Jakariya 14:7 - Mandinka Bible

⁷ Tiloo le be tenteŋ na, suuto niŋ tili te soto la, hani wulaaroo si ke tiloo waatoo ti. Yaawe le be londiŋ a waatoo la.

Jakariya 14:7 Mawu Ofanana

Jabuuroolu 37:18

Yaawe ka sootaaribaloolu le la baluu tiloo kanta, aduŋ ì la keetaafeŋo be tu la le fo abadaa.

Yesaya 11:9

Feŋ te tara la Alla la konko senuŋo* kaŋ, meŋ si moo mantoora, waraŋ ka moo kasaara, kaatu duniyaa bee be faa la moolu le la, mennu ye Yaawe loŋ, ko baa ka tara faariŋ jiyo la ñaameŋ.

Yesaya 24:23

Karoo si dibi, tiloo ye foo a la maloo la, kaatu Yaawe Alihawaa Maariyo* le be maraloo ke la Yerusalaamu Siyoni* Konkoo kaŋ, saatee ñaatonkoolu si a la mansabaayaa je.

Yesaya 30:26

Niŋ Yaawe be a la moolu la baramoo jaara la, ka bataariŋolu la dimiŋolu jaara, karoo si mala ko tiloo. Tiloo la maloo si lafaa ko siiñaa woorowula ko tili woorowula kemperiŋo maloo.

Yesaya 45:21

Ali a fo meŋ be ke la, ali ye a yitandi. Ali ye kuwo kacaa ñoo kaŋ. Jumaa le ye ñiŋ fo nuŋ kabiriŋ? Jumaa le ye a fo nuŋ koomanto? Fo nte Yaawe n te baŋ? Alla koteŋ te jee nte koolaa. Alla tilindiŋo niŋ kiisandirilaa doo te jee, nte dammaa le mu.

Yesaya 58:10

ali ye domoroo dii konkotoolu la, ali ye moo mantoorariŋolu suula kuwolu ke ì ye, wo to ali la maloo be bo la naŋ diboo le kono, ali la suutoo ye ke ali ye ko tilibuloo.

Yesaya 9:7

A la maraloo be tara la lafaa la le doroŋ, aduŋ kayira bambaloo le be tara la keriŋ. A be a bonsuŋo Dawuda la bankoo mara la le, a be sii la a la siiraŋo le kaŋ. A be a la maraloo londi la le, a ye bambaŋ, aduŋ a be a taamandi la tiliŋo niŋ tooñaa le la, ka dati a la waatoo la, fo abadaa. Yaawe* Alihawaa Maariyo* ye a hame le, ka ñiŋ kuwo taamandi.

Yeremiya 30:7

Kooni! Wo le be ke la luŋ baa ti. A ñoŋo te soto la. A be ke la Yaakuba koomoo ye jarabi waatoo le ti, bari ì be kiisa la a kono le.”

Daniyeli 12:4

“Bari ite Daniyeli, i si ñiŋ kumoolu ke kulloo kuwo ti, i ye kitaaboo ñiŋ tawuŋ, fo labandulaa waatoo ye sii. Moo jamaa be tara la yaayiŋ-yaayiŋ na le, ka londoo lafaa.”

Hoseya 3:5

Wo koolaa, Banisirayilankoolu be muru la le, ì ye Yaawe ñini ì la Alla, aniŋ Dawuda koomalankoo, ì la mansa. Ì si naa Yaawe kaŋ, ì niŋ buuñaa, aduŋ a be neema la ì ma luŋ labaŋolu la le.

Amosi 8:9

Maarii Yaawe ye ñiŋ ne fo ko: “Wo luŋo la, n si tiloo boyindi tilikuntewo waatoo, ŋa diboo duŋ duniyaa kono tilibula baa.

Matiyu 24:36

“Moo te keriŋ, meŋ ye wo luŋo niŋ a waatoo loŋ. Hani Dinkewo faŋo maŋ a loŋ sako malaayikoolu mennu be Arijana. M Faamaa doroŋ ne ye a loŋ.

Maaka 13:32

“Moo te keriŋ, meŋ ye wo luŋo niŋ a waatoo loŋ. Hani Dinkewo faŋo maŋ a loŋ, sako malaayikoolu mennu be Arijana. M Faamaa doroŋ ne ye a loŋ.

Kiilaalu 1:7

A ko ì ye ko, “A maŋ ke alitolu la kuwo ti ka waatoolu niŋ luŋolu loŋ, m Faamaa ye mennu londi a fansuŋ kaŋo kaŋ.

Kiilaalu 15:18

Maariyo le ye ñiŋ fo, ate meŋ ye ñiŋ kuwolu lankenemayandi kabiriŋ waati jaŋ koomanto.’

Kiilaalu 17:26

Ate le ye sii-wo-sii daa ka bo niŋ kee kiliŋ na, ka sabati duniyaa bankoolu bee kaŋ. A ye waatoolu londi ì la baluwo la, a ye dulaalu tomboŋ ì ye ka sabati jee,

Kiilaalu 17:31

Alla ye luŋo londi le, a be duniyaa moolu kiitindi la meŋ na tiliŋo kono, aduŋ a be a ke la ka bo niŋ kewo le la, a ye meŋ tomboŋ. A ye seedeyaa dii moolu bee la le a la kuwo to, ka a wulindi saayaa kono.”

1 Tesalonikankoolu 5:2

baawo a koyita ali faŋolu la le ko, Maariyo la luŋo be naa la le ko suŋo ka naa suutoo la ñaameŋ.

Lankenemoo 11:15

Bituŋ malaayika woorowulanjaŋo ye a la footaŋo fee, aduŋ kumakaŋ baalu be Arijana kono, ì be a fo la ko, “Duniyaa mansayaa bee naata ke m̀ Maariyo niŋ a la Alimasiihu* la mansayaa le ti, aduŋ a si maraloo ke fo abadaa!”

Lankenemoo 14:6

Bituŋ ŋa malaayika doo je, a be tii kaŋ n kunto santo, a niŋ badaa-badaa kibaari betoo, a si meŋ kankulaa moolu ye, mennu be baluuriŋ duniyaa kono. A be a ke la nasiyoŋ-wo-nasiyoŋ ye, sii-wo-sii, kaŋ-wo-kaŋ aniŋ banku-wo-banku.

Lankenemoo 21:23

Aduŋ saatewo ñiŋ maŋ suula tiloo waraŋ karoo la maloo la a kono, kaatu Alla la kallankeeyaa le mu a la maloo ti, aduŋ a la lampoo mu Saajiiriŋo le ti.

Lankenemoo 21:25

A dundaŋ daalu nene te soroŋ na tiloo la, aduŋ suutoo te soto la jee.

Lankenemoo 21:3

N naata kumakaŋ baa moyi ka bo mansasiiraŋo to. A ko, “A juubee, Alla la sabatidulaa be hadamadiŋolu fee le. A be tara la ì fee le, aduŋ ì be ke la a la moolu le ti. Alla faŋo be tara la ì fee le ka ke ì la Alla ti.

Lankenemoo 22:5

Suutoo te soto la jee kotenke. Ì te suula la lampu maloo la, waraŋ tiloo la maloo, kaatu Maarii Alla le be ke la ì la maloo ti. Aduŋ ì be maraloo ke la le fo abadaa.