Jabuuroolu 94:3 - Mandinka Bible

³ Hee Yaawe, janniŋ muŋ tuma le mu moo kuruŋolu be tara la seewooriŋ? Yaawe, janniŋ muŋ tuma?

Jabuuroolu 94:3 Mawu Ofanana

Esita 7:10

Bituŋ ì ye Hamani deŋ moo dendulaa bala a faŋo ye meŋ parendi Moridekayi ye. Bituŋ mansa la kamfaa bota.

Esita 7:6

Esita ko a ye ko, “Ǹ toorandilaa niŋ ǹ jawoo mu ñiŋ Hamani moo kuruŋo le ti.” Bituŋ Hamani ye a ñaa mala mansa niŋ a la musoo kaŋ.

Yuuba 20:5

moo kuruŋolu la kontaanoo loo buka jamfa, aniŋ Alla sookilaalu la seewoo ka ke waati kuntundiŋ doroŋ ne ti?

Jabuuroolu 43:2

Ite Alla le mu n tuukuraŋo ti, muŋ ne ye a tinna i ye m bula? Muŋ ne ye a tinna m be tu la teŋ, komeŋ m be saŋakumboo le la, n jawoolu la m mantooroo kamma la?

Jabuuroolu 73:8

Ì ka jele moo koteŋolu la ì ka kuma jawoo fo, aduŋ ì la faŋ waroo kaŋ ì ka moolu silandi.

Jabuuroolu 79:5

Hee Yaawe*, janniŋ muŋ tuma le mu? Fo i be tu la kamfaariŋ m̀ fee le fo abadaa? Fo ǹ na kuwo diminnaa be tu la i kono le ko dimbaa?

Jabuuroolu 80:4

Hee Yaawe* Alihawaa Maariyo*, janniŋ muŋ tuma le i be tara la kamfaariŋ, ka balaŋ i la moolu la duwaa jaabi la?

Jabuuroolu 89:46

Hee Yaawe, janniŋ muŋ tuma? Fo ite be tu la i faŋ maabo la le fo abadaa? Janniŋ muŋ tuma le i la kamfaa be tu la mala la ko dimbaa?

Yeremiya 47:6

“Ali ka ñiŋ ne kumboo ko, ‘Hee, Yaawe la hawusaroo*, muŋ tuma le i be i foño la faaroo la? Seyi i laa kono, i ye i foñondiŋ ka tenkuŋ.’

Habakuki 1:2

Hee Yaawe, kabiriŋ waati jaŋ m be deemaaroo ñini kaŋ i bulu, i be n danku la waati jumaa le? M be woosii kaŋ i ye ñiŋ ne la ko, fitinoo meeta minindiŋ moolu la le. Saayiŋ waati jumaa le mu, i be m̀ bo la a kono?

Lankenemoo 6:10

Ì sarita niŋ sari baa la ko: “M̀ Maarii Mansa Tallaa! Ite meŋ jankuta, ite meŋ mu tooñaa ti, fo i la kiitiyo be mee la le hani saayiŋ? Waati jumaa le i be moolu joo la, mennu ye ntolu faa?”