Jakariya 12:1 - Mandinka Bible

¹ Yaawe* la kumoo fele, a ye meŋ lankenemayandi Banisirayila la kuwo to. Yaawe meŋ ye saŋ fatoolu wanka, a ye bankoo daa, a ye niyo duŋ hadamadiŋo la, a ye ñiŋ ne fo ko:

Jakariya 12:1 Mawu Ofanana

1 Musa 1:8

Bituŋ Alla naata saŋ fatoo kumandi saŋo la. Wulaaroo niŋ soomandaa sotota, tili fulanjaŋ luŋo la.

1 Musa 2:7

Bituŋ Yaawe Alla naata bankumunkoo doo taa, a ye Adama daa a la. A ye baluwo niijii foñoo fee a nuŋ huwolu kono. Bituŋ Adama ye a dati ka baluu.

Yuuba 26:7

Ate le ye saŋo wanka alihawaa kono santo, a ye bankoo feenee, a maŋ tara feŋ kaŋ.

Yuuba 37:18

I si saŋo wanka noo baŋ, ka jaa ko famfelendaŋo, ko ate ye a ke ñaameŋ?

Jabuuroolu 104:2

I ye i faŋ murubeŋ niŋ mala baa le la. Ite le ye saŋ fatoolu wanka ko tiriliisoo*.

Jabuuroolu 134:3

Allamaa Yaawe ye neema ali ma ka bo Siyoni*, ate meŋ ye saŋo niŋ bankoo daa.

Kawandilaa 12:7

bankumunkoo be muru la bankoo kaŋ, a bota meŋ bala, niyo be muru la Alla kaŋ, meŋ ye a dii.

Yesaya 40:12

Jumaa le si baajiyo sumaŋ noo niŋ a buluñaa la, waraŋ ka saŋ fatoolu la waroo sumaŋ niŋ a buluteetee la? Jumaa le si ñiŋ duniyaa kankaŋo bee sumaŋ noo niŋ sinsiŋo la, waraŋ ka konko baalu niŋ konkoriŋolu peesa niŋ peesarilaŋo la?

Yesaya 40:22

A be siiriŋ mansasiiraŋo le kaŋ duniyaa bee santo la, aduŋ moolu ka munta a fee le ko jatatoŋolu. A ye saŋ fatoolu waree le ko ridoo, aduŋ a ka a wanka le ko tiriliisoo*, ka ke sabatidulaa ti.

Yesaya 42:5

Yaawe Alla ye saŋ fatoolu daa le, a ye ì wanka, a ye bankoo daa aniŋ a konokono feŋolu bee. Ate le fanaa ye niyo ke duniyaa moolu la, aniŋ ka baluwo dii ì la fo ì si tara noo ñiŋ duniyaa kono. A ye ñiŋ ne fo a la dookuulaa ye ko:

Yesaya 44:24

Yaawe ali Kumakaalaa meŋ ye ali daa wuluuñaŋo kono ko: “Nte le mu Yaawe ti, meŋ ye feŋolu bee daa, nte dammaa le ye saŋ fatoolu waree, aduŋ nte faŋo le ye duniyaa fanundi.

Yesaya 45:12

Nte le ye duniyaa daa, ŋa hadamadiŋo naati a kono. M faŋo buloo le ye saŋ fatoolu waree, ŋa malafeŋolu ke ì la palaasoolu to.

Yesaya 45:18

Yaawe le ye saŋ fatoolu daa. Ate dammaa le mu Alla ti. A ye duniyaa daa, a ye muluŋo ke a la, a ye a londi kuu. A maŋ a tu kenseŋyaariŋ, bari a ye a ke moolu ye sabatidulaa le ti. Ate le ko, “Nte mu Yaawe le ti, aduŋ alla koteŋ te jee.

Yesaya 48:13

M faŋo le ye duniyaa fondamaŋo laa, m bulubaa buloo ye saŋ fatoolu waree. Niŋ ŋa ì kumandi, ì ka i danku m ma le.

Yesaya 51:13

Fo ali ñinata nte Yaawe ali Daamansoo la le baŋ? Nte le ye saŋ fatoolu waree, ŋa bankoo fondamaŋo laa. Muŋ ne ye a tinna, ali ka tara silaŋ baa kono luŋ-wo-luŋ, ali toorandilaa la kamfaa kamma, meŋ be lafiriŋ ka ali kasaara? Ali toorandilaa la kamfaa maŋ ke tuus ti.

Yesaya 57:16

Wo to, n te tu la moo tuumi la fo abadaa, sako ka tu kamfaa la. Niŋ wo nte, hadamadiŋo te semboo soto la kotenke ka baluu, m faŋo ye moolu mennu daa, ì si faa.

Yeremiya 10:12

Alla le ye bankoo daa a semboo la, a ye duniyaa sotondi a la ñaameŋo la, a ye saŋ fatoolu wanka ka bo a la londoo la.

Yeremiya 30:10

“Wo to ali kana sila, alitolu Yaakuba koomalankoolu, n na dookuulaalu, sako ka jikilateyi, alitolu Banisirayilankoolu.” Yaawe le ye a fo. “Kaatu ko, m be ali kiisa la naŋ dulaa jamfariŋo to le, ka ali koomalankoolu bondi naŋ ì mutadulaa bankoo kaŋ. Yaakuba koomoo be muru la naŋ ne ka tenkuŋo niŋ tankoo soto, aduŋ moo te a silandi noo la.

Yeremiya 30:16

“Bari silaŋ, mennu ye i baluu ali la, ì fanaa be ke la baluutaa ti le, aduŋ ali konnantewolu kiliŋ-wo-kiliŋ be taa mutoo kono le. Mennu ye ali ke ñapinkaŋ feŋo ti, ì be ke la ñapinkaŋ feŋo ti le. Mennu ye ali ke buusi feŋo ti, ì be ke la buusi feŋo ti le.

Yeremiya 38:16

Bari Mansa Sedekiya kalita n ye kulloo kono le ko, “A be koyiriŋ ñaameŋ ko Yaawe be baluuriŋ ne, meŋ ye niyo dii m̀ bee la, a be koyiriŋ wo le ñaama ko n te i faa la, waraŋ ka i duŋ kewolu bulu, mennu be i niyo nooma.”

Yeremiya 50:34

Bari ì Kumakaalaa bambanta le, a too mu Yaawe Alihawaa Maariyo le ti. A be loo la ì la kuwo la le famfaŋ, ka dahaa naati duniyaa ye, bari a be dahaabaliyaa le naati la Babiloninkoolu kaŋ.”

Yeremiya 51:15

Alla le ye bankoo daa a semboo la, a ye duniyaa sotondi a la ñaameŋo la, a ye saŋ fatoolu wanka ka bo a la londoo la.

Niikuyaa Suukuwolu 2:14

Ñiŋ loŋ ko, i la annabiyomoolu ko ì ye meŋ je, faniyaa kenseŋo niŋ neeneeri kumoolu le mu. Ì maŋ i la junuboo yita i la, ka i dandalaa, fo i kana taa mutoo kono, bari ì ye jeroo meŋ bankee i ye, faniyaa kenseŋo niŋ filindiroo le mu.

Esekiyeli 18:4

Ali si ñiŋ loŋ ko, moo-wo-moo niyo be nte Yaawe le bulu. Wuluulaa niŋ a diŋo bee mu n taa le ti. Moo-wo-moo ye junuboo ke, wo le be faa la.

Yoweli 3:19

“Misira be ke la tumbuŋo le ti, Edomu ye ke keñewula* kenseŋo ti, ì la Yahuuda fitinoo kaŋ, ì ye moolu faa jee, mennu maŋ kuu ke.

Jakariya 9:1

Yaawe* la kumoo fele, a ye meŋ fo Hadiraki tundoo ma, aniŋ Damasiku saatewo. A ñaa be looriŋ hadamadiŋolu bee kaŋ ne, ko a ñaa be Banisirayila lasiloolu bee kaŋ ñaameŋ.

Malaki 1:1

Malaki ye Yaawe* la kiilaariyaa kumoo meŋ futandi Banisirayilankoolu ma:

4 Musa 16:22

Bituŋ Musa niŋ Haaruna sujudita a ye, ì ko a ye ko, “Hee Alla, ite le mu Daamansoo ti meŋ ka niyo dii hadamadiŋo la. Niŋ moo kiliŋ ye junube kuwo ke, fo i be moo bee le jarabi la a la baŋ?”

Hiburunkoolu 12:9

Ŋà faalu soto ñiŋ duniyaa kono le. Ì ka ǹ kuluu, aduŋ ǹ ka ì horoma le. Wo to, m̀ Faamaa la kuwo duŋ, ŋà meŋ soto Arijana kono? Ka soŋ ate ma, wo le kummaayaata ka tambi ǹ na duniyaa alifaalu bee la, fo ǹ si baluu tooñaa soto noo.