Jakariya 11:6 - Mandinka Bible

⁶ Yaawe ko, “N te balafaa soto la ñiŋ bankoo moolu ye kotenke. M be jee moolu dammaalu dundi la ñoo la le, ŋa ì duŋ ì maralilaalu bulu. Ñiŋ maralilaalu be bankoo kasaara la le, aduŋ hani moo kiliŋ, n te a bo la ì bulu.”

Jakariya 11:6 Mawu Ofanana

Jabuuroolu 50:22

“Wo to, alitolu mennu ka ali ñaa kaasi Alla la, ali ali hakilitu ñiŋ to, niŋ wo nte n si ali faraŋ-faraŋ ko jatoo, aduŋ moo te ali tankandi noo la.

Yesaya 27:11

Niŋ ì yiribuloolu jaata, ì ka kati le ka joloŋ, musoolu ka ì ke loo ti. Tooñaa-tooñaa, ñinnu mu saatee moolu le ti, mennu maŋ fahaamuru soto. Wo le ye a tinna ì Daamansoo maŋ balafaa soto ì ye, ì Daalaa maŋ maakoyiri dii ì la.

Yesaya 3:5

Moolu be ñoo mantoora la le, moo si boyi a ñoŋ moo kaŋ, siiñoo, a siiñoo kaŋ. Fondinkewolu si i loo alifaalu fee, moo kenseŋolu si jutunnayaa tiliŋ buuñaa moolu la.

Yeremiya 13:14

Wo koolaa ŋa naa ì feteŋ ñoo la ka ì teyi, alifaalu niŋ dindiŋolu bee kafuriŋo. N te balafaa la, waraŋ ka yamfa, waraŋ ka hiina ì la, ka m bali ì kasaara la.” Yaawe le ye a fo.

Niikuyaa Suukuwolu 2:21

Woyi muna! Dindiŋolu niŋ keebaalu furewolu be laariŋ bankoo le to, mbeedoolu kaŋ taariŋ. N na sunkutoolu niŋ fondinkewolu, ì ye ì faa niŋ hawusaroo* la. I la kamfaa waatoo la, i ye ì faa niŋ balafaabaliyaa le la.

Niikuyaa Suukuwolu 5:8

Joŋolu le marata ǹ na, moo maŋ soto ka ǹ tankandi ì bulu.

Esekiyeli 8:18

Wo kamma la, m buloo be sii la ì ma le n na kamfaa baa kono, aduŋ n te balafaa la ì ye, sako n si ì tu jee. Hani niŋ ì wuurita ñaa-wo-ñaa ka n daani, n te ì danku la.”

Esekiyeli 9:10

Wo daliiloo le ye a tinna n te balafaa la ì ye, sako n si moo tu ì kono jee. M be ì joo la ì la kebaaroolu le la.”

Hoseya 1:6

Komeri ye konoo taa kotenke, a ye dimmusoo wuluu. Bituŋ Yaawe ko Hoseya ye ko, “A toolaa Lo-Ruhama la, kaatu n te balafaa soto la Banisirayila ye kotenke, waraŋ ka yamfa ì ye.

Hoseya 2:10

Saayiŋ m be a la malu kuwo laa la kenoo le to, a tuluŋñoolu ñaatiliŋo la, moo-wo-moo le te a bondi noo la m bulu.

Mika 5:8

Moo toomaalu mennu tuta Yaakuba koomalankoolu kono, be tara la banku koteŋolu le kaŋ, ko jatoo ka tara wulakono daafeŋolu kono ñaameŋ, ko niŋ jatoo dunta saajii koorewo kono, ka ñapi ì kaŋ, ka ì suboo kuntuŋ-kuntuŋ. Tankandirilaa te soto la.

Mika 6:14

Ali si domoroo ke fo, bari ali te faa la, ali be tara la konkoriŋ ne doroŋ. Ali be tu la feŋ yoronnoo le la, bari ì te ali nafaa la, aduŋ ali ye feŋ-wo-feŋ maabo, keloo mantooroo le be a bee taa la ali bulu.

Hakayi 2:22

M be maralilaalu la mansasiiraŋo boyindi la le, aniŋ ka banku koteŋolu la semboo janjaŋ. M be keleraŋ sareetoolu* niŋ ì borindilaalu boyindi la le. Suwoolu niŋ ì borindilaalu be boyi la le, aduŋ ì dammaalu le be ñoo faa la niŋ hawusaroo* la.”

Jakariya 11:14

Bituŋ n naata n na kantarilaŋ doko fulanjaŋo fanaa kati, ŋa meŋ toolaa Baadiŋyaa la, ka baadiŋyaa tiñaa Yahuuda niŋ Banisirayila teema.

Jakariya 11:5

Mennu ka ì saŋ ka ì kanateyi, feŋ buka ke ì la. Ì waafilaalu ka ñiŋ ne fo ko, ‘Tentoo be Yaawe ye, kaatu m̀ fankata le.’ Hani ì kantalaalu faŋo maŋ balafaa soto ì ye.”

Jakariya 11:9

Bituŋ n ko ì ye ko, “N te ke la ali kantalaa ti kotenke. Meŋ be faa la, wo ye faa, meŋ be kasaara la, wo ye kasaara, toolu mennu tuta, wolu si ñoo suboo domo.”

Jakariya 14:13

Wo luŋo la, Yaawe be a ke la le, ì ye bara ka duŋ ñoo to. Moo si ñapi a mooñoo kaŋ, ì ye kele.

Jakariya 8:10

Janniŋ ì ka a dati ka Batudulaa ñiŋ lookuu, dookuulaa be joo la meŋ na, waraŋ beeyaŋolu la luwaasoo, wo faŋo le maŋ soto. Taa niŋ naa faŋo maŋ koyi, jawoolu la kuwo kamma la. Ŋa a ke le, moolu ka boyi ñoo kaŋ.

Malaki 4:6

A ye wuluulaalu niŋ ì diŋolu ke kiliŋ ti, a ye diŋolu niŋ ì wuluulaalu ke kiliŋ ti, i si a je, niŋ n naata n te bankoo moolu bee kasaara la.”

Matiyu 10:21

“Baadiŋo be a baadiŋo jamfaa la le ka a faa, faamaa fanaa be a diŋo ke la wo le ñaama. Dindiŋolu be muriti la ì wuluulaalu ma le ka a tinna, ì ye ì faa.

Matiyu 22:7

Wo kamma la mansakewo kamfaata baake. A ye a la kelediŋolu kii ka wo moofaalaalu bee faa, aniŋ ka ì la saatewo jani.

Matiyu 24:10

Bituŋ n noomalanka jamaa be boyi la le, ì be ñoo jamfaa la, aduŋ ì be ñoo koŋ na le fanaa.

Yohana 19:15

Bari ì sarita ko, “A samba! A samba! A pempeŋ!” Bituŋ Payileti ko ì ye ko, “Fo ŋa ali la mansakewo pempeŋ baŋ?” Wo to le piriisi ñaatonkoolu ye a jaabi ko, “M̀ maŋ mansakee doo soto fo Rooma bankoo la mansa dammaa!”

1 Tesalonikankoolu 2:16

Ì ye ntolu bali le ka diyaamu moolu ye, mennu maŋ ke Yahuudoolu ti, fo wolu kana kiisoo soto. Ì ka ñiŋ kuwolu le ke, waati-wo-waati ì la junuboolu ka tu kafu la le. Bari labaŋo la, Alla la kamfaa baa naata ì kaŋ ne.

Hiburunkoolu 2:3

Wo to, ntolu duŋ? Ǹ si kana noo ñaadii le, niŋ ŋà ǹ ñaa kaasi ñiŋ ñoŋ kiisa baa la? Wo mu Maariyo faŋo le ti, meŋ ye ñiŋ kiisoo la kuwo bankee folooto, aduŋ moolu mennu ye a moyi, wolu ye a futandi m̀ ma le.

Yankuba 2:13

Kiitiyo le ka naa, meŋ buka balafaa soto moo ye, meŋ maŋ balafaa yitandi. Bari hani wo, balafaa le ye semboo soto kiitiyo ti.