Jabuuroolu 99:9 - Mandinka Bible

⁹ Ali Yaawe jayi, ǹ na Alla, ka sujudi a ye a la konko senuŋo* to. Kaatu ǹ na Alla, Yaawe seneyaata le!

Jabuuroolu 99:9 Mawu Ofanana

Jabuuroolu 132:7

Bituŋ ǹ ko, “Ali ŋà taa Yaawe la sabatidulaa to. Ali ŋà sujudi a siŋo koto.”

Jabuuroolu 2:6

A ko, “Ŋa n na mansa londi Siyoni* le, n na konko senuŋo* kaŋ.”

Jabuuroolu 99:3

Batu ì ye a jayi a too la, a too silaŋñaa warata le. Yaawe seneyaata le!

Jabuuroolu 99:5

Ali Yaawe jayi ǹ na Alla. Ali sujudi a ye a siŋ looraŋo to. Yaawe seneyaata le!

Yesaya 5:16

Bari Yaawe Alihawaa Maariyo la kiitiyo ye a la mansabaayaa yitandi le, Mansa Senuŋo la tiliŋo ye a la seneyaa yitandi.

Yesaya 57:15

Mansa meŋ be santo-santo, a be kallankeeyaariŋ* ne, a be baluuriŋ fo abadaa, aduŋ a too kuliyaata, a ye ñiŋ ne fo ko: “M be sabatiriŋ dulaa sikandiriŋo le to aniŋ dulaa senuŋo. Bari fanaa m be sabatiriŋ moo jikilateyiriŋolu aniŋ fammajiilaalu le fee, fo n si fammajiilaalu niyo kutayandi, aniŋ ka jikilateyiriŋolu sondomoo bambandi.

Yesaya 6:3

Ì tarata a fo la ñoo ye le ko, “Seneyaa, seneyaa, seneyaa be Yaawe* Alihawaa Maariyo* le fee. Duniyaa bee be faariŋ a la semboo niŋ a la waroo le la.”

Habakuki 1:12

Yaawe*, ite be keriŋ ne biriŋ, Yaawe, n na Alla, n na Senuŋ Baa, ite meŋ be tu la fo abadaa. Ite le ye Babiloninkoolu tomboŋ ka kiitii koleŋo laa ǹ kaŋ. Ite tankandirilaa, ite le ye semboo dii ì la ka naa ǹ jarabi.

Luka 1:49

kaatu Alla Tallaa ye kuu baalu le ke n ye. A too seneyaata le.

Lankenemoo 3:7

“A safee n na kafoo malaayikoo ye, meŋ be Filadelifiya saatewo kono: “Nte la kumoo fele, nte meŋ jankuta, aduŋ m mu tooñaa ti, Mansa Dawuda la caaboo be nte le bulu. Ŋa meŋ yele, moo-wo-moo te a soroŋ noo la, aduŋ ŋa meŋ soroŋ, moo le te wo yele noo la.

Lankenemoo 4:8

Wo daafeŋ baluuriŋ naanoo, ì meŋ-wo-meŋ ye dampaŋ wooro le soto. Wo dampaŋolu be faariŋ ñaalu le la, ì kara fuloo bee. Suuto tili, ì nene maŋ i dahaa ñiŋ jayiroo la ko: “Seneyaa, seneyaa, seneyaa be Maarii Alla Tallaa le fee, ate meŋ be keriŋ nuŋ, meŋ be keriŋ, aniŋ meŋ be naa la.”

1 Samuweli 2:2

Senuŋ Baa te jee Yaawe koolaa, kiliŋ te jee meŋ be ko ite. Semberaŋ beroo te jee, meŋ be ko ǹ na Alla.