Jakariya 12:8 - Mandinka Bible

⁸ Wo luŋo la, m be Yerusalaamunkoolu tanka la le. Hani ì bee moo lamfuriŋo, a semboo si ke ko Mansa Dawuda semboo, aduŋ Dawuda koomalankoolu be ì ñaatonkayaa la le ko nte Alla, ko nte Yaawe la malaayikoo.”

Jakariya 12:8 Mawu Ofanana

Jabuuroolu 8:5

Hani wo i ye a la fisamanteeyaa dasandi i faŋo la le domandiŋ. I ye horomoo niŋ buuñaa dii a la le, ka a mansayandi.

Jabuuroolu 82:6

“N ko, ‘Ali mu sembetiyolu le ti, ali bee mu nte Mansa Tallaa diŋolu le ti.’

2 Musa 14:19

Bituŋ Alla la malaayikoo, meŋ be nuŋ Banisirayilankoolu la kelediŋolu ñaato, muruta, bituŋ a taata ì kooma. Minaayi samasimmaa fanaa bota ì ñaato, a loota ì kooma,

2 Musa 33:2

M be malaayikoo le tambindi la ali ñaato, fo a si Kanaaninkoolu, Amorinkoolu, Hitinkoolu, Perisinkoolu, Hiwinkoolu, aniŋ Yebusinkoolu bayi.

Yesaya 30:26

Niŋ Yaawe be a la moolu la baramoo jaara la, ka bataariŋolu la dimiŋolu jaara, karoo si mala ko tiloo. Tiloo la maloo si lafaa ko siiñaa woorowula ko tili woorowula kemperiŋo maloo.

Yesaya 31:4

Yaawe ye ñiŋ ne fo n ye ko: “Nte Yaawe Alihawaa Maariyo* be naa la le ka keloo ke Siyoni* Konkoo kaŋ. M be ke la le ko jatakee mendiŋo ka kuma ñaameŋ, niŋ a loota suboo kunto. Hani ì ye kantarilaa jurumoo le kumandi a kamma, a buka sila ì sari kaŋo la, waraŋ ì maakaŋo si a bondi a noo to.”

Yesaya 33:24

Moo te tara la Siyoni meŋ be a fo la ko, “N saasaata le.” Moolu mennu be sabatiriŋ jee, ì la junuboolu be kafari la le.

Yesaya 49:7

Yaawe, Banisirayila la Senuŋ Baa, a Kumakaalaa ka diyaamu moo le ye, bankoolu jututa meŋ na, ì ye a koŋ, a keta maralilaalu la dookuulaa ti, a ye ñiŋ ne fo a ye ko, “Niŋ mansoolu ye i je, ì be wuli la le, maralilaalu fanaa be ñoyi la i ye le, kaatu nte Yaawe le be a saabu la. N ka laahidoolu timmandi le, nte Banisirayila la Senuŋ Baa meŋ ye i tomboŋ.”

Yesaya 53:3

Moolu jututa a la le, ì ye i baŋ a to, moo le mu meŋ ye dimoo niŋ kuuraŋo taki. Ǹ jututa a la le, m̀ maŋ a muta feŋ ti ko moolu maŋ lafi ka moo meŋ je.

Yesaya 63:9

Niŋ ì ye niitoora-wo-niitoora soto, a fanaa niyo ka kuyaa le. A maŋ ke malaayikoo ti meŋ ye ì tanka, bari a la taroo ì fee. A ye ì kumakaa a la balafaa niŋ a la kanoo le kaŋ, a ye ì sika le ka ì bambu kabiriŋ waati jaŋ koomanto.

Yeremiya 27:10

Ì ka faniyaa kumoolu le fo ali ye, meŋ be a tinna ì ye naa ali bondi ali la bankoo kaŋ ka taa dulaa jaŋ to. Nte Yaawe si ali bayi, ka ali kasaara.

Hoseya 1:7

Bari m be balafaa soto la Yahuuda ye le, m be ì tanka la le ka bo niŋ nte Yaawe faŋo la, ì la Alla. N na a tankandoo te bo la niŋ kalabeñoo la, hawusaroo*, keloo, suwoolu waraŋ suu borindilaalu.”

Hoseya 12:3

Ì bonsuŋo Yaakuba, wo ye i miniŋ a fulandiŋ kotoo tonkoliŋo la le, biriŋ ì be ì baamaa wuluuñaŋo kono. Biriŋ a menta, a niŋ Alla ye keloo ke.

Hoseya 3:5

Wo koolaa, Banisirayilankoolu be muru la le, ì ye Yaawe ñini ì la Alla, aniŋ Dawuda koomalankoo, ì la mansa. Ì si naa Yaawe kaŋ, ì niŋ buuñaa, aduŋ a be neema la ì ma luŋ labaŋolu la le.

Yoweli 3:10

Ali ali la senedaboolu tunkaŋ hawusaroolu* ti, ali la katirilaŋolu ye ke sooroolu ti. Moo lamfuriŋo ye a fo a faŋ ye ko, ‘Nte mu kelejawaroo le ti.’

3 Musa 26:8

Ali moo luulu doroŋ si ali jawu keme bayindi, ali moo keme ye ali jawu wuliwuloolu bayindi. Ì si busandi ali koto, ali ye ì faa hawusaroo la.

Mika 5:8

Moo toomaalu mennu tuta Yaakuba koomalankoolu kono, be tara la banku koteŋolu le kaŋ, ko jatoo ka tara wulakono daafeŋolu kono ñaameŋ, ko niŋ jatoo dunta saajii koorewo kono, ka ñapi ì kaŋ, ka ì suboo kuntuŋ-kuntuŋ. Tankandirilaa te soto la.

Mika 7:16

Banku koteŋolu ñanta a je la le, ì ye malu, ì niŋ ì la sembe waroo bee, ì si jaakali fo ì te diyaamu noo la, waraŋ ka moyiroo ke.

Mika 7:8

Jawoolu, ali kana kontaani ka ǹ je bataa kono. M̀ boyita ñaa-wo-ñaa piram, m̀ be wuli la le kotenke. M̀ be diboo kono ñaa-wo-ñaa, Yaawe le be ke la ǹ ye maloo ti.

Jakariya 10:7

Efurayimu* moolu si ke ko kelejawaroolu, ì ye seewoo, ko meŋ ye wayinoo* miŋ. Ì diŋolu si ñiŋ je, ì fanaa ye jusulaa. Ì niyo si seewoo nte Yaawe la kuwo to.

Jakariya 2:5

Yaawe* ko: “M be ke la tata dimbaamaa le ti, ŋa a murubeŋ, aduŋ nte le be ke la a semboo niŋ waroo ti.”

Jakariya 9:14

Yaawe be finti la naŋ ne, a ye tara a la moolu kunto, a la kalabeñoo ye ŋalasi ko saŋ ŋalasoo. Maarii Alla si kelebinoo fee, a ye wuli naŋ a jawoolu kamma ko turubaadoo, meŋ ka bo naŋ bulubaa karoo la.

Jakariya 9:8

Bituŋ ŋa daakaa n na bankoo kaŋ kantarilaa ti, moo te taa niŋ naa la jee. Hani toorandirilaa kiliŋ te boyi la a kaŋ, kaatu m faŋo ñaa ye ì la bataa je le.”

Malaki 3:1

Yaawe* Alihawaa Maariyo* ye ñiŋ ne fo ko, “M be n na kiilaa le kii la naŋ n ñaato ka siloo parendi. Ali be nte meŋ na kuwo ñini kaŋ, m be naa n na buŋo to le kataba kiliŋ. Aduŋ kiilaa meŋ niŋ kambeŋo kumoo be naa, ali be lafiriŋ meŋ na, be naa le.”

Matiyu 1:23

“A juubee, sunkutoo be konoo taa la, aduŋ a be dinkewo le wuluu la. Ì be a kumandi la Immanuweli le la, meŋ kotoo mu ‘Alla be ntolu fee le.’ ”

Roomankoolu 9:5

Itolu le mumuñolu mu Iburayima, Isiyaaka aniŋ Yaakuba ti, aduŋ Kiristu naata wuluu itolu le la lasiloo kono ka baluu ko hadamadiŋo. Feŋolu bee be ate le koto. Tenturoo niŋ jayiroo be Alla le ye, fo abadaa. Amiin!

1 Timoti 3:16

A koyita le ko, ǹ na lannoo kulloo warata le: A naata hadamadiŋyaa le kono, a la tiliŋo yitandita ka bo niŋ Noora Kuliŋo le la. Malaayikoolu le ye a je, a la kuwo kawandita nasiyoŋolu kono. Lannoo keta a la kuwo to ñiŋ duniyaa kono, a wulindita ka taa santo, kallankeeyaa* kono.

Hiburunkoolu 11:34

ì ye dimbaa jawoolu faa, ì kanata hawusaroo* daa ma. Ì naata sembentuŋyaa ì la sembentaŋyaa kono, ì keta kelejawara baalu ti, mennu jawoolu ye bori baa wutu ì ñaato.

Yosuwa 23:10

Alitolu bee kiliŋ-kiliŋ naa si kee wuli kiliŋ kele noo le. Yaawe ali la Alla le be keloo ke kaŋ ali ye, ko a ye ali laahidi ñaameŋ.

Lankenemoo 22:13

Nte le mu Alifa niŋ Omeka ti, Foloo niŋ Labaŋo. Nte le mu foloodulaa ti, aniŋ labandulaa.”

Lankenemoo 22:16

“Nte Yeesu le ye n na malaayikoo kii i kaŋ, ka ñiŋ kuwolu seedeyaa n na kafoolu ye taariŋ. Nte le bota Mansa Dawuda bala, aniŋ nte le mu Dawuda koomalankoo ti. Nte le mu Subaalooloo diimaa ti.”