Jakariya 11:3 - Mandinka Bible

³ Ali maralilaalu woosii kaŋo moyi baŋ, ì la kallankeeyaa yeemanta le. Ali ali tuloo loo jatoolu kumakaŋo la baŋ, Yoridani Boloŋo wuloo tiñaata le.

Jakariya 11:3 Mawu Ofanana

Jabuuroolu 22:21

N tankandi ñiŋ jatoolu daa ma, m be teeririŋ ñiŋ ninsituuraalu ñaatiliŋo la le.

Yesaya 5:29

Ì kumakaŋo ka munta le ko jatoo. Ì ka bumbuŋ ne ko jata mendiŋo. Ì ka ŋuura le, ì ye ì la suboo ñapinkaŋ. Ì ka a samba le, moo buka a taa noo ì bulu.

Yesaya 65:15

N na tomboŋ moolu be alitolu too muta la dankoo le ti, kaatu nte ali Maarii Yaawe le be ali faa la. Bari m be too doo le dii la moolu la mennu ye n horoma.

Yeremiya 2:15

Ì jatamaalu bumbunta i kamma le, ì ye i ŋuura, ì ye i la bankoo kenseŋyandi, ì ye i la saatewolu tumbuŋ, moo maŋ tu sabatiriŋ ì kono.

Yeremiya 2:30

A ko: “Banisirayilankoolu, ŋa ali kuluu le, bari a maŋ nafaa soto. Ali maŋ soŋ tilindiroo la. Komeŋ jata konkoriŋo, ali ye ali la annabiyomoolu faa niŋ ali la hawusaroo* le la.

Yeremiya 26:6

Niŋ ali maŋ i lamoyi n na, m be n na ñiŋ Batudulaa Buŋo buruka la le ko ŋa n na batudulaa ke ñaameŋ, meŋ tarata nuŋ Silo saatewo to. Wo to le m be ñiŋ saatewo ke la danka feŋo ti duniyaa banku koteŋolu bee ye.”

Yeremiya 49:19

“Ko niŋ jatoo bota naŋ ñunkoo kono, Yoridani sutoo kono, ka naa boyinkaŋo la, Edomu beeyaŋ daañini dulaalu to, m be a moolu bayi la a bankoo kaŋ wo le ñaama, kataba kiliŋ. Ŋa moo-wo-moo tomboŋ, wo le be a mara la. Jumaa le niŋ nte si tembe noo, ka i loo m fee? Ñaatonka jumaa le si loo noo n ñaato?

Yeremiya 50:44

Ko niŋ jatoo bota naŋ ñunkoo kono, Yoridani sutoo kono, ka naa boyinkaŋo la, kantari kene kendoolu to, m be a moolu bayi la bankoo kaŋ wo ñaama le, kataba kiliŋ. Ŋa moo-wo-moo tomboŋ, wo le be a mara la. Jumaa le niŋ nte si tembe noo, ka i loo m fee? Ñaatonka jumaa le si loo noo n ñaato?

Yeremiya 7:4

Ali kana jiki ñiŋ neeneeri kumoolu la ka a fo doroŋ ko, ‘Ñiŋ mu Yaawe Batudulaa Buŋo le ti, Yaawe Batudulaa Buŋo, Yaawe Batudulaa Buŋo!’

Esekiyeli 19:2

ka a fo ko: I baamaa keta nuŋ jatamusoo le ti jatoolu kono. A ka i laa jatandiŋolu le kono, ka a diŋolu topatoo jee.

Hoseya 10:5

Ninsiriŋ jalaŋo meŋ be Beti-Aweni, a la kuwo ye Samariyankoolu dewuŋ ne. A batulaalu be a la kuwo woosii la le, a piriisoolu* si a la kallankeeyaa kumboo, kaatu a be taa mutoo kono le.

Yoweli 1:13

Alitolu piriisoolu, ali booto funtoo duŋ, ali ye woosii, ali kumboo, alitolu Alla la sadaabolaalu. Alitolu, n na Alla la dookuulaalu, ali naa, ali ye suutoo bee ke booto funtoo kono. Siimaŋ sadaa niŋ miŋ feŋ sadaa danta ali la Alla Batudulaa Buŋo to.

Amosi 8:8

Ñiŋ baara jawoolu kamma la, duniyaa si jarajara, duniyaa moolu bee ye woosii. Bankoo bee si jarajara, a si jiijaa ko Nayili baajiyo ka ke ñaameŋ meŋ be Misira.”

Sefaniya 1:10

Yaawe ye ñiŋ ne fo ko: “Wo luŋo la, ali be kumboo kaŋo moyi la, Ñee Dundaŋ Daa to, Yerusalaamu, lembakaŋo Saatewo Bajonkoo to, aniŋ kasaaroo maakaŋo konkoolu to naŋ.

Sefaniya 3:11

Ñiŋ luŋo la, malu kuu te laa la ali kaŋ kotenke, ali ye kuu kuruŋolu mennu tiliŋ n na nuŋ, ka balaŋ m ma. Bari m be kufantoolu niŋ faŋ wara moolu bee bondi la ali kono le. Moo te a faŋ wara la n na konko senuŋo* kaŋ kotenke.

Sefaniya 3:3

Ñaatonkoolu mennu be jee, ì ka muluŋ ne ko jata bumbunnaa, a kiitiikuntulaalu ka muluŋ ko suluu konkoriŋo, ì be hadumeriŋ, ì buka hani kulu jaaroo faŋo le tu, wulaaroo niŋ soomandaa teema.

Jakariya 11:2

Junipa yiroolu, ali woosii, sedari yiroolu boyita, yiri kallankewolu tiñaata. Basani tundoo yiri baalu, ali woosii, wula dibiŋo yiroolu bee teyita le.

Jakariya 11:8

Kari kiliŋ kono, ŋa kantarilaa saba bayi. M pasita saajiyolu la kuwo la, ì fanaa ye n koŋ.

Matiyu 15:14

Ali ì tu jee. Itolu mu finkintewolu le ti, mennu ka finkintewolu kenkeŋ. Niŋ finkintewo ye finkintewo kenkeŋ, ì bee be boyi la dinkoo kono le.”

Kiilaalu 7:52

Jumaa le sotota annabiyomoolu kono nuŋ, ali mumuñolu maŋ meŋ toora? Ì ye doolu faa, mennu ye Tilindiŋo la naa kankulaa ì ye. Aduŋ alitolu naata ñiŋ Tilindiŋo jamfaa, ali ye a faa.