Jakariya 1:19 - Mandinka Bible

¹⁹ Bituŋ ŋa malaayikoo ñininkaa kotenke meŋ niŋ m be diyaamu kaŋ ko, “Ñinnu mu muŋ ne ti?” A ye n jaabi ko, “Ñiŋ binoolu le mu bankoolu ti, mennu ye Yahuuda, Banisirayila aniŋ Yerusalaamu janjaŋ.”

Jakariya 1:19 Mawu Ofanana

1 Mansoolu 22:11

Annabiyomu kiliŋ tarata ì kono meŋ too mu Sedekiya ti, Kenaana dinkewo. A ye nee binoolu le dadaa, a ko Mansa Ahabu ye ko, “Yaawe ko, ka bo niŋ ñiŋ binoolu la, i be Aramunkoolu kele la ka ì kasaara.”

Esira 4:1

Kabiriŋ Yahuuda niŋ Benjamini lasili moolu jawoolu ye a moyi ko, moolu mennu tarata mutoo kono seyita naŋ ne, ka naa Yaawe* Batudulaa Buŋo* seyinkaŋ loo, Banisirayila la Alla,

Esira 4:4

Bituŋ moolu mennu tarata siiriŋ bankoo kaŋ, ye a kata ka Yahuudoolu jikilateyindi, aduŋ ì ye ì silandi fo ì kana buŋ loo ke noo.

Esira 4:7

Tukuŋ, Atasasita la mansayaa kono, Bisilamu, Mitiredati, Tabeeli, aniŋ ì kafuñoo toomaalu ye leetaroo safee, ì ye a kii Perisiya mansa Atasasita ye. Leetaroo ñiŋ safeeta niŋ Arameya kaŋo le la, bari ì ye a yelemandi kaŋ doo le to.

Esira 5:3

Wo waati kiliŋo la Yufurati Baakoo kumandaŋo Tatenayi, aniŋ Setari-Bosenayi, aniŋ ì dookuuñoolu naata ì kaŋ ka ì ñininkaa ko, “Jumaa le ye kaŋo dii ali la ka ñiŋ buŋo loo, aniŋ ka jooraŋolu parendi a ye?”

Jabuuroolu 75:4

M be a fo la kibirilaalu ye ko, ‘Ali kana kibiri,’ aniŋ moo kuruŋolu ye ko, ‘Ali kana ali semboo yitandi.

Jabuuroolu 75:5

Ali kana ali semboo yitandi faŋ waroo kaŋ, ka diyaamu kuluubaliyaa kaŋ.’ ”

Yeremiya 48:25

Mowabi binoo katita le, a semboo tiñaata.” Yaawe le ye a fo.

Daniyeli 12:7

Malaayikoo ñiŋ ye a bulu fuloo wulindi, a ye ì tiliŋ saŋo la. Ŋa a moyi le a ye laahidi bambandiŋo dii badaa-badaa Alla too la ko, “A be taa le fo sanji saba niŋ too. Alla la moolu la mantooroo be baŋ na tuma-wo-tuma, wo be a tara la le ñiŋ kuwolu bee keta.”

Daniyeli 7:16

Kafoo meŋ tarata looriŋ jee, n katata kiliŋ na ì kono, ŋa a ñininkaa ka ñiŋ kuwolu bee koyindi m ma. Wo le to a ye kuwolu ñinnu bee fasari n ye, a ko n ye ko,

Amosi 6:13

Ali ka kibiri ali la Lo-Deba saatewo noo la, ali ye ali faŋ wara ka a fo ko, ali ye Karinayimu saatewo taa niŋ ali faŋo birisoo le la.

Habakuki 3:14

Ite le ye a kuŋo soo a faŋo la kalabeñoo la, biriŋ a la kelediŋolu naata ǹ kaŋ niŋ semboo la, ka ǹ caarindi. Ì niŋ seewoo baa, ì pareeriŋo ka moo bataariŋolu kasaara, mennu be maaboriŋ.

Jakariya 1:18

Ŋa n kuŋo wuli, ŋa bina naani je n ñaatiliŋo la.

Jakariya 1:21

Ŋa ñininkaaroo ke ko, “Ñinnu ka naa muŋ ne la?” A ye n jaabi ko, “Ñiŋ tunkannaalu naata le ka bankoolu silandi, ka ì juru, ka ì semboo tiñaa, kaatu ì ye Yahuuda moolu janjandi le, fo ì maŋ semboo soto kotenke.”

Jakariya 1:9

Malaayikoo le be nuŋ jee, meŋ be diyaamu kaŋ n ye, ŋa wo ñininkaa ko, “M maarii, ñiŋ suutiyolu duŋ?” A ye n jaabi ko, “M be a yitandi la i la le, ì mu meŋ ti.”

Jakariya 2:2

Bituŋ ŋa a ñininkaa ko, “I ka taa mintoo le?” A ye n jaabi ko, “N ka taa Yerusalaamu le sumaŋ, ka a konoo la fanoo niŋ a karoo la jamfoo loŋ.”

Jakariya 8:14

Yaawe Alihawaa Maariyo ye ñiŋ ne fo ko: Biriŋ ali mumuñolu ye n kamfandi, ŋa ñiŋ ne feere nuŋ ka ì jarabi, aduŋ m maŋ a baayi, ŋa ì jarabi le.