Jakariya 10:1 - Mandinka Bible

¹ Ali Yaawe* daani samaajiyo la a waatoo la, ate meŋ ka tawaloolu dadaa. Ali a daani, ate meŋ ka samaajiyo jurumi naŋ ali ye, a ye moo bee la kunkoo fiifeŋolu falindi.

Jakariya 10:1 Mawu Ofanana

1 Mansoolu 17:1

Saayiŋ Eliya meŋ bota Tisibe Kileyadi tundoo kaŋ, ko Ahabu ye ko, “Ŋa n kali Yaawe* la, Banisirayila la Alla, m mu meŋ na dookuulaa ti ko komboo te ke la sako sanjoo ñiŋ saŋ naalaalu bee kono, niŋ a maŋ ke n na kumoo kaŋ ti.”

Yuuba 29:23

Ì ka tara m batu kaŋ ne ko samaajiyo. Ì ka tara hameriŋ m fokumoolu la le ko samaajii labaŋo.

Jabuuroolu 104:13

I ka samaajiyo jindi konkoolu kaŋ ne ka bo i sabatidulaa to saŋo santo, ka duniyaa fandi i la neemafeŋolu la.

Jabuuroolu 135:7

Ate le ka tawaloolu ke santo duniyaa daŋolu to, a ka saŋ ŋalasoo ke samaajiyo ye, aduŋ a ka foñoo bondi naŋ a la foñobuŋolu le kono.

Jabuuroolu 65:9

I ka kaayaa bankoo ye le ka samaajiyo jindi a kaŋ, i ka a yiriwandi kendeke le. Ite Alla la jiibuŋo be faariŋ ne tep. Ite le ka siimaŋolu falindi bankoo kaŋ, i ye a kuwo laa wo le ñaama.

Jabuuroolu 72:6

Allamaa mansa ke la komeŋ samaajiyo, meŋ ka ke fiifeŋolu kaŋ, komeŋ sanjiyo ka buruntu bankoo kaŋ ñaameŋ.

Kuma Kotoomaalu 16:15

Niŋ mansa ñaalantoo be diyaariŋ, wo mu baluwo le ti, aduŋ a la beteyaa ka muluŋ ne ko tawaloo meŋ ka samaa naati.

Yesaya 30:23

Yaawe be samaa jindi la ali la fiifeŋolu kaŋ ne, siimaŋo meŋ be faliŋ na bankoo kaŋ si beteyaa, a ye siyaa. Wo luŋo la, ali la ninsi koorewolu be daañiniŋo ke la dulaa fanuriŋ baalu le to.

Yesaya 44:3

Bankoo meŋ suulata jiyo la, m be jamaa ke la jee le, ŋa jiyo boŋ banku jaaroo kaŋ. M be n na Nooroo dii la ali diŋolu la le, ŋa n na neemoo jindi ali koomalankoolu kaŋ.

Yesaya 5:6

M be a ke la doodulaa nafantaŋo le ti, n te a yiribuloolu kuntu la n te a juwo koto bindee la. Ŋaniŋolu si faliŋ jee! M be saŋo yaamari la le, a kana samaa jindi jee.

Yeremiya 10:13

Niŋ a kumata, jii jamaa le ka bumbuŋ saŋ fatoolu kono, a ka tawaloolu wulindi ka bo duniyaa daŋolu bee to. A ka saŋ ŋalasoo niŋ samaajiyo le jindi, a ye foñoo fee naŋ ka bo a la foñobuŋolu kono.

Yeremiya 14:22

Banku koteŋ moolu la jalaŋ kenseŋ jumaa le si samaajiyo ke noo? Waraŋ fo saŋ fatoolu si jiyo ke noo ì faŋ ye baŋ? Fo a maŋ ke ite Yaawe, ǹ na Alla le ti? Ŋà ǹ jikoo loo ite le kaŋ, kaatu ite le ka ñiŋ kuwolu bee ke.”

Yeremiya 5:24

Ì buka ñiŋ miira ì sondomoolu kono ko, ‘M̀ batu ŋà sila Yaawe ǹ na Alla la, ate meŋ ka samaajiyo dii a waatoo la, samaa foloo jiyo, samaa labaŋ jiyo, ka katiri sanjaanoolu jikoo dii ǹ na.’ ”

Yeremiya 51:16

Niŋ a kumata, jii jamaa le ka bumbuŋ saŋ fatoolu kono, a ka tawaloolu wulindi ka bo duniyaa daŋolu bee le to. A ka saŋ ŋalasoo niŋ samaajiyo le jindi, a ye foñoo fee naŋ ka bo a la foñobuŋolu kono.

Esekiyeli 34:26

M be wo dulaalu aniŋ n na konko senuŋo* niŋ a dandaŋolu bee ke la ì ye neemoo le ti, aduŋ m be n na samaa neemoo dii la ì la a waatoo le la. M be neemoo sanjimaa le boŋ na ì kaŋ.

Esekiyeli 36:37

Maarii Yaawe ye ñiŋ ne fo ko: “M be soŋ na le Banisirayilankoolu ye n daani ka ì la moolu siyandi komeŋ beeyaŋ koorewolu ka siyaa ñaameŋ.

Hoseya 10:12

Ali ali la bankulaa sene, ali ye tiliŋo fii jee, kanu bambaloo be faliŋ na ali ye le. Waatoo siita le ka nte Yaawe ñini, fo n si naa ka tiliŋo jindi ali kaŋ ko sanjoo.

Hoseya 6:3

Saayiŋ, ali ŋà ǹ na katoo daŋo bee ke, ka Yaawe loŋ, ka a la kuwo fahaamu. A be naa ǹ kaŋ ne, wo be koyiriŋ ne ko perekaanoo, a be naa la ǹ kaŋ ne ko, samaajiyo ka bankoo jiiboŋ ñaameŋ, samaa foloo niŋ samaa labaŋ jiyo.”

Amosi 4:7

Ŋa ali bali samaa fanaa la, biriŋ sanjaanoo dasata kari saba. N ka samaa ke saatee doo to, ŋa saatee doo bali. Samaa ka ke kunku doo to, doo buka a soto, a ye jaa.

Mika 5:7

Yaakuba koomalankoolu mennu tuta, be tara la janjandiŋ bankoolu le kaŋ. Ì la kuwo be muluŋ na le komeŋ komboo, Yaawe ye meŋ jindi naŋ, waraŋ samaajiyo, ñaamoolu kaŋ. Ì te ì jiki sembe la moo la, sako ì si taamaayaa hadamadiŋ na.

Yohana 16:23

Wo luŋo la, ali te nte ñininkaa la feŋ na. Tooñaa-tooñaa, m be a fo la ali ye, niŋ ali ye m Faamaa daani feŋ-wo-feŋ na nte too la, a be a dii la ali la le.

1 Korintinkoolu 3:6

Nte ye tuturoo le ke, Apollos ye a jiiboŋ, bari Alla le ye ì falindi.

5 Musa 28:23

Saŋo palanteeroo si soroŋ ali kunto, bankoo ye jaa ko newo.

Yankuba 5:7

Wo to baadiŋolu*, ali muña fo Maariyo ye naa. Ali senelaa la kuwo juubee, a ka siimaŋ kese betoolu batu muñoo kono le, a ye mennu fii, fo ì ye samaajii foloo niŋ labaŋo soto.