Jabuuroolu 9:1 - Mandinka Bible

¹ M be ite Yaawe* tentu la niŋ n sondomoo bee le la. M be kaawakuwolu bee le seyinkaŋ na, i ye mennu ke.

Jabuuroolu 9:1 Mawu Ofanana

1 Taarika 16:12

Alitolu Isirayila, Alla la dookuulaa koomalankoolu, Yaakuba koomalankoolu, Yaawe ye mennu tomboŋ, ali i miira kuu baalu la, a ye mennu ke, aniŋ a ye kaawakuwolu niŋ kiitiiteyoolu mennu taamandi.

1 Taarika 16:24

Ali a la semboo niŋ waroo kankulaa bankoolu bee kaŋ, aniŋ a la kaawakuu baalu duniyaa siyolu bee kono.

Jabuuroolu 106:2

Jumaa le si kuwolu bee fo noo Yaawe ye mennu ke, waraŋ ka a jayi noo timmarinke?

Jabuuroolu 111:1

Ali Yaawe* jayi. M be Yaawe tentu la niŋ n sondomoo bee le la, a la moo tilindiŋolu la beŋo to.

Jabuuroolu 138:1

Hee Yaawe*, m be i tentu la niŋ n sondomoo bee le la. M be suukuwo laa la le ka i tentu sembetiyolu ñaatiliŋo la.

Jabuuroolu 26:7

ka tenturu suukuwo laa santo, ka i la kaawakuwolu bee seyinkaŋ.

Jabuuroolu 51:15

Maariyo, m firiŋ fo n si kuma noo, aduŋ m be i jayi la le.

Jabuuroolu 7:17

M be Yaawe tentu la a la tiliŋo kaŋ ne. M be suukuwo laa la le ka Yaawe jayi a too la, Mansa Tallaa.

Jabuuroolu 86:12

M Maarii Alla, m be i tentu la niŋ n sondomoo bee le la, aduŋ m be i too horoma la le fo fawu.

Jabuuroolu 9:14

ñiŋ kamma la n si loo saatee ñiimaa Siyoni dundaŋ daalu* to, ka kuwolu seyinkaŋ moolu ye, n ka i tentu mennu la, ka seewoo, kaatu i ye n kiisa le.

Yesaya 12:1

Wo luŋo la, i be a fo la le ko: “Hee Yaawe*, m be i jayi la le! I kamfaabaata n kamma ñaa-wo-ñaa, i la kamfaa banta le, i ye n ñaajiyo fita.

Yesaya 43:21

m faŋo ŋa n na moolu mennu daa, fo ì si n jayi ka a janjandi taariŋ.

Yesaya 60:6

Ñonkome koorewolu be i la bankoo bee beŋ na le, Midiyani niŋ Efa ñonkomoolu, ì niŋ ì la marisandiisoolu. Sebankoolu be naa le, ì niŋ sanoo niŋ cuuraayoo, aduŋ ì be tara la nte Yaawe too kankulaa la le, ka a jayi.

Luka 10:27

A ye Yeesu jaabi ko, “I si Maariyo, i la Alla kanu niŋ i sondomoo bee la, i niyo bee la, i semboo bee la aniŋ i hakiloo bee la, aduŋ i si i siiñoo kanu ko i faŋo.”

Hiburunkoolu 13:15

Wo to, ali ŋà tu jayiroo dii la Alla la, ka bo niŋ Yeesu la. Ñiŋ jayiroo le mu ǹ na sadaa* ti, meŋ ka a seedeyaa ko, ate le mu Maariyo ti.

Lankenemoo 15:3

Ì be Annabilayi Musa la suukuwo laa kaŋ, meŋ mu Alla la dookuulaa ti, aniŋ Saajiiriŋo la suukuwo. Ì be a fo kaŋ ko: “Ite Maariyo, Alla Mansa Tallaa, i la baara kuwolu warabaata le, ì kaawakuuyaata. Ite mu Mansa le ti nasiyoŋolu bee kunto, i la siloolu mu tiliŋo niŋ tooñaa le ti.