Jakariya 3:8 - Mandinka Bible

⁸ “ ‘Saayiŋ, i lamoyi n na, ite Piriisi kuntii Yosuwa. I niŋ piriisoolu mennu be i koto, ali ali tuloo loo. Ali mu taamanseeri bete le ti kuwo to, meŋ ka naa. M be n na dookuulaa kii la naŋ, i ka meŋ kumandi Yiribulu kutoo la.

Jakariya 3:8 Mawu Ofanana

Jabuuroolu 71:7

N na baluwo keta moo jamaa le ye kawandoo ti, kaatu ite le mu n na tuukuraŋ bambandiŋo ti.

Yesaya 11:1

Yese koomalankoolu keta le ko yirijuu kuntoo, bari maralilaa be soroŋ na a bala le kotenke, a suloolu ye soroŋo fintindi, a ye diŋ.

Yesaya 20:3

Bituŋ Yaawe ko, “N na dookuulaa Yesaya ye a ke ñaameŋ, sanji saba a kenseŋo be yaayi la, a siŋ kenseŋo, wo keta taamanseeroo le ti, Misirankoolu niŋ Kusinkoolu* be meŋ taki la.

Yesaya 4:2

Luŋo be naa le, luŋo meŋ Yaawe* la yiri soroŋo meŋ be Banisirayila bankoo kaŋ, a be yiriwaa la le, a ye tara ñiiñaariŋ. Moolu mennu tuta jee, bankoo senefeŋolu be ke la ì ye ŋaañaaraŋo le ti, aniŋ horomoo.

Yesaya 42:1

Yaawe* ko: “N na dookuulaa fele, ŋa meŋ na kuwo bambandi. Ŋa ate le tomboŋ, aduŋ a la kuwo ye n seewoo le. M be n na Nooroo jindi la a kaŋ ne, aduŋ a be kiitii tilindiŋo naati la bankoolu kaŋ ne.

Yesaya 49:3

A ko n ye ko, “Banisirayila, ite le mu n na dookuulaa ti, aduŋ i la kuwo le be a tinna la, m be buuñaa soto la.”

Yesaya 49:5

Yaawe ye n daa m baamaa wuluuñaŋo kono le, ka n ke a la dookuulaa ti, ka Yaakuba koomalankoolu ñaatonkayaa, fo ì si muru a kaŋ, aniŋ ka Banisirayilankoolu ñaa tilindi a la. Yaawe be m buuñaa la le, aduŋ n na semboo be bo la naŋ Alla le bulu.

Yesaya 52:13

Yaawe ko: “A juubee, n na dookuulaa la kuwo be yiriwaa la le, a be sikandi la le, a ye tara santo-santo.

Yesaya 53:11

A la mantooroo jeriŋ koolaa, a be tara la mala baa le kono, a ye wasa. N na dookuulaa tilindiŋo, ka bo niŋ a la londoo la, moo jamaa si ke moo tilindiŋo ti, kaatu a be ì la junuboo bee dunoo taa la le.

Yesaya 53:2

Yaawe la lafoo kaŋ, a la dookuulaa baluuta le ko fiifeŋ mereŋo, meŋ ye suloo duŋ banku jaaroo kono. A maŋ ñiiñaa, waraŋ ka kallankeeyaa*, meŋ si ǹ ñaa faa a la kuwo to. M̀ maŋ feŋ je a muluŋo to, ǹ si lafi noo meŋ na.

Yesaya 8:18

M fele, n niŋ n diŋolu Yaawe ye mennu dii n na! Ntolu le mu taamanseeroolu niŋ yitandiroolu ti, Banisirayila kono, ka bo naŋ Yaawe Alihawaa Maariyo bulu, meŋ be sabatiriŋ Siyoni* Konkoo kaŋ.

Yeremiya 23:5

Yaawe le ye ñiŋ fo ko: “A juubee, luŋolu be naa le, m be yiribulu tilindiŋo sorondi la Mansa Dawuda koomalankoolu ye. A be ke la mansakewo le ti meŋ be maraloo ke la niŋ fahaamuroo la, aduŋ a be tooñaa kiitiiteyoo niŋ tiliŋo le taamandi la bankoo kaŋ.

Yeremiya 33:15

Wo luŋolu la, m be yiribulu tilindiŋo sorondi la Mansa Dawuda ye le a waatoo la. Wo le be kiitii tooñaa niŋ tiliŋo taamandi la bankoo kaŋ.

Esekiyeli 12:11

“A fo ì ye, i mu taamanseeroo le ti ì ye. I ye ñiŋ meŋ ke teŋ, wo siifaa le be ke la ì la, ì be duŋ na bantala bankoo* moo doolu le bulu ka ke mutamoolu ti jee.

Esekiyeli 12:6

I ye i la fudoo deŋ i kaba la, ì bee ñaa la. I ye feŋ muuri i ñaadaa kaŋ, ka a yitandi ko, i buka i taa dulaa je, i ye finti ka duŋ diboo kono. Kaatu m be i ke la Banisirayilankoolu ye taamanseeroo le ti ka ì dandalaa.”

Esekiyeli 24:24

Yaawe ko moolu ye ko: “Esekiyeli be ke la ali ye misaaloo le ti. A ye feŋ-wo-feŋ ke, ali fanaa ñanta wo le ke la. Niŋ ñiŋ kuwolu naata ali kaŋ, wo to le ali be a loŋ na ko, nte le mu Yaawe ti, ali Maariyo.”

Esekiyeli 34:29

M be senedulaa yiriwaariŋ baa le dii la ì la, i si a je konkoo te ì muta la ì la bankoo kaŋ, aniŋ wo bantala bankoolu te jutunnayaa kuwolu tiliŋ na ì la kotenke.

Esekiyeli 37:24

“N na dookuulaa Dawuda le be ke la mansa ti ì kunna, aduŋ ì bee be kantarilaa kiliŋ ne soto la. Ì be n na saratoolu muta la le, aduŋ ì be bula la n na yaamaroolu nooma le.

Jakariya 6:12

A fo a ye ko, ‘Yaawe Alihawaa Maariyo* ye ñiŋ ne fo ko: Moo fele meŋ too mu Yiribulu kutoo ti. A be buloolu fayi la le ka bo naŋ a be daameŋ, aduŋ a be Yaawe Batudulaa Buŋo* loo la le.

Luka 1:78

Wo to Alla be balafaa yitandi la ǹ na le, maloo be naa ǹ kaŋ ne ka bo santo.