Jabuuroolu 74:2 - Mandinka Bible

² I miira i la moolu la, i ye mennu tomboŋ waati jaŋ koomanto, i la moolu, lasiloo i faŋo ye meŋ kumakaa. I hakiloo ye bula Siyoni* Konkoo la, i ye daameŋ ke i taradulaa ti.

Jabuuroolu 74:2 Mawu Ofanana

Jabuuroolu 106:40

Bituŋ Yaawe kamfaabaata a la moolu kamma, aduŋ a ñewunta ì la le, itolu mennu mu a la tomboŋ moolu ti.

Jabuuroolu 135:4

Yaawe ye Yaakuba koomalankoolu tomboŋ a faŋo le ye, a ye Banisirayilankoolu ke a faŋo ye le komeŋ sanoo niŋ luuluwo.

Jabuuroolu 33:12

Neemoo be bankoo le ye, meŋ na Alla mu Yaawe ti. Seewoo be moolu le ye, a ye mennu tomboŋ ka ke a taa ti.

Jabuuroolu 68:16

Hee Konko, i niŋ i turu jaŋolu, muŋ ne ye a tinna i ka Siyoni* Konkoo fele kiiliyaa kaŋ, Alla lafita daameŋ ye ke a taradulaa ti, Yaawe be tara la daameŋ to fo abadaa?

Jabuuroolu 77:15

I ye i la moolu kiisa i la semboo la le, Yaakuba aniŋ Yusufa koomalankoolu. S

Jabuuroolu 9:11

Ali suukuwo laa ka Yaawe jayi, meŋ na mansasiiraŋo be Siyoni*. Ali a seyinkaŋ duniyaa moolu ye a ye kuwolu mennu ke.

Jabuuroolu 9:12

Ate meŋ ka moofaa juloo joo, a ka moo toorariŋolu hati le. A buka ñina moolu la kumboo la, ì ka mennu toorandi.

Jabuuroolu 94:14

Yaawe te a koo dii la a la moolu la. A te i bo la a fansuŋ moolu to.

2 Musa 15:13

“I la kanu bambaloo kaŋ, i ye i la moolu mennu tanka, i be i ñaatonkayaa la le. I la semboo kaŋ, i be ì kenkeŋ na le fo i la dinkiraa senuŋo to.

2 Musa 15:16

kija kuntoo aniŋ silaŋo le be boyi la ì kaŋ. Hee, Yaawe, kabiriŋ i la moolu be tambi kaŋ, i la moolu, i ye mennu bondi joŋyaa kono, ì jawoolu tuta tenkundiŋ ne komeŋ beroo.

Yesaya 51:11

Yaawe ye moolu mennu kumakaa, be muruŋ na le. Ì niŋ suukuwo le be duŋ na Siyoni*. Ì be tara la seewoo bambaloo le kono. Niikuyaa niŋ woosiyo be jamfa la ì la le, kontaanoo niŋ seewoo ye ì futufaa.

Yesaya 62:12

Ì be i la moolu kumandi la Moo Senuŋolu le la, Yaawe la Kumakaariŋolu. Ì be i kumandi la Lafinna Dulaa le la, aniŋ Saatee Tumbumbaloo.

Yesaya 62:6

Hee Yerusalaamu, ŋa saatee kantalaalu le londi i la tata sansaŋolu kaŋ santo. Suuto tili la ì te tara la deyiriŋ muumeeke duwaa la. Alitolu mennu ka duwaa daani Yaawe bulu, ali kana i foñondiŋ.

Yesaya 63:17

Hee Yaawe, muŋ ne ye a tinna i sonta m̀ filita i la siloo ma, i ye ǹ jusoolu jandi, fo m̀ maŋ sila i la? Muruŋ ǹ kaŋ, i ye a ke i la dookuulaalu la kuwo kamma la, ñiŋ lasiloolu mennu mu i taa ti.

Yesaya 63:9

Niŋ ì ye niitoora-wo-niitoora soto, a fanaa niyo ka kuyaa le. A maŋ ke malaayikoo ti meŋ ye ì tanka, bari a la taroo ì fee. A ye ì kumakaa a la balafaa niŋ a la kanoo le kaŋ, a ye ì sika le ka ì bambu kabiriŋ waati jaŋ koomanto.

Yeremiya 10:16

Bari Yaawe te wo ñaama, Yaakuba la Alla, kaatu ate le mu feŋo bee Daamansoo ti, a ye Isirayila ke a la keetaafeŋo ti. A too mu Yaawe Alihawaa Maariyo* le ti.

Yeremiya 51:19

Bari Yaawe te wo ñaama, Yaakuba la Alla, kaatu ate le mu feŋo bee Daamansoo ti, a ye Isirayila lasiloo ke a la keetaafeŋo ti. A too mu Yaawe Alihawaa Maariyo le ti.

Kiilaalu 20:28

“Ali ali hakiloo tu ali faŋolu to, aniŋ Yeesu la kafoo bee, Noora Kuliŋo ye ali ke topatoorilaalu ti mennu kono. Ali si Maariyo la koorewo kanta, Alla ye meŋ saŋ a faŋo Dinkewo yeloo la.

5 Musa 32:9

Bari Yaawe taa, wo keta a la moolu le ti, Yaakuba koomalankoolu, wolu le mu a niyo ti.

5 Musa 4:20

Bari alitolu le keta moolu ti, Yaawe ye mennu bondi naŋ Misira bankoo kaŋ, daameŋ mulunta ali ye nuŋ ko fuuri kandoo. A naata ali ke a fansuŋ moolu ti ko ali be ñaameŋ bii.

5 Musa 9:26

Bituŋ n naata Yaawe daani ko, “M Maarii Yaawe, kana ì kasaara, i fansuŋ moolu le mu, i ye mennu kumakaa i semboo la, i ye ì bondi naŋ Misira bankoo kaŋ i bulu sembemaa baa la.

5 Musa 9:29

Wo bee koolaa, ñinnu le mu moolu ti, i ye mennu tomboŋ ka ì ke i fansuŋ moolu ti. Aduŋ itolu le keta moolu ti, i ye mennu bondi naŋ Misira bankoo kaŋ i semboo la aniŋ i bulu sembemaa baa.”

Titus 2:14

meŋ ye a faŋo dii ka ǹ kumakaa ka bo ǹ na junuboolu bee kono, fo a si ǹ seneyandi a faŋo ye ka ke moolu ti, mennu ka hame kuu bete kewo la.

Lankenemoo 5:9

Bituŋ ì ye suukuu kutoo laa ko: “Ite le jarita ka kitaabu moromororiŋo taa, aniŋ ka a notoolu teyi. Kaatu ite le kanateyita, i ye moolu kumakaa Alla ye. Ite le yeloo keta kumakaaraŋo ti moolu bee ye, ka bo siyolu bee kono, kaŋolu, bankoolu, aniŋ nasiyoŋolu bee.