Jakariya 1:12 - Mandinka Bible

¹² Bituŋ Yaawe la malaayikoo ko, “Yaawe Alihawaa Maariyo, i tarata kamfaariŋ Yerusalaamu niŋ Yahuuda saatewolu kamma le ñiŋ sanji taŋ woorowuloo kono. Janniŋ waati jumaa le duŋ i be wo bo la ì kaŋ, i ye i la hiinoo yitandi ì la?”

Jakariya 1:12 Mawu Ofanana

2 Taarika 36:21

Bituŋ Yaawe ye meŋ bankee ka bo niŋ Yeremiya la timmata ko, bankoo ñiŋ be tara la foñondiŋo la le, a senebaloo fo sanji taŋ woorowula, ka loobula saŋolu jooseyi, ì maŋ mennu bula nuŋ.

Jabuuroolu 102:13

I be wuli la le ka balafaa soto Siyoni* ye. Waatoo siita le ka i la hiinoo yitandi a la. Waatoo meŋ tombonta, a siita le.

Jabuuroolu 69:5

Hee Alla, ite ye nte la jenkoo loŋ ne. N na boyidaalu maŋ nukuŋ i ma.

Jabuuroolu 74:10

Hee Alla, janniŋ muŋ tuma le ǹ jawoolu be tara la i ñaawali la? Fo ì be tu la i neŋ na le baŋ fo fawu?

Jabuuroolu 79:5

Hee Yaawe*, janniŋ muŋ tuma le mu? Fo i be tu la kamfaariŋ m̀ fee le fo abadaa? Fo ǹ na kuwo diminnaa be tu la i kono le ko dimbaa?

Kawandilaa 3:3

Waati le be faaroo la, waati be kendeyandiroo la. Waati le be tiñaaroo la, waati be dadaaroo la.

Yesaya 47:6

Kabiriŋ n kamfaata n na moolu kamma, m maŋ ì ke m faŋo taa ti kotenke, ŋa ì duŋ i bulu le, bari i maŋ balafaa soto ì ye. I ye duni kuliŋ baa laa keebaa kotoolu faŋo kaŋ ne.

Yesaya 63:9

Niŋ ì ye niitoora-wo-niitoora soto, a fanaa niyo ka kuyaa le. A maŋ ke malaayikoo ti meŋ ye ì tanka, bari a la taroo ì fee. A ye ì kumakaa a la balafaa niŋ a la kanoo le kaŋ, a ye ì sika le ka ì bambu kabiriŋ waati jaŋ koomanto.

Yeremiya 12:4

Ñiŋ bankoo be tara la jaariŋ fo janniŋ muŋ tuma, kenoolu bee ñaamoo ye tara nororiŋ? Moolu la kuruŋyaa kamma la, mennu be siiriŋ a kaŋ, daafeŋolu niŋ kunoolu bee le turutumbunta. Bayiri moolu ka a fo le ko, “A te a je la kuu ye ke ntolu la.”

Yeremiya 15:17

M buka sii tulunnaalu la kafoo kono, sako n si jusulaa. N ka tara m faŋ ye le, kaatu m be ite le bulu marariŋ, aduŋ n ka faa i ye jusukandoo la le, moolu la kuwo to.

Yeremiya 29:10

“Nte Yaawe ye ñiŋ ne fo ko: Niŋ Babiloni la sanji taŋ woorowula maraloo kumfaata, m be ali hati la le, ŋa kuu kendoo timmandi ali ye, ŋa ali laahidi meŋ na, ka ali seyindi naŋ.

Yeremiya 30:18

Yaawe ye ñiŋ ne fo ko: “A juubee, m be Yaakuba koomalankoolu murundi la le ka tara firiŋo kono, aduŋ m be balafaa soto la ì ye ì sabatidulaalu la kuwo to le. Yerusalaamu saatewo be lookuu la a tumbuŋ noo to konko tintoo kaŋ ne, aduŋ mansasuwo be seyinkaŋ loo la a noo kotoo to le.

Daniyeli 12:6

Malaayika doo ye doo ñininkaa, fataroo be dundiŋ meŋ na, a be looriŋ baa kunto. A ko a ye ko, “A be taa fo muŋ tuma le janniŋ ñiŋ kaawakuwolu be ke la?”

Daniyeli 9:2

A la mansayaa sanji foloo la, ŋa a koroosi kitaaboolu kono le ko, Yerusalaamu be sanji taŋ woorowula le ke la tumbundiŋ. Wo be looriŋ Yaawe* la kumoo le kaŋ, a ye meŋ dii Annabilayi Yeremiya la.

Habakuki 1:2

Hee Yaawe, kabiriŋ waati jaŋ m be deemaaroo ñini kaŋ i bulu, i be n danku la waati jumaa le? M be woosii kaŋ i ye ñiŋ ne la ko, fitinoo meeta minindiŋ moolu la le. Saayiŋ waati jumaa le mu, i be m̀ bo la a kono?

Jakariya 1:8

Suutoo ŋa jeroo ke jaharaŋo kono. Ñiŋ jeroo kono, ŋa kewo le je n ñaatiliŋo la, a be suu wuleŋo kaŋ, a be looriŋ miritali yiroolu kono wulumbaŋo kono. A kooma, suu koyi tiyolu be looriŋ jee, suu wuleŋ tiyolu, aniŋ mennu be ko wuluyeloo.

Jakariya 7:5

“A fo bankoo moolu bee ye, aniŋ piriisoolu ko, ‘Ñiŋ sanji taŋ woorowuloo meŋ tambita, ali ka suŋo meŋ ke saŋo kari luulunjaŋo niŋ woorowulanjaŋo kono, ali niŋ niikuyaa, fo ali ka wo suŋo ke nte le ye baŋ?

Hiburunkoolu 7:25

Wo le ye a tinna a ka moolu kiisa noo, mennu ka sutiyaa Alla la ka bo niŋ ate la, baawo a be baluuriŋ ne fo abadaa ka duwaa ì ye.

Lankenemoo 6:10

Ì sarita niŋ sari baa la ko: “M̀ Maarii Mansa Tallaa! Ite meŋ jankuta, ite meŋ mu tooñaa ti, fo i la kiitiyo be mee la le hani saayiŋ? Waati jumaa le i be moolu joo la, mennu ye ntolu faa?”