Jabuuroolu 74:3 - Mandinka Bible

³ Wuli, i ye naa ñiŋ tumbuŋ meeriŋo kono muruŋ-muruŋ. A juubee, ǹ jawoolu ye Batudulaa feŋolu bee le tiñaa.

Jabuuroolu 74:3 Mawu Ofanana

2 Mansoolu 25:9

A ye dimbaa duŋ Yaawe* Batudulaa Buŋo* la, mansasuwo, buŋ kummaalu bee, aniŋ buŋ toomaalu bee, Yerusalaamu saatewo kono.

Nehemiya 1:3

Ì ye n jaabi ko, “Moolu mennu tuta baluwo to kumandaŋ mara bankoo kaŋ jee, mennu seyita ka bo mutoo kono, be koleyaa baa le kono, aniŋ maloo. Yerusalaamu tata sansaŋo boyita le, aduŋ a dundaŋ daalu janita le.”

Nehemiya 2:13

Suutoo n taata niŋ Wulumbanto Dundaŋ Daa le la. N taata ka tambi Ninkinanka Woyoo to la, ka naa Suntukunto Dundaŋ Daa to. N taatoo ŋa saatewo tata sansaŋo koroosi, meŋ be teyiriŋ, aduŋ dimbaa ye a dundaŋ daalu kasaara le.

Nehemiya 2:3

N ko mansa ye ko, “Allamaa i mee la! Muŋ ne ye a tinna n ñaa te kuyaa la, baawo m mumuñolu be laariŋ saatewo meŋ to, jee be tumbundiŋ ne, aduŋ a dundaŋ daalu bee kasaarata niŋ dimbaa le la?”

Jabuuroolu 44:23

Maariyo, dukaree wuli! Muŋ ne ye a tinna i be siinoo la? Wuli! Kana i koo dii ǹ na fo fawu.

Jabuuroolu 44:26

Wuli, i ye naa m̀ maakoyi! Ǹ kiisa i la kanu bambaloo kamma la.

Jabuuroolu 79:1

Hee Alla, sii koteŋolu le dunta i la bankoo kaŋ i ye meŋ dii ǹ na. Ì ye i Batudulaa Senuŋo kosondi le, ì ye Yerusalaamu ke tumbuŋo ti.

Yesaya 10:6

Ŋa a kii banku le kaŋ, meŋ ye a koo dii n na. Ŋa a kii moolu le kaŋ, mennu ka n kamfandi, ka i tuu ì kaŋ ko potoo meŋ be mbeedoolu kaŋ, ka ì ñapinkaŋ ka ì la feŋolu taa.

Yesaya 25:10

Yaawe maakoyiri buloo be tara la ñiŋ konkoo kaŋ ne, bari a be Mowabinkoolu la kuwo jindi la le, ì ye ì toñonka ko siimaŋ kaloo meŋ be jambandi dinkoo kono.

Yesaya 61:4

Ì be tumbuŋ kotoolu lookuu la le, ì ye dulaalu mennu meeta kasaarariŋ, seyindi ì ñaama. Ì be saatee tiñaariŋolu dadaakuu la le, mennu janjanta, sanji jamaa koomanto.

Yeremiya 52:13

A ye dimbaa duŋ Yaawe Batudulaa Buŋo* la, mansasuwo, buŋ kummaalu bee, aniŋ buŋ toomaalu bee, Yerusalaamu saatewo kono.

Niikuyaa Suukuwolu 1:10

Kooni, i jawoolu buloo siita i la sotofeŋ kummaalu ma le, ì ye ì bee taa kewu! I ñaa be mala kaŋ banku koteŋ moolu kaŋ, ì ye i seyiŋ i la Batudulaa Senuŋo kono, Yaawe ye mennu la duŋo koŋ, i la moolu ka beŋ daameŋ.

Daniyeli 11:31

A be a la kelediŋ doolu kii la le, ka Alla Batudulaa Buŋo* kono kosondi, aduŋ ì be luŋ-wo-luŋ jani sadaalu* bondoo daŋ na le. Ì be feŋ haraamuriŋo le londi la sadaajanidulaa* kaŋ, meŋ be kasaara kuu baa saabu la.

Daniyeli 9:17

M̀ Maarii Alla, dukaree n na duwaa jaabi, aduŋ ŋa i daani kuwolu mennu la, i si ì ke. I faŋo la kuwo kamma la, i la Batudulaa Buŋo* la kuwo buuñandi i ñaa koto, meŋ be tumbundiŋ.

Daniyeli 9:27

Wo maralilaa niŋ moo jamaa le be kambeŋ bambandiŋo siti la, fo sanji woorowula. Niŋ sanji woorowuloo talantewo tambita, a be beeyaŋ sadaalu* niŋ siimaŋ sadaalu bondoo daŋ na le. Aduŋ a be feŋ haraamuriŋo le ke la ì noo to, meŋ be kasaaroo saabu la, labaŋo la, Alla ye kasaara kuwo meŋ nata, a be a kupi la kuwo ñiŋ baaralaa kaŋ ne.”

Mika 1:3

A fele, Yaawe be naa kaŋ ne ka bo a taradulaa to. A be naa kaŋ duniyaa kono le, a ye taama konko jaŋolu kaŋ.

Mika 3:12

Ali la kuwo kamma la, Yerusalaamu be ke la tumbuŋo le ti, Siyoni ye ke senebankoo ti, aduŋ Alla Batudulaa Buŋo* be looriŋ konkoo kaŋ daameŋ, jee be ke la sutoo le ti.

Maaka 11:17

Wo to le a ye ì karandi, a ko ì ye ko, “Fo a te safeeriŋ ko: ‘N na buŋo be kumandi la duwaa buŋo le la, bankoolu bee ye,’ bari alitolu ye a ke suŋolu la daakaa le ti!”

Luka 21:24

Moo jamaa be faa la niŋ hawusaroo* la, doolu be taa la mutoo kono bankoolu bee kaŋ. Bituŋ jaahiloolu be Yerusalaamu bee dori la le, fo niŋ ì la waatoo banta.

Yosuwa 10:24

Kabiriŋ ì ye ñiŋ mansoolu samba naŋ Yosuwa ye, a ye Banisirayila kewolu bee kili ñoo kaŋ. Bituŋ a ko kelediŋ kuntiyolu a niŋ mennu be siloo kaŋ ye ko, “Ali naa jaŋ, ali ye ali sindafatoolu loo ñiŋ mansoolu kaŋolu kaŋ.” Bituŋ ì fintita naŋ, ì ye ì sindafatoolu loo ñiŋ mansoolu kaŋolu kaŋ.

Lankenemoo 11:2

Bari luwo meŋ be Alla Batudulaa ñiŋ banta la, kana wo sumaŋ, kaatu a diita Alla lombaloolu le la. Ì be doriŋ-doriŋ na saatee senuŋo kaŋ ne fo kari taŋ naani niŋ fula.