansa londi Siyoni* le, n na konko senuŋo* kaŋ.”

Jabuuroolu 89:20

Ŋa n na dookuulaa Dawuda le ke mansa ti, ka a toloo niŋ n na tulu senuŋo* la.

2 Musa 29:7

I si tulu senuŋo* taa, i ye a boŋ a kuŋo kaŋ ka a la tombondiroo yitandi.

2 Musa 40:15

Bituŋ i si tulu senuŋo boŋ ì kuŋolu kaŋ, ko i ye a ke ì faamaa ye ñaameŋ, fo ì si piriisiyaa dookuwo ke n ye. Ì la tolooroo ka ì ke piriisoolu* ti, be tenteŋ na le jamaanoolu bee la mennu be naa.”

Yesaya 5:1

M be suukuwo laa la n kanuntewo ye le, a la wayini* yiri kankaŋo la kuwo kamma la: N kanuntewo ye yiri kankaŋo le soto konko daala, daameŋ ye jambandoo soto.

Yesaya 54:5

Kaatu nte i Daamansoo ka munta le ko i keemaa. Yaawe Alihawaa Maariyo* le mu n too ti, nte Banisirayila la Senuŋ Baa le mu i kumakaalaa ti, ì ka a fo n ye le ko, duniyaa bee la Alla.”

Yeremiya 49:19

“Ko niŋ jatoo bota naŋ ñunkoo kono, Yoridani sutoo kono, ka naa boyinkaŋo la, Edomu beeyaŋ daañini dulaalu to, m be a moolu bayi la a bankoo kaŋ wo le ñaama, kataba kiliŋ. Ŋa moo-wo-moo tomboŋ, wo le be a mara la. Jumaa le niŋ nte si tembe noo, ka i loo m fee? Ñaatonka jumaa le si loo noo n ñaato?

3 Musa 8:12

A ye Haaruna toloo ka tulu senuŋo boŋ a kuŋo kaŋ, a ye a moosi a la ka a kerekere piriisiyaa dookuwo ye.

Mika 4:13

Yaawe naata a fo ko: “Dimmusuriŋ Siyoni, wuli i ye ì toñonka. M be neebinoo le faliŋ na i ye, ŋa jaawali worosoolu faliŋ i ye. I be banku jamaa le toñonka la, ka ke ko munku budewo. I be ì la ñapinkaŋ feŋolu samba la naŋ nte Yaawe le kaŋ, duniyaa Maariyo, aniŋ ì la sotofeŋolu.”

Jakariya 6:13

Ate le mu moo ti meŋ be Yaawe Batudulaa Buŋo loo la. A be mansayaa buuñaa soto la le, a ye sii a la mansasiiraŋo kaŋ, a ye maraloo ke. Piriisoo be tara la a la mansasiiraŋo karadandaŋo la le, aduŋ ì moo fuloo be dete la ñoo la le, ì ye dookuwo ke kayiroo kono.’

Jakariya 6:5

Malaayikoo ñiŋ ye n jaabi ko, “Ñinnu mu noora naanoo le ti. Ì bota looriŋ duniyaa bee Maariyo ñaatiliŋo le la, saayiŋ ì be taa kaŋ.

Luka 1:19

Wo to le malaayikoo ye a jaabi ko, “Nte mu Jibiril le ti. M be looriŋ Alla ñaatiliŋo le la, aduŋ ate le ye n kii ka diyaamu i ye ka ñiŋ kibaari betoo naati i ye.

5 Musa 10:8

Wo waatoo le mu, Yaawe ye Lewi lasiloo moolu tomboŋ ka ì marandi a la Kambeŋ Kunewo* samboo la, ka piriisiyaa dookuwo ke Yaawe ñaatiliŋo la, aniŋ ka neemoo duwaa moolu ye a too la ka naa bula fo bii la.

Yosuwa 3:11

Ali a juubee, duniyaa bee Maariyo la Kambeŋ Kunewo be taa ali ñaato le Yoridani Boloŋo kono.

Yosuwa 3:13

Yaawe le mu duniyaa bee Maarii ti. Niŋ piriisoolu mennu ka a la Kambeŋ Kunewo samba, ye ì siŋo bula Yoridani Boloŋ jiyo kono doroŋ, jiyo la boroo be loo la le. A ye kafu ñoo ma dulaa kiliŋ, a samasimmaa ye loo.”

Lankenemoo 11:4

Ñinnu le mu wo olifu* yiri fuloo niŋ wo lampu looraŋ fuloo ti, mennu be looriŋ duniyaa la Maariyo ñaatiliŋo la.

1 Samuweli 10:1

Bituŋ Samuweli ye tulukaboo sika, a ye tuloo boŋ Sawulu kuŋo to, a ye a sumbu. A ko, “Saayiŋ Yaawe* ye ite le tomboŋ, ka i ke a la moolu Banisirayilankoolu la maralilaa ti.

1 Samuweli 16:1

Yaawe* ko Samuweli ye ko, “I be tu la i miira la Sawulu la kuwo la fo waati jumaa le? Ŋa a bondi Banisirayilankoolu la mansayaa to le. Bari saayiŋ tuloo fandi i la binoo kono, i ye taa Betilehemu. Taa kewo yaa jee, meŋ too mu Yese ti, kaatu a dinkewolu kono, ŋa moo kiliŋ ne tomboŋ, ka a ke mansa ti.”