Jabuuroolu 81:9 - Mandinka Bible

⁹ Batufeŋ koteŋ maŋ ñaŋ na tara la ali fee. Ali kana sujudi ka bantalanka batufeŋolu batu fereŋ.

Jabuuroolu 81:9 Mawu Ofanana

1 Mansoolu 22:19

Bari Mikaya tententa ka a fo ko, “I lamoyi saayiŋ Yaawe ye kumoo meŋ fo. Ŋa Yaawe je siiriŋ a la mansasiiraŋo kaŋ Arijana kono, a la malaayikoolu bee be looriŋ a karadandaŋolu la.

Jabuuroolu 44:20

Niŋ a ye a tara ntolu ñinata ǹ na Alla la le, waraŋ ŋà m̀ buloolu sikandi sii koteŋolu la batufeŋo le ye ka a batu,

Jabuuroolu 50:7

“N na moolu, ali i lamoyi, m be diyaamu la le. Banisirayilankoolu, m be ali tuumi la le. Nte le mu Mansoo ti, ali la Alla.

2 Musa 15:26

A ko, “Niŋ ali ye ali hakiloo tu nte Yaawe ali la Alla la ñiŋ kumoo to, kuwo meŋ tilinta, ali ye wo ke n ñaa koto, aniŋ ali ye n na yaamaroolu muta, ka n na luwaalu bee ke a ñaama, n te hani kuuraŋ kiliŋ ne naati la ali kaŋ ko ŋa meŋ ke Misirankoolu la. Kaatu nte le mu Yaawe ti, meŋ ka ali jaara.”

Yesaya 28:23

Ali i lamoyi, n ka meŋ fo, ali ali hakiloo tu kumoo to, m be meŋ fo la ali ye.

Yesaya 43:12

Ŋa a bankee ali ye le ka a kankulaa meŋ be naa ke la, ŋa ali tankandi. Batufeŋ koteŋ te jee meŋ si ñiŋ ke noo.” Yaawe le ye ñiŋ fo ko: “Alitolu faŋo si ke n seedoo ti ko, nte le mu Alla ti.

Hoseya 4:1

Alitolu Banisirayilankoolu, ali ali tuloo loo Yaawe* la kumakaŋo la. Yaawe ye Banisirayila siilaalu tuumi ñiŋ ne la ko: “Ñiŋ bankoo kaŋ, foroyaa te keriŋ waraŋ tiliŋo, fo Alla lombaliyaa doroŋ.

Malaki 2:11

Yahuudoolu maŋ tiliŋ Alla fee, aduŋ kuu haraamuriŋolu le keta Yerusalaamu, aniŋ Banisirayila bee. Yahuudoolu ye Yaawe Batudulaa Senuŋo le kosondi, a ye daameŋ kanu, ka bantala banku* sunkutoolu futuu, mennu ka jalaŋolu batu.

5 Musa 32:12

Yaawe dammaa le ye ali kenkeŋ, alla koteŋ maŋ kafu a ma.

5 Musa 6:14

Ali kana bula moo koteŋolu la alloolu nooma.