Jakariya 3:4 - Mandinka Bible

⁴ Mennu be looriŋ a ñaatiliŋo la, malaayikoo ko wolu ye ko, “Ali a la sitifeŋ nooriŋolu wura a la.” A ko Yosuwa ye ko, “A fele, ŋa i la junuboolu bondi, m be feŋ senuŋolu le duŋ na i la.”

Jakariya 3:4 Mawu Ofanana

2 Samuweli 12:13

Wo to le Dawuda ko Natani ye ko, “Ŋa junube kuwo le ke Yaawe la.” Natani ye a jaabi ko, “Yaawe ye i la junuboo kafari le. I maŋ taa faa la.

1 Mansoolu 22:19

Bari Mikaya tententa ka a fo ko, “I lamoyi saayiŋ Yaawe ye kumoo meŋ fo. Ŋa Yaawe je siiriŋ a la mansasiiraŋo kaŋ Arijana kono, a la malaayikoolu bee be looriŋ a karadandaŋolu la.

Jabuuroolu 51:9

Kana n juubee n na kuu jawoolu kaŋ. N na junuboolu bee tuutuu.

Yesaya 43:25

Nte, nte faŋo le ye ali la junuboolu tuutuu n na kuwo kamma la, aduŋ n hakiloo maŋ bula ali la junuboo la kotenke.

Yesaya 44:22

Ŋa ali la kuu jawoolu bondi le komeŋ minaayoo, ali la junuboolu komeŋ soomandaa tuutuwo. Ali muruŋ n kaŋ, kaatu ŋa ali kumakaa le.”

Yesaya 52:1

Wuli, wuli! Hee Siyoni*, i ye i semboo taa! Yerusalaamu saatee senuŋo, i la dendika kendoo duŋ. Sunnabaloolu aniŋ moo kosoriŋolu te duŋ na i kono kotenke.

Yesaya 61:10

Yaawe la kuwo seewoo tambita n kunna le, n niyo laata n na Alla la karoo la le. Kaatu a ye kiisoo dendikamaa le duŋ n na, a ye tiliŋo warambamaa duŋ n na, ko maañootiyo ka i paree ñaameŋ, aniŋ ko maañoo ka a faŋo ñiiñandi a la ñaroolu la ñaameŋ.

Yesaya 61:3

ka moolu maakoyi mennu be kumboo la Siyoni*, ka ñaroolu dii ì la, seebuutoo noo to, ka ì jusoo landi tulu seera diimaa la, wo ye seyi woosiyo noo to, jayiroo warambamaa ye seyi nii fitiyo noo to. Ì la tiliŋo ye semboo soto ko yiri baalu, Yaawe ye mennu tutu ka a la kallankeeyaa* yitandi.

Yeremiya 52:33

Yehoyahini ye a la bunjawu dendikoolu faliŋ, aduŋ a ka domoroo ke mansa la domoridulaa le to, a baluu tili toomaa bee la.

Esekiyeli 36:25

M be jii senuŋo le sari la ali kaŋ, i si a je ali si seneyaa ka bo ali la seneyaabaliyaa bee kono. M be ali seneyandi la ka bo kosoriŋ, ali la jalaŋolu ye ali kosondi mennu la.

Esekiyeli 42:14

Niŋ piriisoolu dunta Batudulaa Buŋo kono, aduŋ ì lafita ka taa banta luwo to, ì ñanta ì la duŋ feŋ senuŋolu tu la ñiŋ buŋolu le kono. Wo le mu duŋ feŋ senuŋolu ti, mennu tarata dundiŋ ì la, kabiriŋ ì be dookuwo la Yaawe ñaatiliŋo la. Ì ñanta ka duŋ feŋ koteŋ doolu le duŋ, wo koolaa ì si naa taa dulaa to, moo koteŋolu ka tara daameŋ to.”

Mika 7:18

Alla koteŋ ne be keriŋ baŋ ko ite? Ite le ka junuboolu kafari i la moolu ye, mennu tuta baluuriŋ, ite le ka yamfa ì la sookiri kuwolu la. I la kamfaa buka tu fo abadaa, i ka lafi le ka tara hiinanteeyaariŋ doroŋ.

Mika 7:19

I be balafaa soto la ǹ ye le kotenke, i ye ǹ na junuboolu tuutuu, ka ì fayi baa baa duuma.

Jakariya 3:1

Bituŋ Yaawe* ye n jerindi Piriisi* kuntiyo Yosuwa la. Ŋa a je looriŋ Yaawe la malaayikoo ñaatiliŋo la. Seetaani* be looriŋ Yosuwa bulubaa karoo la ka a tuumi.

Jakariya 3:7

“Yaawe Alihawaa Maariyo* ye ñiŋ ne fo, a ko: ‘Niŋ i be taama la n na siloo la, aniŋ ka dookuwo ke, ŋa i bula meŋ na, wo to i be mara la n na Buŋo ma le, n na luwo ye tara i bulu. M be kaŋo dii la i la le, i kali futa m ma, ko ñinnu mennu be looriŋ teŋ ka futa m ma ñaameŋ.

Jakariya 3:9

Yosuwa, a fele, m be bere ñiimaa londi la i ñaatiliŋo la, kara woorowula be meŋ na. M faŋo le be kumakaŋolu safee la a bala. M be bankoo moolu la junuboo bee bondi la tili kiliŋ ne la. Nte Yaawe Alihawaa Maariyo le ye a fo.

Matiyu 22:11

“Bari kabiriŋ mansakewo naata ka luntaŋolu juubee, a ye kewo je jee, meŋ maŋ maañoobiti feŋolu duŋ.

Luka 1:19

Wo to le malaayikoo ye a jaabi ko, “Nte mu Jibiril le ti. M be looriŋ Alla ñaatiliŋo le la, aduŋ ate le ye n kii ka diyaamu i ye ka ñiŋ kibaari betoo naati i ye.

Luka 15:22

Bari a faamaa ko a la dookuulaalu ye le ko, ‘Ali i tariyaa, ali ye dendika ñiimaa duŋ a la. Ali si konnaa fanaa duŋ a bulukondiŋo to. Ali ye samatoolu fanaa duŋ a siŋolu to.

Yohana 1:29

Wo saamoo Yaayaa ye Yeesu je naa la a kaŋ. Bituŋ a ko, “Alla la Saajiiriŋo fele, meŋ ka naa duniyaa la junuboo bondi!

Roomankoolu 3:22

Alla la tilindiroo ka naa ka bo niŋ lannoo le la moolu bee ye, mennu laata Yeesu Kiristu* la. Fataŋ-fansoo te jee,

Roomankoolu 6:23

Kaatu junuboo la joo mu saayaa le ti, bari Alla la sooroo mu badaa-badaa baluwo le ti Kiristu Yeesu kono, m̀ Maariyo.

1 Korintinkoolu 6:11

Alitolu doolu be wo le ñaama nuŋ, bari ali kuuta le ka ke moo senuŋolu ti, ali tilinta ǹ na Alla la Nooroo kono, Maarii Yeesu Kiristu* too la.

2 Korintinkoolu 5:21

Kiristu meŋ nene maŋ junuboo ke, Alla ye ǹ na junuboo dunoo laa ate le kaŋ, fo ǹ si Alla la tiliŋo soto Kiristu kono.

Kolosankoolu 3:10

Ali naata daajika kutoo duŋ, meŋ be tu la ali kutayandi la ali Daamansoo sawuroo la, fo ali si fahaamuroo soto Alla la kuwo to kendeke.

Hiburunkoolu 8:12

M be yamfa la ì la kuu kuruŋolu la le, n hakiloo te tara la ì la junuboolu kaŋ kotenke.”

Lankenemoo 5:11

Wo to le ŋa malaayikoolu jamaa je, ì ye mansasiiraŋo niŋ daafeŋ baluuriŋolu niŋ alifaalu murubeŋ. Ì mu malaayika wuliwuloolu le ti, aniŋ miliyoŋ-miliyoŋolu. Aduŋ ŋa ì la kumakaŋolu moyi le,

Lankenemoo 7:14

Ŋa a jaabi ko, “Alifaa, ite le ye a loŋ.” A ko n ye ko, “Ñinnu le mu moolu ti, mennu bota naŋ toora baa kono. Ì ye ì la waramboolu kuu le, ì ye ì koyindi niŋ Saajiiriŋo yeloo la.