Jabuuroolu 78:7 - Mandinka Bible

⁷ Wo si a tinna ì ye ì jikoo loo Alla kaŋ, ì hakiloo te bo la kuwolu kaŋ a ye mennu ke, ka a la yaamaroolu muta.

Jabuuroolu 78:7 Mawu Ofanana

Jabuuroolu 103:2

Nte be Yaawe jayi la le de, aduŋ n te ñina la a ye kuu betoolu mennu ke.

Jabuuroolu 105:45

ñiŋ kamma la ì si a la luwaalu muta, aniŋ ka taama a la yaamaroolu la. Ali Yaawe jayi.

Jabuuroolu 105:5

Alitolu Iburayima koomalankoolu, Alla la dookuulaa, Yaakuba koomalankoolu, Yaawe ye mennu tomboŋ, ali i miira kuu baalu la, a ye mennu ke, aniŋ a ye kaawakuwolu niŋ kiitiiteyoolu mennu taamandi.

Jabuuroolu 146:5

Seewoo be moo le ye meŋ ye Yaakuba la Alla muta a la maakoyirilaa ti, meŋ ye a jikoo loo Yaawe kaŋ, a la Alla.

Jabuuroolu 40:4

Seewoo be moo le ye meŋ jikita Yaawe la, meŋ buka jiki faŋ wara moolu la, waraŋ ka kafu moolu ma mennu ye feŋ kenseŋolu muta Alla ti.

Jabuuroolu 62:5

N niyo si dahaa soto Alla doroŋ ne fee, kaatu n jikoo be ate le kaŋ.

Jabuuroolu 91:14

Alla ko, “Bayiri i ye n kanu le, m be i kiisa la le. M be i tanka la le, bayiri i ye n loŋ ne, i jikita n na.

1 Korintinkoolu 11:24

biriŋ a ye tenturoo dii Alla la, a ye a kuntu. A ko, “Ñiŋ mu m baloo le ti meŋ diita ali ye. Ali ñiŋ ke hakilibulandiraŋo ti nte la kuwo to.”

5 Musa 4:9

Wo to ali ali hakiloo tu baake, ali kana ñina kuwolu la, ali ñaalu seedeyaata mennu la. Ali la baluwo bee kono, ali kana soŋ wolu ye bo ali sondomoo kono. Ali si a saata ali diŋolu niŋ ali mamariŋolu ye.

5 Musa 5:29

Niŋ ì sondomoolu tuta teŋ, ì ye n horoma, ì ye n na luwaalu bee muta, kuwolu bee be laakuu la ì ye le, ì niŋ ì koomalankoolu fo abadaa.

5 Musa 6:12

ali si ali hakiloo tu, ali kana ñina Yaawe la, meŋ ye ali bondi naŋ joŋyaa kono, Misira bankoo kaŋ.

5 Musa 6:21

ali si ì jaabi ñiŋ na ko, “M̀ mu nuŋ Firawoona la joŋolu le ti Misira bankoo kaŋ, bari Yaawe ye m̀ bondi naŋ Misira, a bulu sembemaa baa le la.

5 Musa 6:25

Niŋ ŋà ǹ hakili tu ka Yaawe ǹ na Alla la yaamaroolu bee muta kuu, ko a ye ǹ yaamari a la ñaameŋ, wo le be ke la ǹ na tiliŋo ti.”

5 Musa 8:11

Musa ye ì yaamari ko: Ali si ali hakiloo tu ali kana ñina Yaawe la, ali la Alla. Ali kana ali koo dii a la luwaalu, yaamaroolu niŋ saratoolu la, m be ali yaamari kaŋ mennu la bii.

5 Musa 8:2

Ali kana ñina Yaawe ali la Alla ye ali ñaatonkayaa ñaameŋ keñewuloo* kono, fo sanji taŋ naani. A ye koleyaa kuu jamaa le laa ali kaŋ ka ali kotobo, fo ali si ali fammajii, aniŋ ka a loŋ fo ali be a la yaamaroolu muta la le.

1 Pita 1:21

Ka bo niŋ ate le la, ali dankeneyaata Alla la, meŋ ye a wulindi ka bo saayaa kono, aduŋ a ye kallankeeyaa dii a la. Wo kamma la, ali la lannoo niŋ jikoo si tu Alla kaŋ.

1 Yohana 5:3

Ka Alla kanu, wo mu ka a la yaamaroolu muta, aduŋ a la yaamaroolu maŋ koleyaa.

Lankenemoo 14:12

Wo mu wakiilindiri kumoo le ti Alla la moo senuŋolu ye, ka Alla la yaamaroolu muta, aniŋ ì la lannoo Yeesu la.